ဝင်ခွင့်မရမြို့

🌼 သင်တို့ရဲ့ ဘဝသက်တမ်းတလျောက် ထူးခြားတဲ့ လက်ဆက်ပွဲမျိုး ဘယ်နှခုလောက် ကြုံဖူးခဲ့ပါသလဲ…။
လက်တစ်ဖက်က အမြဲတမ်း အေးခဲနေတတ်တဲ့ ဇရပ်လေးတစ်လုံးပေါ်က ကော့လုခ်ဆိုတဲ့ အဖိုးကြီးကိုရော မြင်တွေ့ဖူးခဲ့ပါသလား…။
ပြီးတော့ နှုတ်မှပြောမိသမျှ ကမ္ဘာလောကကြီး အကူအညီနဲ့ အလုံးစုံဖြစ်ပျက်လာလေ့ရှိတဲ့ ဝိုဒင်ဆိုတဲ့ ကလေးလေးကိုရော သတိရမိသေးပါရဲ့လား…။
သူဟာ…ခင်ဗျားတို့ရွာကြီးပျက်မယ်လို့ နှုတ်မှ လွှတ်ခနဲ ပြောမိလိုက်တယ်။ ဒါကို ရွာသားတွေက ဝိုင်းရိုက်တယ်။ ပြီးတော့ အဲဒီရွာဟာ တကယ်ပဲ ပျက်သွားခဲ့ပါတယ်။ ဒါဟာ တိုက်ဆိုင်မှုမဟုတ်ပါဘူး။ ကမ္ဘာအနှံ ဒဿနရေးရာတွေ လိုက်လံဟောပြောတဲ့ ကော့လုခ်ဆိုတဲ့ အဖိုးကြီးအနီးကို ဝိုဒင်ဆိုတဲ့ ကလေးလေး ရောက်လာခဲ့တာလည်း တိုက်ဆိုင်မှုမဟုတ်ဘူး။
နောက်ပြီး သူတို့ရှိနေတဲ့အရပ်ကို ဇီနိုနဲ့ ဂျူဂျူးဆိုတဲ့ ချစ်သူနှစ်ဦး ညကြီးအချိန်မတော် ရောက်ရှိလာတာလည်း တိုက်ဆိုင်မှုမဟုတ်ဘူး။
လာဆာမြို့တော်ကြီးဆီ လမ်းညွှန်ပေးခဲ့တာလည်း တိုက်ဆိုင်မှုမဟုတ်ပါဘူး။
ဘာကြောင့်ဆို ကော့လုခ်ရဲ့လက်ဟာ အရမ်းအေးခဲနေခဲ့ပြီလေ။ အဝေးကို မျှော်ကြည့်ခြင်း စိတ်ထားတဲ့သူ ကူညီပေးခဲ့တဲ့ လာဆာမြို့မှာလည်း ချစ်သူနှစ်ဦးကို အဆင်ပြေစေချင်တယ်။
ဒါပေမဲ့ အရာရာ အဆင်ပြေနေခဲ့ရင် ဘဝရဲ့အရသာ မရှိနိုင်တော့တဲ့ သဘောတွေက လာဆာမြို့မှာ ချစ်သူနှစ်ဦးကို ဆီးကြိုနေခဲ့တယ်။
သူတို့ ပြိုင်ဆိုင်ရလိမ့်မယ်။ ခေတ်ကိုကျော်လွန်ထားတဲ့ လူတစ်စုရဲ့ မင်္ဂလာပွဲကို သူတို့ရဲ့ နှလုံးသားပေါင်းစည်းမှုတွေနဲ့ သဘာဝတရားကြီးရဲ့ အကူအညီတွေပေါင်းယူရင်း သူတို့ပြိုင်ရလိမ့်မယ်။
အဲဒီအတွက် ခက်ခဲမှုအဆင့်ဆင့်တွေက လာဆာမြို့မှာ ဆီးကြိုနေခဲ့ပါတယ်။
ဒါဟာ မိမိကြိုက်ရာမိမိ မဲပေးရွေးချယ်နိုင်ခွင့်ရှိတဲ့ ပြိုင်ပွဲတစ်ခုပါ။
သူ့ကို လက်ဆက်ပွဲတော်လို့ ခေါ်ပါတယ်။
အကယ်၍များ သင်ဟာ ထူးထူးခြားခြား မင်္ဂလာပွဲလေးများကို ကြိုက်နှစ်သက်လေ့ရှိတယ်ဆိုရင် ဒီစာအုပ်လေးက သင့်ကို ကူညီပေးပါလိမ့်မယ်။