ဂန္ထဝင်အချစ်မြို့တော်

ဂန္ထဝင်အချစ်မြို့တော် အား ဝေဖန်သုံးသပ်မှု 1 ရှိပါသည်။

1. 

   Rated 4 out of 5

   thiha htinkyaw – April 6, 2023

   ဂန္တ၀င်အချစ်မြို့တော် – ပုညခင်

   ဆောင်းကာလနဲ့လိုက်ဖက်တဲ့ အငွေ့အသက်တွေပါနေတဲ့ ” ဂန္တ၀င်အချစ်မြို့တော် ”

   မြို့တော်ဆိုတာ ကြီးမားကျယ်ပြန့်တဲ့နေရာတစ်ခု။
   အချစ်ဆိုတာကတော့ တိုင်းဆမရတဲ့ ခံစားချက်တွေနဲ့တည်ရှိတဲ့ စိတ္တဇနာမ် ။ ဂန္တ၀င်ဆိုတာကတော့ ရှေးကျတဲ့ ကြာရှည်တဲ့ အချိန်ကာလတစ်ခုကို ရည်ညွှန်းတာမျိုးပေါ့ ။

   ဒီစာအုပ်က ကျွန်တော့်ရဲ့ personally အရ အကြိုက်ဆုံးဖြစ်တဲ့ စာအုပ်တစ်အုပ်ထဲမှာပါတယ်။ ၂၀၁၃ ခုနှစ် ကလေးဘ၀တုန်းကတော့ ဒီစာအုပ်က သာမန်ဖတ်ပြီးပြီးသွားတဲ့ အချစ်၀တ္ထုတစ်အုပ်ထက် မပိုခဲ့ဘူး ။
   အခု ၁၀နှစ်ကြာပြီးအချိန်မှာ ပြန်ဖတ်လိုက်ရတော့ ရှည်ကြာတဲ့ ချစ်ခြင်းတရားတွေ ၊ တိုက်ဆိုင်တဲ့ တွေ့ဆုံမှုနဲ့ ဆန်းကြယ်တဲ့ ကံကြမ္မာရေစက် ဆိုတာမျိုးကို ခံစားမိလိုက်တယ်။

   ၁၉၄၂ ခုနှစ်က အရေးပိုင်မင်းရဲ့ သမီး နုကြေးမုံနဲ့ မိုင်းသာစော်ဘွားရဲ့ ကိုယ်ရံတော်တပ်မှူး စိုင်းခမ်းလုံ ၊ သူတို့ရဲ့ အတိတ်ဇာတ်ကြောင်းတွေဟာ စာလုံးလေးတွေငနေ တဆင့် အဲ့ဒီအချိန်ကာလကိုပြန်ရောက်သွားသလိုမျိုး ညှို့ငင်ခေါ်ဆောင်သွားတယ်။ တောင်လှေကားမြို့ရဲ့ နာမည်ကြီး ဘုရင်ခံအိမ်တော်ရှေ့မှာ သူတို့တွေ့ဆုံပြီး စတင်ခဲ့တယ်။ချစ်သူနှစ်ဦးရဲ့ ချစ်ခြင်းတရား ဝေဒနာတွေဟာ ကူးစက်စေခဲ့တယ်။

   မျက်မှောက်ခေတ်က အလင်းနုဆိုတဲ့ စာရေးဆရာမလေး ၊ လရောင်ဦးဆိုတဲ့ ကောင်လေးတစ်ယောက်နဲ့ တိုက်ဆိုင်မှုတွေကြားမှာ ခင်မင်ခဲ့ပြီး အတိတ်ကာလက နှကြေးမုံ ၊ စိုင်းခမ်းလုံတို့နဲ့ ဆက်စပ်နေတဲ့ အကြောင်းတရား ကံကြမ္မာတွေကို တွေ့လိုက်ရချိန်မှာ
   ဖတ်နေတဲ့စိတ်အစဉ်ဟာ ယုံကြည်မှု ၊ အချစ် ၊ စိတ်လှုပ်ရှားမှု ၊ ချစ်ခြင်းနဲ့ပတ်သတ်လို့ အစစအရာရာဟာ ခန့်မှန်းမရတတ်တာတွေ ၊ နီးခြင်းဝေးခြင်း သတ်မှတ်ချက်တွေကို ထပ်ပြီး တွေးရပြန်တယ်။

   💙…………….🤍

   အချစ်ဆိုတာ
   ကိုယ်ချစ်တဲ့သူတစ်ယောက်ဆီမှာပဲ
   သစ္စာနဲ့အတူ
   မြှပ်နှံထားရမယ့်အရာ…တဲ့ ။

   ဒီ၀တ္ထုလေးက သာမန်အချစ်၀တ္ထုလေးဆိုသော်ငြား
   နုကြေးမုံအပေါ်မှာ မြှပ်နှံထားခဲ့တဲ့ စိုင်းခမ်းလုံရဲ့သစ္စာတရားတွေကိုတော့ ခံစားမြင်တွေ့နိုင်ပါလိမ့်မယ်။

   -Review by August –