စိန်မြေဧကပေါင်းများစွာ

ကမ္ဘာ့သမိုင်းတစ်လျှောက်တွင် ထင်ရှားသော ပုဂ္ဂိုလ်ကျော်တို့၏ ဂန္တဝင်မြောက် မိန့်ခွန်းကြီးပေါင်း များစွာရှိခဲ့ပါသည်။ ထိုမိန့်ခွန်းများ အားလုံးလိုလိုပင် သူ့နည်း သူ့ဟန်ဖြင့် တန်ဖိုးရှိကြပါ၏။ အချို့မိန့်ခွန်းများဆိုလျှင် သူ့အချိန် သူ့အခါက လူအများ၏ အတွေးအမြင် အယူအဆနှင့် ခံစားချက်များကို လုံးလုံးလျားလျား ပြောင်းလဲသွားစေနိုင်ခဲ့သည့် အံ့ချီးဖွယ်ရာများအဖြစ် လေးစားဂုဏ်ပြုခြင်းခံခဲ့ရပါသည်။

ထိုထိုသော မိန့်ခွန်းများထဲတွင် ထူးခြားအံ့ဩဖွယ်ကောင်းသည့် မိန့်ခွန်း သို့မဟုတ် ဟောပြောချက်တစ်ရပ်ရှိသေးသည်။ ၎င်းမှာ ယခုစာအုပ်တွင် ဖော်ပြမည့် အမေရိကန်ပြည်သား လူငယ်မြှင့်တင်ရေူသမားကြီး ရပ်ဆယ်ကွန်းဝဲလ် (Russell Herman Conwell) ၏ ‘စိန်မြေဧကပေါင်းများစွာ’ (Acres of Diamonds) ဟောပြောချက်ဖြစ်သည်။ ယခုစာအုပ်တွင် ကွန်းဝဲလ် အကြောင်း တစေတစ်စောင်းနှင့် သူဟောပြောခဲ့တဲ့ မိန့်ခွန်းများကို ဖတ်ရှုရမှာဖြစ်ပါတယ်။

” အခွင့်အရေးဟူသည် ယခုဤနေရာမှာပင် ရှိနေသည်။ မိုးကုပ်စက်ဝိုင်း၏ ဟိုမှာဘက်တွင် မဟုတ်။ သင့် အိမ်ခြံထဲမှပင်ရှိသည်။ သင့်ရှေ့နား၊ သင့်ခြေထောက်နားမှာပင် မထင်မှတ်စရာ အသွင်အပြင်မျိုးနှင့် ရှိနေသည်။ ဒါကို တွေ့သိကောက်ယူကာ ပွတ်သပ်သုတ်သင်ပေးလိုက်ပါက အခွင့်အရေး စိန်ရိုင်းသည် အောင်မြင်မှု စိန်ပွင့်များအဖြစ် တလက်လက် ထွက်ပေါ်လာလိမ့်မည်။ သို့သော် နမော်နမဲ့နေသူ လူအများစုတို့ကား ဟိုအဝေးဆီမှာ ရှိနေမည် ထင်ရသည့် အခွင့်ထူးများဈ ကံကြမ္မာကောင်းများနောက်သို့ အပြေးအလွှားလိုက်ရင်း စိန်ရိုင်းတုံးများကို ဘေးသို့လွင့်စင်သွားအောင် ကန်ကျောက်ပစ်မိခဲ့တတ်ကြသည်။ စင်စစ် ကံကြမ္မာကောင်း ဟူသည် ရည်မှန်းချက်၊ စိတ်ဓာတ်၊ သင်ယူလေ့ကျက်မှု၊ ဝီရိယရှိမှု နှင် ပတ်ဝန်းကျင်ရှိ ရုပ်ဖျက်ပုန်းကွယ်နေသည့် အခွင့်အရေးမျိုးစေ့များကို အမိအရဖမ်းယူတတ်သော ဉာဏ်အမြော်အမြင်တို့ ပေါင်းစပ်လိုက်ခြင်း၏ အကျိုးရလဒ်ပင်ဖြစ်သည်။”