ရွှေလှေကားဖြင့်တတ်ခဲ့ပါ

သင့်ဘဝကို ရက်၉၀ အတွင်း ပြောင်းလဲနိုင်ပါ့မလား…။

john C Maxwell ကတော့ ပြောင်းလဲနိုင်တယ်လို့ ဆိုပါတယ်။ အမေရိကန် စီမံရေးရာအသင်းကြီးရဲ့ စီးပွားရေးလုပ်ငန်းခေါင်းဆောင်အဖြစ် ရွေးချယ်ခံရတဲ့ ဆရာကြီးဟာ ပုဂ္ဂလိက ဖွံ့ဖြိုးတိုးတက်ရေးကို အနှစ် ၅၀ ကျော် လေ့လာခဲ့သူပါ။

သူရေးခဲ့တဲ့ စာအုပ်တွေကလည်း ဒီနေ့ထိ အုပ်ရေ ၂၅သန်းကျော်ရောင်းခဲ့ရပြီးပါပြီ။ အခုစာအုပ်ထဲမှာတော့ သင့်ရဲ့စွမ်းအားကို ရှာဖွေသုံးသပ်ရေး၊ ဖြစ်ထွန်းကြီးပွားမှုကို အထောက်အကူပြုရေး၊ ရည်မှန်းချက်ပန်းတိုင်တွေ ထားရှိဖို့နဲ့ အနာဂတ်အတွက် ထိရောက်ထက်မြက်တဲ့ အမူအကျင့်တွေ တိုးတက်ရရှိရေးကို လမ်းညွှန်ထားပါတယ်။

တစ်ရက်ချင်းပေးတဲ့ သင်ခန်းစာတွေနဲ့ ထိုးထွင်းသိမြင်မှုတွေအရ ဉာဏ်ကွန့်မြူးမှုတွေပေးပြီး ဘဝအောင်မြင်ရေးအတွက် လက်နက်တပ်ဆင်ပေးတာပဲဖြစ်ပါတယ်။