အဖိုးတန်တဲ့လူအဖိုးတန်တဲ့ဘဝ

ပျော်ရွှင်နေသူတွေ အောင်မြင်ကြမှာပါ ။ဝမ်းသာကြည်နူးမှုလည်း အတူ မွေးဖွားလာပါလိမ့်မယ်။အီမာဆင်က ပြောဖူးတာတော့ -”ခင်ဗျားတို့ရဲ့ အိမ်နံရံမှာ စိတ်ညှိုးနွမ်းစရာပုံတွေ ချိတ်မထားပါနဲ့၊ ကိုယ်ပြောတဲ့ စကားထဲမှာလည်း အားငယ်စိတ်ပျက်စရာတွေ မပါပါစေနဲ့” တဲ့။ဘီချာ့ကလည်း -“တစ်သက်လုံး ညည်းညူနေသူတွေကို ဝေးဝေးက ရှောင်ကြဉ် ပါ၊ ငှက်ကလေးတွေ ချိုမြည်တေးဆိုသံကိုသာ နားဆင်ပါ။ မရယ်နိုင်တဲ့ လူဟာ မြူးပျော်နေသူအဖြစ် သူ့ကိုယ်သူ မြင်ယောင်သင့်ပါတယ်။ ဒီ အတွက် အလင်းရောင်ထဲမှာ သူ့မျက်နှာ ဝင်းလက်နေတဲ့အထိ အမှောင်ထဲက အမြန်ပြေးထွက်ရမှာပါပဲ” လို့ ရေးသားခဲ့ပါတယ်။လူတချို့ကတော့ “ညည်းညူလိုက်ရင် ပင်ပန်းနွမ်းနယ်မှုတွေ ပြေပျောက်သွားတယ်လို့ ယူဆကြပါတယ်” လို့ ပြောခဲ့သူက တောလ်မိတ် ပါ။”လူတစ်ယောက်ရဲ့ စိတ်ထဲမှာ အနိဋ္ဌာရုံတွေကို အဝင်မခံပါနဲ့” တဲ့၊ ခရွမ်းဝဲလ် က ပြောပါတယ်။