မူမှန်စိတ် မူမှန်အတွေး မူမှန်အကျင့်အကြံ ၁

လူတိုင်းမှာပင် ဘဝအတွက် ရည်မှန်းချက် ကိုယ်စီ ရှိသင့်သည်။ ဦးတည်ရည်မှန်းချက် မရှိသောဘဝသည် ပဲ့ကိုင်မပါသော လှေငယ်ပမာ လောကပင်လယ်၌ လွင့်မျောချင်တိုင်း လွင့်မျောကာ ကံကြမ္မာမုန်တိုင်းအမျိုးမျိုးနှင့် ရင်ဆိုင်တိုးရမည်သာ ဖြစ်သည်။

လူအများစုတို့၌ အောင်မြင်သော ဘဝတစ်ခု တည်ဆောက်ရယူလိုသော ဆန္ဒများ ရှိတတ်ကြသည်။ သို့သော် တိကျရေရာသော ဦးတည်ရည်မှန်းချက်မျိုးဖြင့်  စနစ်တကျ ကျင့်ကြံကြိုးပမ်းသူကား နည်းပါးလှသည်။

ယခုစာအုပ်သည် ဘဝတစ်ခုကို မည်သို့ အောင်မြင်စွာ တည်ဆောက်နေထိုင်သွားသင့်ကြောင်း အကြံပြုတင်ပြထားသော စာအုပ်ဖြစ်သည်။

ချမ်းသာသုခပြည့်ဝ၍ မိမိကိုယ်တိုင်၏ စိတ်၌လည်းကောင်း၊ သူတစ်ပါးအမြင်၌လည်းကောင်း “အောင်မြင်သည်” ဟု သတ်မှတ်ခြင်း ခံရသည့် ဘဝတစ်ခု တည်ဆောက်နိုင်ရေးအတါက် ထားရှိသင့်သည့် မူလအခြေခံစိတ်ထား၊ နှလုံးသွင်းအပ်သည့် အတွေးအမြင်များနှင့် တကယ်လက်တွေ့ ကျင့်ကြံစရာများကို စုစည်းတင်ပြထားပါသည်။