ဘဝတိုးတက်မှုအတွက် စာဖတ်ခြင်း

ဤစာအုပ်တွင် စာကို ကျယ်ကျယ်ပြန့်ပြန့် ဖတ်ရှုလေ့လာကြမည့် စာဖတ်သမားလူငယ်များအတွင် ရည်ရွယ်ကာ စာအုပ်တော်တော်များများအကြောင်း တစ်စွန်းတစ်စစီ ထည့်သွင်း ပြောဆိုပေးထားပါသည်။ ဘဝတိုးတက်မှုအတွက် စာဖတ်ခြင်းခေါင်းစဉ်အောက်၌ အေဗရာဟင်လင်ကွန်း၊ နပိုလီယန် စသော ပုဂ္ဂိုလ်ကြီးများ ဖတ်ရှုသည့် စာအုပ်များ ပါဝင်သလို၊ ဂန္တဝင်သင်တန်းတက်သူတို့ ဖတ်ကြသည့် စာအုပ်အမည်များလဲပါပါသည်။

ခေတ်အဆက်ဆက် ကမ္ဘာကို လွှမ်းမိုးခဲ့သောစာအုပ်များ ခေါင်းစဉ်အောက်တွင်မူ ပုံပြင်၊ဝတ္ထု၊ ပြဇာတ်စသည့် ရသစာပေဆိုင်ရာ စာအုပ် (၅၀) နှင့် အတ္ထုပ္ပတ္တိ၊ သမိုင်း၊ သိပ္ပံ၊ ဒဿနနှင့် အခြားပညာရပ်ဆိုင်ရာ စာအုပ် (၆၀) တို့ကို အညွှန်းတိုများနှင့် ဖော်ပြပေးထားပါသည်။