ကျွမ်းကျင်တဲ့ ရင်းနှီးမြှုပ်နှံသူဖြစ်ဖို့

ယခုစာအုပ်တွင် အခြေခံအကျဆုံး ရင်းနှီးမြှုပ်နှံသူအဆင့်မှနေ ရှုပ်ထွေးပွေလီလှတဲ့ ရင်းနှီးမြှုပ်နှံသူတွေ အဆင့်ထိတက်လှမ်းနိုင်တဲ့အကြောင်းတွေ ရေးသားထားပါတယ်။

ဒီစာအုပ်ရဲ့ အရေးပါဆုံး အချက်တစ်ခုကတော့ သာမန်ရင်းနှီးမြှုပ်နှံသူနှင့် ၉၀/၁၀ ရင်းနှီးမြှုပ်နှံသူကြားက စိတ်ပိုင်းဆိုင်ရာ ကွာဟခြားနားချက်တွေကို ဖော်ပြထားတာပါပဲ။ ၉၀ ရာခိုင်နှုန်းသော ငွေကြေးဓနဥစ္စာ ပိုင်ဆိုင်တဲ့ လူ ၁၀ရာခိုင်နှုန်းလောက်နှင့် ၁၀ ရာခိုင်နှုန်းလောက်သော ငွေကြေးဓနဥစ္စာကိုသာ ပိုင်ဆိုင်ကြတဲ့ ၉၀ရာခိုင်နှုန်းသော လူတွေရဲ့ ကွာဟမှုဟာ ရင်းနှီးမြှုပ်နှံတာချင်း တူကြပေမယ့် တွေးခေါ်မြော်မြင်ပုံတွေ မတူကြလို့ပဲဆိုတာ သိလာမြင်လာပါလိမ့်မယ်။

ဒီစာအုပ်ကို ဖတ်ရတဲ့အခါ သူဌေးဖေဖေရဲ့ လမ်းညွှန်အတွေးတွေဟာ မိမိစဉ်းစားထားတာတွေနဲ့ မကြာခဏဆိုသလို ပြောင်းပြန်ဖြစ်သွားတာ သတိပြုပါလိမ့်မယ်။ လူနည်းစုလေးသာ ချမ်းသာလာကြတဲ့ အကြောင်းရင်းတစ်ခုက သူတို့ဟာ တွေးခေါ်တဲ့နည်းလမ်းတစ်ခုတည်းမှာ စောက်ချထားလို့ပါပဲ။ အလုပ်တစ်ခုလုပ်ဖို့၊ ဒါမှမဟုတ် တွေးခေါ်စဉ်းစားဖို့ နည်းတစ်နည်းပဲရှိတယ်လို့သာ သူတို့သိထားကြပါတယ်။