ဗိုလ်ကေတထောင်မှာ တစ်ယောက်လောက်တော့ ဇွဲကောင်းပါရဲ့

ဗိုလ်ကေတထောင်မှာ တစ်ယောက်လောက်တော့ ဇွဲကောင်းပါရဲ့ အား ဝေဖန်သုံးသပ်မှု 7 ရှိပါသည်။

1. 

   Rated 1 out of 5

   Tint Swe – October 26, 2022

   ဗိုလ်ကေတထောင်မှာ လူလေးစားရှိတယ်

   ဗိုလ်ကေတထောင်မှာ တယောက်လောက်တော့ စွဲကောင်းပါရဲ့ (၂) (နုနုရည်-အင်းဝ) – ပုံက သတ်ပုံ မှားနေတယ်။ တင်ပြသူက မှန်တယ်။ ဂျိန်းဘုရားပုံ မှားဝယ်လာသူက မထူးပါဘူးကွာဆိုပြီး သူ့ ဘုရားခန်းမှာ ချိတ်ထားသလိုဘဲ။
   နောက်တနေရာမှာတော့ တွဲတင်ထားတဲ့ စာအုပ်အဖုံးက သတ်ပုံမှန်ပြီး စာတွေကို ကူးတင်တော့ သတ်ပုံတွေက အကုန်မှား။ ဝယ်လာတဲ့ ဘုရားပုံတော်ကို ဇောက်ထိုး ချိတ်ထားသလိုဘဲ။
   အဲဒီစာမျက်နှာမှာ တယောက်လောက်တော့ စွဲကောင်းပါရဲကို (တစ်)ယောက်လောက်တော့ (ဇွဲ) ကောင်းပါရဲ့လို့ ရေးထားတယ်။ မှားပြီးရင်း မှားရင်။ ဒါပေမဲ့ လူကြိုက်များပုံရတယ်။ မြန်မာပြည်မှာပေါ့
   အမှန်ကို အမှန်အတိုင်း တင်ပြသူက တစား။
   မြန်မာပြည်မှာ အဲလို လူ ၃ မျိုး ၃ စားရှိတယ်။
   ကျွန်တော်လို သူများလိုက် အပြစ်ရှာနေသူက နောက်တစား။

   ဒေါက်တာတင့်ဆွေ

2. 

   Rated 5 out of 5

   Alice Khan (verified owner) – March 21, 2023

   “ဗိုလ်ကေတထောင်မှာတစ်ယောက်လောက်တော့စွဲကောင်းပါရဲ့”
   မင်္ဂလာပါ…
   စာဖတ်သူတို့ရေ…
   ဒီနေ့ ကျွန်တော်(ခမ်း)ကနေပြီးတော့ ဆရာမနုနုရည်အင်းဝရဲ့
   “ဗိုလ်ကေတထောင်မှာတစ်ယောက်လောက်တော့စွဲကောင်းပါရဲ့”
   ဆိုတဲ့စာအုပ်လေးကို Reviewလုပ်ပေးမှာဖြစ်ပါတယ်။ဒီစာအုပ်လေးကို ကျွန်တော်,တော်တော်လေးသဘောကျမိတယ်ဗျ။
   မန္တလေးဆိုတာ ဇာတ်သဘင်၊အငြိမ့်တွေပေါတဲ့နေရာလို့ သူငယ်ချင်းတစ်ယောက်ပြောဖူးလို့ သိဖူးတယ်။ဒီစာအုပ်ဟာ
   မန္တလေးမြို့ကိုနောက်ခံထားပြီး ရှေးခေတ်
   မြန်မာ့အငြိမ့်သဘင်အကြောင်း၊
   အငြိမ့်မင်းသမီးတွေ၊လူရွှင်တော်တွေ၊
   ဆိုင်းဝိုင်းတွေအကြောင်း ရေးဖွဲ့ထားတဲ့စာအုပ်လေးပဲဖြစ်ပါတယ်။
   ဒီစာအုပ်ကို ဖတ်သင့်တယ်လို့ထင်မိတဲ့အချိန်ကိုလည်း ထည့်ပြောပါရစေဗျာ။ဇာတ်သဘင်တွေအကြောင်း ရေးထားတာဖြစ်လို့ ညပိုင်းမှာ ပိုပြီးဖတ်လို့ကောင်းမယ့်စာအုပ်လေးလို့ ကျွန်တော်မြင်မိပါတယ်ဗျ။
   စာမတတ်လို့ သူများလိမ်တာခံရတာထက် စာတတ်ပြီးစာမဖတ်လို့ သူများလိမ်တာခံရတာက ပိုပြီးနောင်တရဖို့ကောင်းလှပါတယ်။
   ဒီစာအုပ်ထဲမှာတော့ နို့ထမင်းရောင်းသူမိခင်မသောင်းရဲ့ တိုက်တွန်းလှုံ့ဆော်မှုကြောင့် ပန်တျာကျောင်းတက်ခဲ့သူ “ခင်ပိုင်”
   အမေကတိုက်တွန်းလို့သာဆိုပေမယ့် ကိုယ်တိုင်ကလည်း အငြိမ့်က,ရတာပျော် အငြိမ့်ကရပြန်တော့လည်း
   ဝင်ငွေက ထောင်ဂဏန်းနဲ့ရတာဆိုတော့
   အမေခင်ပေးတဲ့လမ်းဟာ ဖြောင့်ဖြောင့်ဖြူးဖြူးရှိလှချည်ရဲ့လို့ စိတ်မှာ တစ်ထစ်ချယုံကြည်ကာ အငြိမ့်လောကကို ခြေစုံပစ်ဝင်လိုက်တဲ့အခါမှာ မမျှော်လင့်ထားတဲ့အခက်ခဲတွေ၊
   မထင်မှတ်ထားတဲ့သူတွေရဲ့သစ္စာဖောက်မှုတွေ၊အစုတွက်တာတွေနားမလည်တာကို လဒူလအ,လို့ပြောခံရမှာကြောက်တာနဲ့ သူများဘာပြောပြော ဟုတ် ဟုတ်,ပဲ လုပ်တဲ့အခါမှာ နောက်ဆုံးသူရလိုက်မယ့်သင်ခန်းစာဟာ
   ဘာများဖြစ်လေမလဲ?
   “အမေရေ၊အမေထင်သလို ဒီလမ်းဟာ မိခင်ပိုင်အတွက် မချောမွေ့လှပါဘူး အမေရယ်။ဒါပေမဲ့ ဒီလောကထဲမှာ အမေ့သမီးပျော်ဝင်နေခဲ့ပြီမို့ အားတင်းပြီး ဆက်လို့သာ လျှောက်ရဦးတော့မယ်။”
   အငြိမ့်မင်းသမီးဆိုရင် လူတွေကအချောင်လိုချင်ကြတာ၊တန်ဖိုးမရှိဘူးလို့ယူဆကြတာ၊
   ရိချင်ကြတာ စတဲ့ဒဏ်တွေကို ခင်ပိုင်တစ်ယောက်ဘယ်လိုခံမလဲ?
   သူစိတ်ကူးထားတဲ့ အငြိမ့်ခေါင်းဆောင်မင်းသမီးဘဝနဲ့ တကယ့်လက်တွေ့ဘဝကွာခြားနေပုံတွေ၊ခေါင်းဆောင်မင်းသမီးဆိုတာ အပျိုဖြစ်နေမှ၊
   ပညာပဲတော်နေရုံမရ ရုပ်ရည်ကလည်း စန်းရှိအုံးမှဆိုတဲ့ အငြိမ့်သမားတွေရဲ့စကားသံ၊ခေါင်းဆောင်းမင်းသမီးဖြစ်ဖို့ဆိုရင် အရှေ့ထွက် အလယ်ထွက်မင်းသမီးဘဝကို ကျော်ဖြတ်ရအုံးမှာ၊
   ဘယ်သူမဆို ထိပ်ဆုံး၊အမြင့်ဆုံးဆိုတဲ့ နေရာကိုရောက်ချင်ကြတာကြီးပါပဲ၊အဲ့လိုရောက်ဖို့ဆိုတာလည်း
   ကြားထဲမှာ အခက်အခဲတွေကိုကျော်ဖြတ်ရအုံးမှာ။လူတွေက အမြင့်ဆုံးတော့ရောက်ချင်ရဲ့ ပင်တော့မပင်ပန်းချင်ဘူးဆိုတော့ ဖြတ်လမ်းလိုက်ကြရော။လွယ်လွယ်နဲ့အမြင့်ဆုံးရောက်ချင်တော့ ငွေရင်းလိုက်၊ခန္ဓာရင်းလိုက်၊စကားချိုတွေသွေးလိုက်ပေါ့။
   အသေချာစဥ်းစားကြည့်လိုက်ရင် ဘယ်ပညာမှာမဆို ထိပ်ဆုံးရောက်ဖို့ဆိုတာ မလွယ်လှပါဘူးဗျာ…
   အငြိမ့်ထောင်သူရဲ့ဖြတ်စားလျှပ်စားတာ လုပ်တာခံလိုက်ရ
   အငြိမ့်ထောင်သူရဲ့သားရဲ့ အညွှန့်ချိုးတာခံလိုက်ရနဲ့
   တကယ်မလွယ်တဲ့ အငြိမ့်လောက။
   “မင်းသမီးက ပရိသတ်ချစ်အောင် ခရာတတ် တာတတ်ရမယ်။ အဆို၊ အကကောင်းရုံနဲ့ မဟုတ်ဘူး။ ပြီးတော့ အမြဲတမ်း အပျိုဖြစ်နေမှရမယ်။ ဒါပေမဲ့ ကိုယ် နာမည်ကြီးအောင်လုပ်ပေးမယ့် လူတွေကိုတော့ အလိုက်အထိုက်ပေါ့ … ”
   အဲ့ဒီအလိုက်အထိုက်ဆိုတဲ့ စကားရဲ့အဓိပ္ပါယ်ဟာ ဘယ်လိုမျိုးပါလိမ့်!လို့ ခင်ပိုင်တစ်ယောက်သိပါရဲ့လား?
   ” မင်းသမီးဆိုတာ အရှက်မရှိ လုပ်ရဲရင် ဖြစ်တာပါပဲအေ ”
   အမေဖြစ်သူကတော့ မင်းသမီးလုပ်တာကောင်းတယ်…တဲ့။
   ” မင်းသမီးဆိုတာ အလကားကောင်မတွေလုပ်တာ၊ နန့်ကြောဆွဲချင်တဲ့ ကောင်မတွေလုပ်တာ မှတ်ထား ”
   ဟော…အဖေဖြစ်သူကျပြန်တော့လည်း တစ်မျိုးဆိုပြန်ပါလား…?
   အငြိမ့်မင်းသမီးဆိုတာ ကောင်းတာလား?ဆိုးတာလား?
   ခင်ပိုင်တစ်ယောက်ဝေခွဲမရဖြစ်ခဲ့ပြီ….။
   နောက်ဆုံးမှာ အငြိမ့်ခေါင်းဆောင်မင်းသမီးဖြစ်ချင်တဲ့ခင်ပိုင်တစ်ယောက် သူဖြစ်ချင်တဲ့ခေါင်းဆောင်မင်းသမီးဘဝကို ရနိုင်ပါ့မလား…?
   ဝမ်းရေးနဲ့အိမ်ထောင်ဖက်ကောင်းရဖို့မျှော်လင့်ခဲ့တဲ့ သူ့ရဲ့စိတ်ကူးအိပ်မက်တွေကရော အကောင်အထည်ပေါ်သွားမှာလား?
   ဒီမေးခွန်းတွေရဲ့အဖြေတွေကို သိချင်ရင်တော့ဖြင့် ဒီစာအုပ်ကိုဖတ်ကြည့်ပါလို့ ပြောပါရစေဗျာ…
   စာဖတ်သူတို့လည်း ကျွန်တော်ရေးပေးတဲ့စာအုပ်အညွှန်းနဲ့ ဒီစာအုပ်ကို ဖတ်ချင်သွားမယ်လို့ မျှော်လင့်ပါတယ်ဗျာ…
   “အို…မင်းသမီးဆိုရင် ဘယ်လောက်ပဲချစ်မိစေဦးတော့၊အတည်မယူသင့်တဲ့သူ။အတည်ယူပြီဆိုရင်တောင်မှ အငယ်အနှောင်းပဲ ဖြစ်သင့်တယ်လို့ သတ်မှတ်ယူဆထားကြလေရော့သလား?”
   ဆယ်ခြောက်ပဲ တစ်ကျပ်
   နှစ်မူး တစ်မတ်
   နှစ်မတ် ငါးမူး
   လေးမတ် တစ်ကျပ်
   ရှစ်မူး တစ်ကျပ်
   လေးမူး နှစ်မတ်=ငါးမူးနဲ့အတူတူ
   ပုံမှန်စုဆိုတာ တစ်ကျပ်စု
   တစ်မတ်စုဆိုတာ ငါးမူးစုရဲ့တစ်ဝက်
   မူးစုဆိုတာ တစ်မတ်စုရဲ့တစ်ဝက်
   မူးတင်းစုဆိုတာ တစ်ကျပ်စုထဲက မူးစုကိုနှုတ်တာ
   ဒါလေးတွေကိုတော့ ဗဟုသုတအနေနဲ့မှတ်သွားပေါ့ဗျာ…။
   #Khan
   #”ဗိုလ်ကေတထောင်မှာတစ်ယောက်လောက်တော့စွဲကောင်းပါရဲ့”
   #bookreview
   #နုနုရည်အင်းဝ