နှစ်ဆယ့်ရှစ်နှစ်ရှိပြီဖြစ်တဲ့ မိန်းမတစ်ယောက်

နှစ်ဆယ့်ရှစ်နှစ်ရှိပြီဖြစ်တဲ့ မိန်းမတစ်ယောက် အား ဝေဖန်သုံးသပ်မှု 2 ရှိပါသည်။

1. 

   Rated 5 out of 5

   Ei Ei Khin – December 15, 2020

   ဒီစာအုပ်လေးကတော့ စာရေးသူရဲ့ ဘဝ တစ်နည်းအားဖြင့် ကိုယ်တိုင်ရေးအတ္ထုပတ္တိအကြောင်းပါ
   အတ္ထုပတ္တိမို့ပျင်းစရာကောင်းမယ်ထင်ရင် မှားသွားပါလိမ့်မယ်
   စာရေးသူမွေးဖွားစဥ်မှာ ကြုံတွေ့ရတဲ့ သူမ မိခင်ရဲ့ အခက်အခဲက အစချီလို့ အဘိုးအဘွားတွေရဲ့ အလိုလိုက်မှုကြောင့် စနေသမီးလေး ဆိုးသွမ်းပုံ
   အညာဒေသရဲ့ လူနေမှုဘဝ ခင်မင်ရတဲ့ သူငယ်ချင်းများ စာဖတ်ဝါသနာ ထက်သန်ပုံ အြေကာင်းပါတွဲလျက် ပုံဖော်ထားပါတယ်
   ကလေးဘဝအကြောင်းကို ရေးသားရာမှာလည်း ငယ်စဥ်အခါက ခံစားရတဲ့ တွေးခဲ့တဲ့ အတွေးလေးများအတိုင်းရေးထားတာမို့ သက်ဝင်လှပါတယ်
   တက္ကသိုလ်ကျောင်းသူဘဝအကြောင်းကိုလည်း မန္တလေးတက္ကသိုလ်ရှုခင်းကို နောက်ခံထားလို့ အဆောင်နေကျောင်းသူဘဝရဲ့ သူငယ်ချင်းတွေနဲ့ ပျော်ရွှင်မှု အိမ်ကိုလွမ်းဆွတ်ရမှု တစ်ခါတစ်လေ ဝါသနာချင်းမတူလို့ အထီးကျန်မှုတွေကိုလည်း ရေးသားထားပါတယ်
   ဝါသနာတူစိတ်တူကိုယ်တူ ချစ်သူကို ရရှိခဲ့သော်လည်း လက်ထပ်ပြီးချိန်မှာ ကြုံတွေ့ရတဲ့ ရန်ကုန် မြို့ပြရဲ့ မွန်းကြပ်မှု ခင်ပွန်းလစာတစ်ခုတည်းနဲ့မလောက်ငှမှု အလုပ်ရှုးလိုဖြစ်ပြီး ကျရာအလုပ်လုပ်မည်ကြံသော်လည်း မည်သည့်အလုပ်ကမျှခေါ်ယူခန့်ထားခြင်းမရှိ၍ ဝါသနာပါရာ စာအုပ်များ သီချင်းများနှင့် အချိန်ကုန်ရသော်လည်း ပျော်မွေ့ခြင်းမရှိခဲ့သည်ကို ရေးသားထားပါတယ် နောက်ဆုံးမှာတော့ ခဲတံကို စွဲကိုင်၍ ဝတ္ထုစရေးကာ မဂ္ဂဇင်းစာစောင်မှာ ထည့်သွင်းခြင်းခံရတဲ့ စာရေးသူဖြစ်လာပါတော့တယ်
   စာရေးသူငယ်စဥ်က ချစ်မြတ်နိုးခဲ့ရတဲ့ ပတ်ဝန်းကျင်လေး အင်းဝမြို့နဲ့ မန္တလေးဟာဆိုရင်တော့ စာရေးသူနှစ်ဆယ့်ရှစ်နှစ်မှာ ပြောင်းလဲမှုတွေနဲ့ ကြုံရပေမယ့် နေရာတစ်ခုမှာပဲဖြစ်ဖြစ် လူတစ်ယောက်နဲ့ပတ်သက်မှုပဲဖြစ်ဖြစ် လူတွေရဲ့ စိတ်ခံစားမှုအမှတ်တရတွေကတော့ မပြောင်းလဲဘဲ အမြဲအမှတ်ရနေတတ်ခြင်းကို စာဖတ်သူတွေရဲ့ ဘဝကိုပါ ပြန်အောက်မေ့စေမှာမို့ ဖတ်ကြည့်ဖို့ ညွှန်းပေးချင်ပါတယ်

2. 

   Rated 5 out of 5

   CherryAung – September 25, 2022

   ဆရာမနုနုရည်အင်းဝရဲ့ ဘဝအကြောင်းအစုံအလင်ကို သိရှိရမယ့်စာအုပ်လေးပါ မွေးဖွားကတည်းက အသေမွေးဖွားခြင်းခံလိုက်ရပေမယ့် သေကံမရောက်တဲ့ကလေးငယ်လေး မိခင်မဟုတ်ဘဲ အမေကြီးရဲ့ လက်ထဲအရင်ရောက်ရပီး တဘဝလုံးကိုလည်း ဘနဲ့ အမေကြီးအပေါ် အလွန်ဆိုးသွမ်းပီး အစွမ်းကုန်အလိုလိုက်ခံရတဲ့ မြေးဦးတယောက် သူ့ဘဝကို မွေးစ နေ့ကနေ ကျောင်းသူဘဝ တက္ကသိုလ်ကျောင်းသူ/သား ဘဝရဲ့ ပျော်ရွှင်ချိုမြိန်စရာအဖြစ်အပျက်များမှ တစ်ဆင့် ဘဝတခုကို ထူထောင်ရမှာ ကြုံရတဲ့ အဖြစ်အပျက်ဇာတ်လမ်းအစုံကို ဆရာမနဲ့ထပ်တူအတူလိုက်‌‌ခံစားရတဲ့စာအုပ်လေး အားအကျရဆုံးကတော့ မင်္ဂလာဆောင်ကို မြို့မနဲ့ ဘိသိက်ခံပီး မင်္ဂလာဆောင်တာလေး ကြည်နူးလို့ မျက်ရည်တောင်ကျမိပါတယ် ဆရာမရဲ့ ကြုံတွေ့ခဲ့ရတဲ့ ဘဝကနေ မိသားစုအချစ် ချစ်သူအချစ် လောကမှာ အချစ်ဆိုတာနဲ့တင် မပီးတဲ့ အခြေအနေအဖြစ်အပျက်ကို ပြည့်ပြည့်စုံစုံ သိရမယ့်ဇာတ်လမ်းလေး ပဲ ဖြစ်ပါတယ်ရှင် မဖတ်ဖူးတဲ့သူတွေ ဖတ်ကြည့်စေချင်တယ် ကျမအရမ်းကြိုက်လို့ပါရှင်