မေတ္တာအပြုံးများ ကရုဏာနှလုံးသား

နိုဘယ်ငြိမ်းချမ်းရေးဆုရင် တိဘက်ဘုန်းတော်ကြီး ဒလိုင်းလားမားဟာ လူနဲ့သတ္တဝါအားလုံး အဆင့်အတန်း အမျိုးအမည်မခွဲဘဲ မေတ္တာကရုဏာထားဖို့ ဗုဒ္ဓဝါဒနဲ့ယှဉ်ပြီး ကျင့်ကြံပွားများဖို့ ဟောကြားခဲ့ပါတယ်။

အတ္တလွန်ကဲမှုတွေပယ်ပြီး အနိစ္စ အနတ္တကို သိမြင်နားလည်ဖို့နဲ့ အလင်းဉာဏ်ဆိုတဲ့ ဗောဓိဉာဏ် (သို့မဟုတ်) မဂ်ဉာဏ် ဖိုလ်ဉာဏ်တွေရရေး ရှေးရှုတဲ့ဗောဓိသတ္တကျင့်စဉ်တွေကိုပါ ဟောပြခဲ့တာလည်း ဖြစ်ပါတယ်။

ပျော်ရွှင်ချမ်းမြေ့မှု၊ ငြိမ်းချမ်းမှုနဲ့ မေတ္တာတရားရှေုးရှုတဲ့ စိတ်ကောင်းနှလုံးထား ကမ္ဘာတစ်ဝှမ်းပျံ့နှံ့ဖို့ လှုပ်ရှားကြိုးပမ်းနေတဲ့ တိဘက်ဘုန်းတော်ကြီးဒလိုင်းလားမားရဲ့ လေးနက်တဲ့တရားဒေသနာကို ယခုစာအုပ်မှာ ဖတ်ရှုရမှာဖြစ်ပါတယ်။