ပန်းကျောင်း

ပန်းကျောင်း အား ဝေဖန်သုံးသပ်မှု 1 ရှိပါသည်။

1. 

   Rated 4 out of 5

   Thet Hmue Eain – November 21, 2020

   စာအုပ်လေးထဲမှာက သူငယ်ချင်းတွေကြားထဲက ဖြူစင်တဲ့ ချစ်ခြင်းမေတ္တာတရား လူငယ်တွေနဲ့ လူကြီးတွေကြားထဲက ခြားနားနေတဲ့ အမြင်တွေ၊ ပညာသင်နေဆဲ ကျောင်းသားလေးတွေ ဖြစ်ပေမယ့် မိသားစုအမျိုးမျိုး ဘ၀အခြေနေ အမျိုးမျိုးမှာ ကြိုးစားအားထုတ်နေရသူတွေ၊ အချစ်ဆိုတဲ့ အရာတွေ ၀င်လာချိန်မှာ သူတို့ရဲ့ လွန်ဆွဲမှုတွေ စိတ်ခံစားချက်တွေ အကြောင်းကို ရေးသားထားတာလေးတွေကို ဖတ်ရတာက စိတ်ကို ပေါ့ပါးလန်းဆန်းပြီး ဆယ်ကျော်သက်အရွယ် ‌ကျောင်းသူတစ်ယောက်ဘ၀ကို ပြန်ခံစားမိတယ်။ စာအုပ်လေးကို ဖတ်ရင်းနဲ့မှ အော် ကိုယ်တစ်ကယ် ပျော်ရွှင်ခဲ့တဲ့ကာလလေးက အရင်က စာကျက်ရလို့ စိတ်ညစ်တယ်ဆိုတဲ့ ဆယ်ကျော်သက်အရွယ် ကျောင်းသူတစ်ယောက်ဘ၀လေးပါလားဆိုတာ ပိုသေချာလာခဲ့တယ်။ စာအုပ်လေးထဲကနေ သဘောကျမိတာက ကျော်စွာနဲ့ သိန်းနိုင်တို့ရဲ့ ရန်သူလို အဖြစ်ကနေ ရင်းနှီးတဲ့ သူငယ်ချင်းအဖြစ်ပြောင်းလဲသွားတာလေးကိုပါ။ အသေးစိတ်ကို တော့ စာအုပ်လေးထဲ မှာ ဖတ်ကြည့်ပေးနော်။ လူ တစ်ယောက် နဲ့ တစ်‌ယောက် မုန်းရာကနေ ချစ်သွားဖို့ ချစ်ရာကနေ မုန်းသွားဖို့က ဘယ်လို အကြောင်းပြချက် ကြီးကြီးမားမားမလိုပဲ တိုက်ဆိုင်မှုလေးတစ်ခု အဖြစ်အပျက်သေးသေးလေးတစ်ခုကနေပဲ ဖြစ်သွားနိုင်ပါတယ်။ ချစ်ခြင်းပဲ ဖြစ်စေ မုန်းခြင်းပဲဖြစ်စေ ဘယ်အရာမှ ထာ၀ရ ရှိနေမှာ မဟုတ်ပါဘူး။ မုန်းစကိုတော့ တိုနိုင်သမျှတိုစေပေါ့နော်။ နောက်ပြီးတော့ အချိန်မတိုင်သေးခင် အချစ်ရေးကိစ္စတွေလည်း မစဉ်းစားမိတာက အကောင်းဆုံးပါ တချို့အရာတွေက စောလွန်းတာမျိုးကလည်း မကောင်းပါဘူးနော်။ အဓိက ဇာတ်ကောင် ‌ကျော်စွာရဲ့စိတ်ဓာတ်ရိုးသားဖြူစင် ကြိုးစားမှုကို သဘောကျမိပေမယ့် အထက်တန်း‌ကျောင်းသားဘ၀မှာ အချစ်ကို စဉ်းစားမိတာကိုတော့ သဘောမကျမိဘူး( ကိုယ်ကရှေးရိုးဆန်ပြီး တွေး‌တတ်သူမို့လည်း ဖြစ်မှာပါ)။ နှလုံးသားကိုအသိဉာဏ်နဲ့ ညီတူညီမျှစဉ်းစားပြီး ချစ်ခင်နေကြသူတွေတွက်ကိုတော့ ကြည်နူးမိပါတယ်။