တောင်ပေါ်အနမ်း အလွမ်းရာသီ

( 44 မှတ်ချက်)

6500 (ကျပ်)

စိတ်မှာ အလွှာတွေ အထပ်ထပ်ရှိသည်…။
စိတ်မှာ အခန်းငယ်ကလေးတွေ ရှိသည်…။
ရုပ်မှာ ဒဏ်ရာရလာလျှင် မြင်ဖို့… သိဖို့ လွယ်ကူသည်…။
စိတ်မှာ ဒဏ်ရာရလာလျှင်… မြင်ဖို့… သိဖို့ မလွယ်ကူပါ…

စိတ်သည် ဒဏ်ရာတွေရလာလျှင် ကုသဖို့ထက် ရှောင်ပြေးဖို့ကို ကြိုးစားတတ်သည်…။ သူ့ဒဏ်ရာတွေကို အောက်ဆုံးအထိ ထိုးထည့်ထားလိုက်သည်…။ အလွှာတွေ အထပ်ထပ် ဖုံးပစ်လိုက်သည်….။ အခန်းငယ်တွေထဲ သော့ပိတ်ကာ ထည့်ထားလိုက်သည်…။

သူလှောင်ပိတ် ထိုးသိပ့်ထည့်လိုက်သော အရာများထဲတွင် ဘ၀၏ပျော်ရွှင်ခြင်း….၊ စစ်မှန်ခြင်း….၊ လွတ်မြောက်ခြင်း….၊ ငြိမ်းချမ်းခြင်းတွေလည်း တစ်စစီ တစ်စစီ ပါသွားတတ်ကြသည်။

စိတ်အလွှာအောက်ဆုံးမှာ နစ်ဝင်နေသော ဒဏ်ရာများကို ပြန်လည်တူးဖော်ရတာက တွင်းနက်နက်ကြီး တစ်ခုထဲကို ဆင်းသွားရတာနှင့် တူသည်….။ စိတ်အခန်းငယ်လေးတွေထဲက ဒဏ်ရာတွေကို ပြန်ထုတ်ယူရတာက နာကျင်မှုနှင့်အတူ မောပန်းလွန်းလှသည်….။

ဒီဒဏ်ရာတွေထဲမှာ ပျောက်ဆုံး ပြတ်တောက်နေသော ဘ၀၏ အချင်းအရာတွေလည်း အစိတ်အပိုင်းတွေအဖြစ် ပါရှိနေတတ်သည်…။

စာမျက်နှာ

203

စာအုပ်အရွယ်အစား

5.2 x 0.7x 8 inches

ပုံနှိပ်မှတ်တမ်း

ပန်းဆက်လမ်းစာပေ၊ 2023 ဖေဖော်ဝါရီလ (ပထမအကြိမ်)

34 in stock

တောင်ပေါ်အနမ်း အလွမ်းရာသီ အား ဝေဖန်သုံးသပ်မှု 44 ရှိပါသည်။

  1. Zin Mar Win Kyi (verified owner)

    #တောင်ပေါ်အလွမ်းအနမ်းရာသီ
    #မွန်ဟော်စီ
    စာဖတ်သူတွေရဲ့စိတ်ကို ညှို့အားပြင်းပြင်းနဲ့ စွဲဆောင်နိုင်လွန်းတဲ့စာအုပ်လေးပါ….📖📖📖
    စာအုပ်ဖွင့်ပြီး စဖတ်ကတည်းက သိချင်စိတ်တွေပြင်းပြပြီး လက်ကမချနိုင်အောင်ပါဘဲ……❤️❤️❤️
    အမျိုးသမီးနှစ်ယောက်ရဲ့ ဖြူစင်တဲ့ သံယောဇဥ်ကို အခြေပြုပြီး စိတ်ကျန်းမာရေးဆိုင်ရာ ဗဟုသုတတွေကိုဝေမျှထားတဲ့စာအုပ်လေးတစ်အုပ်……📖📖📖
    တောင်ပေါ်ဒေသတွေကို မရောက်ဖူးပေမဲ့ တောင်ကုန်းတောင်တန်းတွေကို သဘောကျနှစ်သက်သူတစ်ယောက်အတွက် လှပတဲ့တောင်ပေါ်ရှုခင်းတွေ ထင်ရှူးပင်အလှတွေနဲ့ ပြည့်နှက်နေတဲ့အပြင် ရှု့ခင်း အလှကို “နေ့” ရော “ည” ပါမြင်နိုင်ဖို့ မှန်တွေကာရံထားတဲ့ နေချင်စဖွယ် ကောင်းလှတဲ့ #မေဇော်ရဲ့ တောင်ကုန်းအိမ်ကလေးဟာလဲ နှစ်သက်သဘောကျစရာ…….😍🏡
    ဒိုးကလေးရဲ့ ငယ်စဥ်ခလေးဘဝက ကြုံတွေ့ခံစား ခဲ့ရတဲ့ Trauma အကြီးကြီးတစ်ခုကြောင့် ပိတ်မိနေတဲ့ဒိုးကလေးရဲ့ စိတ်တံခါးကိုဖွင့်ဖို့ သော့ရှိရာအတူလိုက်ပါလမ်းပြပေးရင်း ဒိုးကလေးရဲ့ အတိတ်ကို ကုစားပေးနိုင်ခဲ့တဲ့ စိတ်ရောဂါဆရာမလေး #မေဇော်
    နောက်ဆုံးမှာ ကြီးမားတဲ့စိတ်ဒဏ်ရာတွေကို အခမ်းနားဆုံး အလှပဆုံး အတောက်ပဆုံး ဖွင့်ထုတ်ပစ်နိုင်ခဲ့တဲ့ ဒိုးကလေး တစ်ဖြစ်လဲ #ချို
    ဆွဲဆောင်မှု့တွေအပြည့်နဲ့ ဖတ်လာရင်း နောက်ဆုံးမှာ ကိုလင်းရဲ့ Big surprise ကြီးကြောင့် မေဇော်နဲ့အတူ ဆေးလိပ်ငွေ့တွေမှုတ်ထုတ်ရင်း ကြေကွဲခဲ့ရတယ် 🥺🥺😢
    ကျမတို့မှာလဲ ဒိုးကလေးလိုပဲ စိတ်ဒဏ်ရာ အနည်း နဲ့ အများ ရှိနေနိုင်တာမို့ ပိတ်မိ‌ေနတဲ့စိတ်တံခါးကို ဖွင့်ဖို့လိုအပ်တဲ့ သော့ကလေးကို ဒီစာအုပ်လေးထဲကနေရှာတွေ့နိုင်မယ်လို့ ယုံကြည်ပါတယ်…..။
    စိတ်ကျန်းမာရေးနဲ့ပတ်သတ်ပြီးလဲ ဗဟုသုတရများစွာရရှိတဲ့စာအုပ်လေး…..။
    ဒီစာအုပ်လေးကိုဖတ်ခွင့်ရလို့ မမနော် Naw Zin Mar MyintLwin ကိုလဲ ကျေးဇူများကြီးတင်ပါတယ်ရှင့်🙏🥰
    ***လူတွေကို မေးချင်တာ တစ်ခုသာရှိသည်။
    ကိုယ်နှင့်သက်ဆိုင်မှု့မရှိသော သူများဘ၀တွေကို ၀င်ရောက်ပြောဆိုခြင်းကြောင့် ကာယကံရှင်တွေ ဘယ်လောက်ထိ နစ်နာသွားရတတ်တာကိုသိပါသလား …။
    စကားလုံးတွေကို ကိုယ်တို့ ထိတွေ့ကိုင်တွယ်လို့မရ… သို့သော် ဒီစကားလုံးတွေက ကိုယ်တို့ရဲ့ဘ၀တွေကို ကိုင်လှုပ်ပစ်နိုင်စွမ်းရှိသည်…ဖြိုလှဲပစ်နိုင်စွမ်းရှိသည်…***
    17/3/2023

  2. Mwe Hom (verified owner)

    ဆရာမ မွန်ဟော်စီရဲ့စာတွေကို Personally လုံးချင်းဝတ္တုတွေ ဖတ်ရတာ ပိုကြိုက်တယ်…
    Mental Detox၊ မေတ္တာအလင်း စွမ်းအား၊ Renew, Redo ဝယ်ထားပေမယ့် အခုထိမဖတ်ပြီးသေးဘူး..
    ဆက်ရန်မရှိတော့ပါ Series ကတည်းက ကိုယ့်အကြိုက်ဆုံး စာရေးဆရာမတယောက် ဖြစ်လာတော့ လုံးချင်းနောက်တအုပ် “တောင်ပေါ်အနမ်း အလွမ်းရာသီ” ထွက်ဖို့ရှိတယ် စကြေငြာကတည်းက ဖတ်ချင်နေခဲ့တာ…
    Healing Techniques တွေအကြောင်း လေ့လာမိနေတဲ့အချိန် ကိုယ်တိုင်လည်း Energy Healing အကြောင်း ထိတွေ့နေတဲ့အချိန်ဆိုတော့ စာအုပ်ဖတ်ရင်း ကိုယ်သိထားတာတွေနဲ့ ပြန်ချိန်ပြီး အဖြေတိုက်နေမိတယ်…
    ဇာတ်ကောင်တွေနဲ့ မျောပါရင်း ကိုယ့်ကိုယ်ကိုနဲ့ ပြန်ချိန်ထိုးရင်း Reflect လုပ်မိနေတယ်..
    ပြီးလည်းသွားရော စိတ်ထဲ နွမ်းလျကျန်နေခဲ့တယ်…
    ကိုယ်ကိုတိုင်ကကော မေဇော်လို သူများတွေကို ကူညီဖို့လုပ်ရင်း ကိုယ့်ကိုယ်ကို Heal ဖို့ မေ့နေခဲ့သလား..
    ကိုယ်ဘာလိုချင်လဲ ဖြစ်ချင်လဲဆိုတာ သေချာမသိပဲ ကိုယ်တန်ဖိုးထားတဲ့အရာကို ကိုယ့်အဝေးရောက်အောင် တွန်းပို့နေမိတာ ဘာတွေရှိလဲ ပြန်မေးနေမိတယ်..
    တကယ်လည်း ပြင်းပြင်းပျပျလိုချင်လာရော ကိုယ်နားပြန်မရောက်နိုင်တော့တဲ့ အခြေနေတခု ဖြစ်လာခဲ့ရင်၊ အဲလိုနောက်ကျမှ သိခဲ့ရင် ဘယ်လိုနေမလဲ..
    မေးခွန်းတွေ ကျန်နေခဲ့တယ်..
    ဘဝကို ရိုးရိုးရှင်းရှင်း ဖြတ်သန်းပြီး ပျော်နေနိုင်တဲ့ တော်ပေါ်က Slow Living Lifestyle ပုံစံလေး ရေးပြသွားတာ သဘောကျမိတယ်…
    #တောင်ပေါ်အနမ်းအလွမ်းရာသီ
    #MonHalsey

  3. Swan Arr Kyaw Zan

    စာအုပ်နာမည်မြင်မိတာနဲ့ အချစ်ဝတ္ထုချည်းပဲလို့ ထင်ရင် မှားသွားလိမ့်မယ်။

    ကလေးဘဝရဲ့ စိတ်ဒဏ်ရာ (Childhood Trauma) တွေက ဘယ်လောက်အထိ သက်ရောက်မှုရှိသလဲ။

    အတိတ်ဘဝရဲ့ စိတ်ဒဏ်ရာဒဏ်ချက်တွေက ဘယ်လောက်အထိ နက်နဲနေသလဲ။

    မျက်စိနဲ့လုံးဝမမြင်ရဘဲ စိတ်မှာဖြစ်တဲ့ အတိတ်ဘဝရဲ့ စိတ်ဒဏ်ရာဒဏ်ချက်တွေကို ဘယ်လို Healing လုပ်မလဲ။

    အတိတ်ဘဝက စိတ်ဒဏ်ရာကြောင့် အကောင်းဘက်ကို သက်ရောက်နိုင်အောင် ဘယ်လို Healing လုပ်ရမလဲ။

    အတိတ်ဘဝက စိတ်ဒဏ်ရာတွေဟာ အကောင်းဘက်ကို သက်ရောက်နိုင်သလို မကောင်းတဲ့ဘက်ကို သက်ရောက်နိုင်တယ်။ အဓိက ကိုယ့်ရဲ့ စိတ်ထားပါပဲ။

    ဒါကို စိတ်ဒဏ်ရာနဲ့ ပတ်သက်တဲ့ Mental Healing, Counseling, Mindset ဗဟုသုတလေးတွေနဲ့ Stress ချက်ချင်းလျှော့ချနည်းတွေကို ဝတ္ထုဇာတ်လမ်းနဲ့ဥပမာပေးပြီး အကျယ်ချဲ့ရေးပြထားတဲ့ စာအုပ်ပါ။

    ဒီဝတ္ထုထဲမှာပါတဲ့ ဒိုးကလေး(နောင်တွင် ချို (သံသာချို)နာမည်ဖြစ်လာ) အမေဖြစ်သူရဲ့ အဖြစ်အပျက်က အပြင်မှာတကယ်ရှိခဲ့တယ်လို့ ဆရာမမမွန်က ဒီစာအုပ်ထဲမှာ ရေးပြထားတယ်။

    ဒိုးကလေး(ချို) နဲ့ သူမအမေရဲ့ စိတ်ဒဏ်ရာတွေက မသေးလွန်းလှတဲ့အတွက် ဒီစာအုပ်ကို ဖတ်ရင်းကနေ ရင်ထဲ မွန်းကျပ်သလိုဖြစ်သွားတယ်။

    အခုစာအုပ်က ရသဝတ္ထုတစ်အုပ်ထက် ပိုတယ်။ စိတ်ပညာနဲ့ပတ်သက်တဲ့အရာတွေကလည်း ပိုနက်နဲတယ်။ အရေးအသားကတော့ Fiction နဲ့ Non-fiction မကျတကျရေးထားတော့ ဖတ်ရလည်း အရမ်းခက်ပါတယ်။

    စွမ်းအားကျော်ဇံ
    ၁၇ – ၅ – ၂၀၂၃ (ဗုဒ္ဓဟူးနေ့)

    #တောင်ပေါ်အနမ်းအလွမ်းရာသီ
    #မွန်ဟော်စီ #monhalsey
    #ပန်းဆက်လမ်း
    Published – ၂၀၂၃ ခုနှစ်၊ ဖေဖော်ဝါရီလ၊ ပထမအကြိမ်
    Copies – ၂၀၀၀
    Pages – 205
    Price – ၆၅၀၀ ကျပ်

  4. Sak

    အကြောင်းအရာ ကောင်းမွန်ပါတယ်။ စိတ်ပညာဗဟုသုတရစရာများစွာပါဝင်ပါတယ်။ ဒါပေမဲ့ စာရေးသူဟာ ဝတ္ထုအတတ်ပညာမှာ မေးခွန်းထုတ်စရာတွေတော့ ရှိပါတယ်။ ဝတ္ထုဖွဲ့စည်းပုံ အားနည်း၊ လျော့ရဲနေပါတယ်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မွန်ဟော်စီ စာအုပ်များ