ဂျီးနီးယပ်(စ)

တကယ်ထူးချွန်အောင်မြင်တဲ့ ပညာရှင်တိုင်း အနုပညာသမားတိုင်းဟာ နဂိုအထုံ ဝါသနာအခြေခံပေါ်မှာ၊ ထပ်တလဲလဲလေ့ကျင့်မှု၊ သက်ဆိုင်ရာနယ်ပယ်နဲ့ ပတ်သက်တဲ့ သိသင့်တတ်သင့်သမျှကို သိအောင် တတ်အောင် လေ့လာဆည်းပူးမှု၊ ကိုယ်လုပ်တဲ့ အလုပ်တစ်ခုကို စိတ်တိုင်းမကျမချင်း လက်မလွှတ်တတ်မှုဆိုတဲ့ ပညာသည်ကောင်းရဲ့ အလေ့အကျင့်တွေ ထပ်ဆင့်ပေါင်းစပ်ပြီးတော့မှသာ တကယ်တစ်ဖက်ကမ်းခတ်သူတွေ၊ အသက်မွေးနိုင်လောက်အောင် တတ်မြောက်ကျွမ်းကျင်သူတွေ၊ သူတကာထက် ထူးကဲထက်မြက်တဲ့ ပါရမီရှင်တွေ ဖြစ်လာကြတာဖြစ်ပါတယ်။

ဒီစာအုပ်ထဲမှာ ပါရမီရှင် ဉာဏ်ကြီးရှင်များ၊ မဟာဦးနှောက်များ၊ လောကနယ်ပယ်စုံမှ အထူးချွန် အထက်မြက်ဆုံး ပုဂ္ဂိုလ်များ၏ ထူးခြားသော သဘောသဘာဝနှင့် ထိပ်တန်းအဆင့်ရောက်အောင် လေ့ကျင့်ပျိုးထောင်ပုံများကို ဖတ်ရှုရမှာဖြစ်ပါတယ်။