ဟန်ချက်ညီသောဘ၀

ဟန်ချက်ညီသောဘ၀ အား ဝေဖန်သုံးသပ်မှု 2 ရှိပါသည်။

1. 

   Rated 5 out of 5

   Nay Htoo – January 25, 2021

   လူသားအားလုံးက အရာအားလုံး ဟန်ချက်ညီဖို့ (Balance) ဖြစ်ဖို့ဆိုတာ မလွယ်လှပါဘူး၊ လိုအပ်ချက်တွေ ရှိနေတတ်ကြပါတယ်၊ Balabce wheel စာအုပ်လေးက လိုအပ်ချက်တွေ ရှိနေတဲ့ ကျွန်တော်တို့ကို လိုအပ်နေတဲ့ အချက်လေးတွေ သေချာ ထောက့်ပြပေးထားတဲ့ အတွက် အလွန်သဘောကျ နှစ်သက်မိပါတယ်။

2. 

   Rated 4 out of 5

   Kyi Lai Lai Soe – January 24, 2021

   လူတစ်ယောက်စီတိုင်းမှာ သူတို့တွေရဲ့အမြင်ကို ပြောင်းလဲပေးနိုင်တဲ့ အရာများစွာရှိပါတယ် ။အခြေအနေအမျိုးမျိုးအပေါ်မှာလည်း မူတည်ပြီး သူတို့ရဲ့အမြင်တွေ၊အယူအဆတွေက ပြောင်းလဲသွားကြပါတယ် ။

   ကျွန်မရဲ့အယူအဆ၊အမြင်တွေကို ပြောင်းလဲအောင် ပြုလုပ်ပေးနိုင်တဲ့အရာကတော့ စာအုပ်တွေဘဲဖြစ်ပါတယ် ။

   ဒီနေ့မှာလည်း ကျွန်မရဲ့အမြင်‌တွေကိုပြောင်း‌စေတဲ့စာအုပ် တစ်အုပ်နဲ့ မိတ်ဆက်ပေးပါရစေ ။

   စာအုပ်လေးရဲ့နာမည်ကတော့ “ဟန်ချက်ညီသောဘဝ(Balance Wheel Of Life) ဖြစ်ပြီး ဆရာမ မွန်ဟော်စီ ရေးသားထားတာပါ ။

   ဒီစာအုပ်ထဲမှာဆိုရင် Day(1)ကနေDay(42)အထိ လုပ်ဆောင်လို့ရတဲ့ topics အချက်လေးတွေပါဝင်တဲ့အတွက် ကျွန်မတို့ကိုယ်တိုင် လိုက်ပါဆောင်ရွက်လို့ရပါ‌တယ် ။

   ဥပမာအနေနဲ့ပြောရမယ်ဆိုရင် Day(2)မှာ လုပ်ဆောင်ရတဲ့topicက ကိုယ်တကယ်လိုအပ်တဲ့ အရာ၊လိုချင်နေတဲ့အရာ နဲ့ ကိုယ့်မှာရှိနေတဲ့အရာတွေကို ချရေးရမှာပါ ။

   အဲ့လိုလုပ်ဆောင်မယ်ဆိုရင် ကျွန်မတို့တွေလည်း ကိုယ်ဘယ်အရာကို တစ်ကယ်လိုအပ်နေလည်း ဆိုတာသိလာရသလို မလိုအပ်ဘဲနဲ့လည်း တွေ့ရာပစ္စည်း‌တွေကို ဝယ်မိတော့မှာ မဟုတ်ပါဘူး ။Wants and Needs ကိုခွဲခြားလာနိုင်တဲ့အတွက် အရင်ကထက် ပိုက်ဆံပိုစုလာနိုင်မယ်၊မလိုအပ်ဘဲနဲ့လည်း မကုန်တော့ဘူးလို့ ထင်မြင်ယူဆမိပါတယ် ။

   Day(1)မှာဆိုရင်လည်း ကိုယ့်ဘဝရဲ့ Balance Wheel ကိုဆွဲရမှာပါ ။ဆရာမကိုယ်တိုင်လည်း ဆရာမရဲ့ Balance Wheel ကိုဆွဲပြထားပါတယ် ။ကိုယ့်အခြေအနေ၊လိုအပ်ချက်အလိုက် Balance Wheel ဆွဲတဲ့အတွက် တချို့မှာက အကန့်၉ကန့်ရှိနိုင်သလို တချို့မှာက အကန့်၇ကန့်ဘဲလည်း ရှိနိုင်ပါတယ် ။

   ဆရာမရဲ့ Balance Wheel မှာတော့ အကန့်၆ကန့်ရှိပါတယ် ။ဆွဲတဲ့အခါ စက်ဝိုင်းဖြစ်တဲ့အတွက် ၃၆၀ ဒီဂရီရှိပြီး အကန့်တိုင်းက တချို့အတွက် Balance ဖြစ်နေပြီး တချို့အတွက်က Bslance မညီတဲ့အတွက် အကွက်တိုင်းက ညီမနေနိုင်ပါဘူး ။

   စာအုပ်ထဲက အကြောင်းအရာတွေကတော့ Balance Wheelထဲက အကြောင်းအရာခြောက်ခုကို ခေါင်းစဉ်ခွဲလေးတွေနဲ့ ပြန်ရှင်းပြထားပါတယ် ။ရှင်းပြထားတာတွေကလည်း ကျွန်မရဲ့အမြင်ကို ပြောင်းလဲစေသလို အတွေးအခေါ်သစ်တွေလည်း တိုးပွားလာ‌စေပါတယ်။

   အရင်ကဆို ကိစ္စတစ်ခုခုဖြစ်ရင် ကျွန်မရဲ့အမြင်ကnegative thoughtsဘက်သွားတာများပါတယ် ။အခုနောက်ပိုင်းဆိုရင် Positive thoughts ဘက်သွားတဲ့ အတွေးကိုသာ တွေးဖြစ်တော့တယ် ။ပြဿနာတစ်ခုဖြစ်ရင်လည်း ရှုထောင့်မျိုးစုံကနေ မြင်တတ်လာပါတယ် ။

   ခေါင်းစဉ်‌၆မျိုးအောက်မှာ ခေါင်းစဉ်ခွဲလေးတွေလည်း များစွာပါဝင်ပါတယ် ။ကျွန်မအတွက်တော့ ဒီစာအုပ်လေးက အလွန်ကိုဘဲ အသုံးဝင်ပါတယ် ။ကိုယ့်ရဲ့အချိန်တွေကိုလည်း အကျိုးရှိလာအောင် အသုံးပြုလာတတ်ပြီးတော့ ကိုယ့်ရဲ့စိတ်တွေလည်းအရင်ကထက် ပိုတည်ငြိမ်လာခဲ့ပါပြီ ။

   စာဖတ်သူတို့ကိုလည်း ဟန်ချက်ညီသောဘဝ စာအုပ်ကို ဖတ်ကြည့်ဖို့ အကြံပြုပါရစေ ။ဒီနေ့အတွက် စာညွှန်းရေးသားခြင်းကိုတော့ ဒီနေရာမှာဘဲ ရပ်တန့်ပါရစေ ။

   #Review_By_အလဲ့လေး
   #ဟန်ချက်ညီသောဘဝ
   #Mon_Halsey

3. 

   Rated 0.1 out of 5

   Pyae Ar Kar – September 26, 2020

   ဟန်ချက်ညီသောဘ၀

   ခေါင်းစဉ်လေးကိုတွေ့လိုက်ကတည်းက ရင်ခုန်သွားတယ် ၊ ကိုယ့်ကိုကိုယ်လည်း တွေးမိတယ် ငါ့ဘ၀ဟာ ဟန်ချက်ညီတဲ့ ဘ၀ဖြစ်ရဲ့လားပေါ့ ၊ ဟန်ချက်ညီတဲ့ ဘ၀ဖြစ်အောင် ဒီစာအုပ်လေးကို သေချာဖတ်ဖို့ ဆုံးဖြတ်လိုက်တယ်

   ကျွန်တော်အပါအ၀င် လူတော်တော်များများရဲ့ ဘ၀တွေဟာ ဟန်ချက်ညီတဲ့ ဘ၀‌ေတွ ဖြစ်မနေခဲ့ဘူးလို့ မြင်မိတယ် ၊ များသောအားဖြင့် ကျွန်တော်တို့ အဆင်မပြေဖြစ်နေတဲ့ ပြဿနာတွေဟာ ဘ၀ကို ဖြတ်သန်းတဲ့ အစွန်းရောက်ပုံစံတွေကြောင့်ပဲဖြစ်တယ်

   ဥပမာ – ကျွန်တော်ဆိုရင် စာအုပ်တွေကို ချစ်တော့ အွန်လိုင်းကနေ စာအုပ်တွေအများကြီးမှာလေ့ရှိတယ် ၊ ရှာနိုင်တာထက် ပိုမှာမိတယ် ၊ စာအုပ်ဖိုး ပေးရခါနီးဆိုရင် ကူပါ ကယ်ပါ ဖြစ်ဖြစ်သွားတဲ့အထိ စိတ်တွေရှုပ်ထွေးသွားရတယ် ၊ တကယ်တော့ ကျွန်တော် ဖတ်နိုင်တာထက် ကျွန်တော် သုံးသင့်တဲ့ ငွေပမာဏထက် ပိုသုံးမိတာကြောင့် ဒီလိုဖြစ်ရခြင်းပါ

   လူတ်ောတော်များများကလည်း အွန်လိုင်းကနေ ပစ္စည်းတွေအရမ်းမှာမိတတ်ကြတယ် ၊ ရှာနိုင်တာထက် ငွေပိုသုံးမိသွားတာမျိုး ဖြစ်တတ်ကြတယ် ၊ အဲ့အခါမှာ အရေးရယ် အကြောင်းရယ် ဖြစ်လာပီဆို ကိုယ်မျှမျှတတ မသုံးမိခဲ့လို ခုလိုဖြစ်ရတာဆိုပြီး စိတ်ဆင်းရဲကြရော

   ဒါက ငွေရေးကြေးရေးကိုပဲ ဥပမာ အနေနဲ့ပြောတာပါ ၊ တကယ့် တကယ်တမ်းတော့ ငွေရေးကြေးရေးအပြင် Relationship တစ်ခု Balance ဖြစ်ဖို့ ၊ အတွေးအခေါ်တွေ Balance ဖြစ်ဖို့ ၊ ကျန်းမာရေးနဲ့ပတ်သက်ပြီး Balance ဖြစ်ဖို့ အစရှိတဲ့ ဘ၀တစ်ခုကို ဖြတ်သန်းတဲ့အခါမှာ အရာအားလုံး Balance ဖြစ်ဖို့ လိုပါတယ်

   ဒီစာအုပ်လေးထဲမှာပါတဲ့ Balance Wheel လေးကိုဖြည့်ကြည့်ပြီး ကိုယ့်ရဲ့ အားနည်းချက် အားသာချက်တွေကိုမြင်မိသွားတယ် ၊ သေချာတွေးပြီး လက်တွေ့စမ်းကြည့်တော့ နည်းလမ်းလေးတွေက စိတ်ရဲ့ ငြိမ်းချမ်းမှုကို ဖြစ်ပေါ်စေတယ် ၊ မှန်ကန်တဲ့အမြင်တွေကို ရရှိခဲ့တယ်

   Physical ၊ Emotional ၊ Social ၊ Work/Financial ၊ Personal ၊Mindfulness ဆိုပြီး အကန့်ခြောက်ကန့်ခွဲထားလို့ ဖတ်ရတာ အဆင်ပြေပါတယ်

   တနေ့ကို စာနည်းနည်းချင်း ဖတ်သွားလို့လည်း အဆင်ပြေပါတယ် ၊ ကိုယ်ဖတ်ပြီး သလောက်ကို သေချာလေးတွေးပြီး တကယ်နားလည်သဘောပေါက်သွားမယ်ဆိုရင် အကျိူးရှိစေမှာ အမှန်ပါပဲ …..