ဟောနည်း ပြောနည်း ကိုယ့်ဘက်ပါအောင်စည်းရုံးနည်းများ

လူရှေ့သူရှေ့မှာ စကားမပြောရဲသည့်အခါ သင့်ခေါင်းထဲ အတွေးအခေါ်ကောင်းတွေ မည်မျှရှိမရှိ လူမသိ၊ ပတ္တမြားဖြစ်လျက် နွံထဲက မထွက်နိုင်။ လူရှေ့ သူရှေ့မှာ ထိရောက်ပီပြင်စွာ မဟောပြောတတ်သည့် အခါ ကိုယ့်အကြောင်းအရာ မည်မျှကောင်းသော်လည်း  သူတစ်ပါးခေါင်းထဲမရောက်၊ တိုးမပေါက်။ လူအများကို ဦးဆောင်နိုင်သူ ဖြစ်ရန်အတွက် ပရိသတ်ရှေ့မှာ ပြောရဲရမည်၊ ပြောတတ်ဖို့လည်း လိုသည်။

ယခုစာအုပ်၌ ပရိသတ်ရှေ့တွင် စကားပြောသော အတွေ့အကြုံ လုံးဝမရှိသေးသူများ၊ အတွေ့အကြုံ အတန်အသင့်ရှိပြီး ဖြစ်သော်လည်း မိမိ၏ဟောပြောမှုများနှင့် စပ်လျဉ်း၍ ကျေနပ်အားရမှု မရှိသေးသူများအတွက် စကားပြောဟောသော အလုပ်၏ သဘောသဘာဝများနှင့် ဟောပြောစွမ်းရည် ထက်မြက်အောင် လေ့ကျင့်ရန် နည်းလမ်းများအကြောင်းကို တစ်ဆင့်ချင်း စနစ်တကျ တင်ပြထားပါသည်။