
ဒုက္ခကို ဘယ်လိုချစ်မလဲ(HOW TO LOVE TROUBLE)
17000 (ကျပ်)
“ဒုက္ခကိုဘယ်လိုချစ်မလဲ – HOW TO LOVE TROUBLE” စာအုပ်ဟာ ဘဝရဲ့ပြဿနာတွေ၊ အခက်အခဲတွေ၊ ပင်ပန်းဆင်းရဲမှု ဒုက္ခ တွေကို ရှောင်ရှားနည်းစာအုပ် မဟုတ်ပါဘူး။ အရာအားလုံးကိုအကောင်းမြင်ပေးလိုက်ဖို့ Spiritual Bypassing လုပ်ထားတဲ့စာအုပ်လည်းမဟုတ်ဘူး။
ဘဝမှာ မလွဲဧကန်ကြုံတွေ့ရမယ့် ဒုက္ခတွေနဲ့ မိမိရဲ့ဆက်ဆံမှုကို ပြောင်းလဲဖို့အကြောင်း ရေးသားထားတဲ့ စာအုပ်သာဖြစ်ပါတယ်။ သက်သောင့်သက်သာနဲ့ ပြီးပြည့်စုံမှုတွေကိုသာ အလေးထားတဲ့ ဒီကမ္ဘာလောကကြီးထဲမှာ ဒီစာအုပ်က ဒုက္ခတွေကိုချစ်တတ်ဖို့ ပြောပြလိုက်တဲ့ စွန့်စားမှုတစ်ခု၊ ရဲရင့်မှုတစ်ခုပါ။
ဆုံးရှုံးမှုတွေ၊ စွန့်လွှတ်ခွဲခွာရမှုတွေ၊ ပဋိပက္ခ သံသယတွေ၊ မရေရာမှုတွေကို ဖြတ်ကျော်နိုင်ဖို့ ဒီစာအုပ်ကလေးဟာ အတူရှိနေပေးပါလိမ့်မယ်။
ဒုက္ခတွေကနေ ထွက်ပြေးဖို့၊ ဒုက္ခတွေမလာအောင် တားဆီးထားဖို့မဟုတ်ဘဲ ဒုက္ခကိုစူးစမ်းတဲ့စိတ်၊ ရဲရင့်တဲ့စိတ်၊ ကျေးဇူးတရား၊ သတိပညာတို့နဲ့ ရင်ဆိုင်ထွေးပွေ့တတ်ဖို့ပါ။ နေ့စဉ်ကြုံဆုံနေရတဲ့ စိတ်မကျေနပ်စရာ အသေးအဖွဲလေးတွေကနေစလို့ ဘဝကို ပြောင်းလဲသွားစေတဲ့ ကြီးမားတဲ့ဆုံးရှုံးမှုဒုက္ခကြီးတွေအထိ ထဲထဲဝင်ဝင် ရေးသားထားတဲ့ စာအုပ်ဖြစ်ပါတယ်။
နေ့စဉ်ဘဝမှာ အသုံးချစရာ လေ့ကျင့်ခန်းတွေ၊ သင်ယူမှတ်သားစရာ ပုံပြင်ဇာတ်လမ်းတွေ အထူးသဖြင့် စာရေးသူရဲ့ တန်ဖိုးရှိလှတဲ့ ဘဝအတွေ့အကြုံနဲ့တွေးခေါ်မှုတွေ ပါဝင်ပါတယ်။ လူ့လောကရဲ့နာကျင်စရာ ဒုက္ခတွေကို ရိုးသားမှုအပြည့်နဲ့ ရေးသားထားတဲ့ ဒီစာအုပ်ဟာ ဘဝရဲ့ အစဉ်မပြတ် တောင်းဆိုမှုတွေကြောင့် စိတ်ဖိစီးနေသူ၊ ပင်ပန်းနွမ်းနယ်နေသူ၊ ကွဲအက်ကြေမွနေသူတိုင်းအတွက် မိတ်ဆွေတစ်ယောက်လိုဖြစ်လာပါလိမ့်မယ်။
– အဆင်ပြေနေတယ်လို့ ဟန်ဆောင်ပြောပြရမှာ ပင်ပန်းနေပြီလား။၏
– နာကျင်မှုတွေကနေ ထွက်ပြေးနေတာကိုရပ်ဖို့ အဆင်သင့်ဖြစ်နေပြီလား။
– ဘဝရဲ့ဒုက္ခတွေ ၊အခက်အခဲတွေ၊ ရုန်းကန်မှုတွေဟာ မြင့်မားတဲ့အသိပညာ တစ်ခုဆီ ခေါ်ဆောင်သွားနေပြီလို့ ခံစားနေမိလား။
| စာမျက်နှာ | 214 (woodfree papaer) |
|---|---|
| စာအုပ်အရွယ်အစား | 5.8 x 0.4 x 8.2 inches |
| ပုံနှိပ်မှတ်တမ်း | ဇွဲသီဟစာပေ ၊2026၊ ဖေဖော်ဝါရီလ (ပထမအကြိမ်) |
15 in stock





Take A Look Around (TALA) –
ဒီနှစ်ကာလတွေမှာ ကျနော့်ရဲ့ သူငယ်ချင်း အပေါင်းအသင်း အသိမိတ်ဆွေတွေကို သိပ်မပြောဖြစ်တဲ့ ပြောမထွက်တဲ့ စကားတစ်ခွန်းရှိတယ်။ အဲ့တာ “ကံကောင်းလိုက်တာ” ဆိုတဲ့စကားပဲ။ ဘာလို့လဲဆိုတော့ ကျနော်တို့အားလုံး ဘယ်လိုအခြေအနေမျိုးတွေကို ရင်ဆိုင်ကျော်ဖြတ်နေရလဲဆိုတာ ကိုယ်တိုင်အသိဆုံးဖြစ်လို့ပါပဲ။ ဒါကို ကံကောင်းလိုက်တာလို့ သွားပြောရင် သူတို့ကို/ သူတို့ရဲ့ကြိုးစားမှုကို စော်ကားရာကျမှာပေါ့။ ဒါကြောင့် တစ်ယောက်ယောက်နဲ့များ ထပ်မံဆုံတွေ့ရရင် “ရင်ဆိုင်ကျော်ဖြတ်နိုင်ခဲ့တဲ့အတွက် ဝမ်းသာဂုဏ်ယူလိုက်တာ”လို့ စိတ်ထဲ တီးတိုးရေရွတ်နေမိတယ်။
ဟိုရက်က စာအုပ်လေးတစ်အုပ်ရောက်လာတယ်။ နာမည်က နည်းနည်းတော့ ဆန်းတယ်။ “ဒုက္ခကို ဘယ်လိုချစ်မလဲ” တဲ့။ ပထမဆုံးစာမျက်နှာမှာပဲ စာအုပ်နာမည်ရဲ့ မူလအရင်းအမြစ်က တရားတစ်ပုဒ်ကနေလို့ သိရတော့ အဲ့ဒီတရားတော်ကိုလည်း ရှာပြီး နာလိုက်ပါသေးတယ်။ ဘုန်းဘုန်းရဲ့ တစ်နာရီစာတရားတော်ကနေ အတွေးအမြင် အသိအလင်းတချို့ကိုလည်း သိမြင်နားလည်ခဲ့ရပါတယ်။
ဒုက္ခတဲ့။ မွေးကတည်းက ကျနော်တို့တွေ ကြုံတွေ့ရင်ဆိုင်လာခဲ့ရတဲ့အရာပေါ့။ ဟုတ်တယ်လေ ရှောင်လွှဲလိုက်လို့မှ မရတာ။ ဒါပေမဲ့လည်း တစ်မျိုးပြီးတစ်မျိုးမို့ မရိုးနိုင်သေးပါဘူး။ ရှင်သန်နေသရွေ့တော့ နေရာပေါင်းစုံကနေ ဒုက္ခ၊သုခပေါင်းစုံကို ကျနော်တို့ တွေ့ကြုံနေရဦးမှာပါ။ ရင်ဆိုင်ရုံကလွဲပြီး ကျနော်တို့မှာ ရွေးချယ်စရာလည်း မရှိဘူးမဟုတ်လား။ ဒီစာအုပ်ကတော့ ဒုက္ခကို ပုံစံအသစ်တမျိုးနဲ့ ရင်ဆိုင်နိုင်ဖို့ လမ်းဖွင့်ပေးထားပါတယ်။
ပထမဆုံး စာအုပ်နာမည်ကိုမြင်လိုက်တာနဲ့ ဒုက္ခကို အတင်းကာရော အကောင်းမြင်ခိုင်းတဲ့ (Toxic Positivity) စာအုပ်မျိုးလား၊ ရှောင်ပြေးခိုင်းတဲ့ သဘောလားလို့ ထင်မြင်စရာ ရှိနိုင်ပါတယ်။ ဒါပေမဲ့ ဒီစာအုပ်က အဲဒီလိုမဟုတ်ပါဘူး။ ဒုက္ခတွေကို ရှုထောင့်အသစ်တစ်ခုကနေ ကြည့်မြင်ပြီး ရဲရဲရင်ဆိုင်ကျော်လွှားဖို့ ဖိတ်ခေါ်ထားတဲ့ စွန့်စားခန်းတစ်ခုသာ ဖြစ်ကြောင်း စာရေးသူက ရှင်းပြထားပါတယ်။
ဒီစာအုပ်ထဲမှာ ဆရာမက ဒုက္ခအကြောင်းကို အပိုင်း ၅ ပိုင်းခွဲပြီး ဒုက္ခကိုချစ်တတ်ဖို့ တစ်ဆင့်ချင်းစီ တင်ပြသွားပါတယ်။ ဒီထဲမှာ
အပိုင်း (၁) ဒုက္ခကို နားလည်ခြင်း
အပိုင်း (၂) ဒုက္ခရဲ့ သဘောသဘာဝ
အပိုင်း (၃) ဒုက္ခကို ဘယ်လိုချစ်မလဲ
အပိုင်း (၄) ဒုက္ခနဲ့အတူ လမ်းလျှောက်ခြင်း
အပိုင်း (၅) ဒုက္ခကို ကျော်လွန်၍ နေထိုင်ခြင်း
တို့ပဲဖြစ်ပါတယ်။
တစ်ပိုင်းချင်းစီမှာလည်း သက်ဆိုင်ရာ ခေါင်းစဉ်ခွဲတွေ ပါဝင်သလို၊ စာဖတ်သူတွေ လက်တွေ့ကျကျ လိုက်ပါကျင့်သုံးနိုင်ဖို့ Takeaway Messages တွေ၊ Life Application တွေ ထည့်သွင်းပေးထားတာက ဒီစာအုပ်ရဲ့ အားသာချက်တစ်ခုပါပဲ။ ဒါ့အပြင် QR Code ကနေတစ်ဆင့် ဆရာမကိုယ်တိုင် ပြောကြားထားတဲ့ Podcast တွေကိုပါ တွဲဖက်လေ့လာနိုင်အောင် ထည့်သွင်းစီစဉ်ပေးထားပါသေးတယ်။
ဒီစာအုပ်လေးကို ဖတ်ရှုပြီးတဲ့အခါမှာတော့ မိမိဘဝထဲ ဝင်ရောက်လာတဲ့ ဒုက္ခတွေကို အမြင်သစ်၊ ခွန်အားသစ်တွေနဲ့ ရင်ဆိုင်ကျော်ဖြတ်နိုင်မယ်လို့ ယုံကြည်မျှော်လင့်မိပါတယ်။