အတိတ်တွေ… အရိပ်တွေ… အမှတ်တရတွေ

အတိတ်တွေ… အရိပ်တွေ… အမှတ်တရတွေ အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Thet Naing Aung – ဇန်နဝါရီ 23, 2025

   အလွမ်းဆိုတာ ဘယ်တော့မှ
   မေ့ဖျောက်လို့မရနိုင်တဲ့ မှတ်ဉာဏ်တွေပေါ့…..တဲ့။
   သိပ်မှန်တာပေါ့ဗျာ။ အလွမ်းဆိုတာမျိုးက လူတိူင်းနဲ့ကင်းကွာလို့ရတဲ့ အရာတခုမှ မဟုတ်တာ။ လူတိုင်းရဲ့စိတ်ထဲမှာ အလွမ်းဆိုတာ ခိုင်ခိုင်မာမာရှိနေပြီးသားပါ။
   ဒီစာအုပ်လေးကတော့ ကျွန်တော်တို့ရဲ့ တခါကနေ့ရက်လေးတွေကို ပြန်လည်အောက်မေ့ လွမ်းမောစေခဲ့တာပါ။ စာရေးသူရဲ့ကိုယ်တွေ့ခံစားရတဲ့ အရာလေးတွေကို ဖတ်ရင်းနဲ့ ကိုယ်တိုင်အတိတ်နေ့ရက်တွေစီ ပြန်ရောက်သွားမိတော့တာပါပဲ။
   ဖြတ်သန်းခဲ့ရတဲ့ အတိတ်နေ့ရက်တွေစီ လည်ပြန်ကြည့်မိတော့ ပျော်စရာကောင်းခဲ့တာတွေရှိသလို ဝမ်းနည်းကြေကွဲရတာတွေလည်းအများသားလား။ လူ့ဘဝဆိုတာ ဒီလိုပါပဲလေ။ အတက်အကျ အနိမ့်အမြင့် အပြောင်းအလဲတွေနဲ့ ရှင်သန်ရတာမို့လား။ ဒါပေမယ့် နောင်တရစရာကောင်းလောက်တဲ့ ဖြစ်ရပ်မျိုးတော့မကြုံချင်ဘူးပေါ့လေ။ ဘာအကြောင်းရယ်မှမဟုတ်ပဲ စကားမပြောဖြစ်ကြတော့တဲ့ သူငယ်ချင်းနှစ်ယောက်။ တယောက်က ဆုံးပါးသွားမှ စိတ်မကောင်းဖြစ်ရ၊ နာကျင်ရတာမျိုးဖြစ်ရ ။ အဲ့လိုဖြစ်ရပ်မျိုး မဖြစ်ရအောင်တော့ ဆင်ခြင်ဦးမှလို့ တွေးမိပါတယ်။
   ဒီစာအုပ်လေးက အိမ်နဲ့ဝေးနေသူ ကျွန်တော်တို့အတွက်တော့ နှလုံးသားခိုင်ခိုင်နဲ့ ဖတ်ခဲ့ရတဲ့စာအုပ်လေးတအုပ်ပါပဲ။နှလုံးသားတွေ ဘယ်လိုခိုင်ခိုင်ထားပြီး ဖတ်ဖတ် တချို့နေရာလေးတွေဖတ်ရင်းတော့ မျက်ရည်ဝဲမိတာပါပဲ။
   ဒီလိုပါပဲလေ စာဖတ်သူဆိုတာ စာရေးသူတယောက်ရဲ့ ခံစားချက်တွေနဲ့ တထပ်တည်းကျသွားတဲ့အခါ ပြုံးစရာလေးတွေတွေ့ရင်ပြုံးရ ၊ ကျေနပ်စရာလေးတွေတွေ့ရင်ကျေနပ်ရ၊ နာကျင်လွမ်းမောစရာဆိုလည်း အတူလိုက်ပါခံစားရတာပါပဲလေ။