အဝေးဆုံးကြည့် အမြင့်ဆုံးပျံ

( 4 မှတ်ချက်)

2500 (ကျပ်)

ဘ၀မှာ ကြမ်းတမ်းအခက်ခဲဆုံးကာလတွေကို ကြမ်းကြမ်းရှရှ ရင်ဆိုင်နေရသလား… မုန်တိုင်းမှာ ဒုက္ခမိုးကြိုးလှိုင်းတွေထိမှန်၊ ဒဏ်ရာဆူးတွေနဲ့ မူးဝေလဲကျနေသလား… မိဘညီအစ်ကို မောင်နှမဆွေမျိုးသားချင်း ပတ်ဝန်းကျင်အခင်းအကျင်းနဲ့ သဟဇာတ မမျှမတဖြစ်နေပါသလား။ ဘ၀မှာ ကျဆုံးခြင်းတွေနဲ့ အောင်မြင်မှုသီချင်းတစ်ပုဒ် မတီးမှုတ်နိုင်တော့ဘူးလို့ မိမိကိုယ်မိမိ စိတ်ထဲ မချိတင်ကဲ ဖြစ်နေသလား…

အဲဒီ ‘လား’ ပေါင်းများစွာကို အဖြေရှာနိုင်ယူ အနာဂတ်ကို အောင်မြင်မှုနဲ့ ကျော်ဖြတ်ချင်တဲ့ လူငယ်တွေ ဒီစာအုပ်ကို မဖြစ်မနေဖတ်ပါ။

စာမျက်နှာ

111

စာအုပ်အရွယ်အစား

5.7 × 0.2 × 8.2 inches

ပုံနှိပ်မှတ်တမ်း

ပန်းဆက်လမ်း၊ ၂၀၂၀ ဇူလိုင်လ၊ (ဒု-ကြိမ်)

40 in stock

အဝေးဆုံးကြည့် အမြင့်ဆုံးပျံ အား ဝေဖန်သုံးသပ်မှု 4 ရှိပါသည်။

  1. U Sai Naing Min Htwe

    အမှန်တိုင်းပြောရရင် ဆရာကြီးချမ်းငြိမ်း(ဟံသာဝတီ)ရဲ့ ပင်ကိုယ်ရေး စိတ်အဟာရစာစုများကိုဖတ်ပြီး ကျွန်တော်မျက်လုံးပြူးသွားခဲ့မိပါတယ်။ ဘာလို့လဲဆိုတော့ စာဖတ်သက်နာသူတစ်ယောက်ဟာ စာရေးသူတစ်ယောက်ရဲ့စာအုပ်ကို ဝယ်မဖတ်ခင်ကတည်းက ကြိုပြီးမှန်းဆထားတဲ့ Level တစ်ခုရှိကြပါတယ်။ ကျွန်တော်လည်းပဲ ဆရာကြီးရဲ့စာအုပ် “အဝေးဆုံးကြည့် အမြင့်ဆုံးပျံ” ဆိုတဲ့စာအုပ်ကို စိတ်ထဲမှာ ကြိုခန့်မှန်းထားတဲ့ Levelတစ်ခုရှိခဲ့တယ်ဆိုတာ ဝန်ခံပါတယ်။ ဒါပေမဲ့ တကယ်ဖတ်မိတဲ့အချိန်မှာကျတော့ စာအုပ်ကပေးတဲ့အရသာတွေဟာ ကျွန်တော်မျှော်လင့်ထားခဲ့မိတဲ့ Levelရဲ့ အထက်တော်တော်ရောက်နေတဲ့အတွက် မျက်လုံးများ ပြူးသွားခဲ့မိပါတယ်။?

    ဒီလိုပြောလို့ “အဝေးဆုံးကြည့် အမြင့်ဆုံးပျံ” စာအုပ်ကို ဘဝဒဿနတွေ၊ အတွေးအခေါ်တွေ တင်းကြပ်ပြည့်နေမယ်လို့ မထင်မိပါနဲ့။ သူက အတွေးအခေါ်စာအုပ်မဟုတ်ပါ။ ဒဿနစာအုပ်လဲမဟုတ်ပါ။ အနာဂတ်လူငယ်တွေအတွက်၊ တိုင်းပြည်အတွက်၊ ရသစာပေအတွက် တထောင့်တနေရာက လိုအပ်နေတဲ့ အတွေးလေးတွေကို ဖြည့်ဆည်းပေးထားခြင်းမျိုးဖြစ်ပါတယ်။ ထင်ထားတာထက် ဘဝအမြင့်ကိုရောက်အောင် လူငယ်တွေအတွက် မီးမောင်းထိုးပြထားတာ မြင်တွေ့ရပါလိမ့်မယ်။?

    “အဝေးဆုံးကြည့် အမြင့်ဆုံးပျံ” ဆိုတာဟာ လူငယ်တွေအတွက် အောင်မြင်မှုကိုပြောရမည်ဆိုလျှင် အောင်မြင်ခြင်းကို ရယူပိုင်ဆိုင်ဖို့အတွက် လွယ်လွယ်နဲ့ရခဲ့တာမဟုတ်ကြောင်း၊ လူငယ်တွေ အောင်မြင်မှုရဖို့ (ကတိ)ဆိုတာ အလွန်တရာမှအရေးပါကြောင်း ဖော်ပြထားတာကို စာဖတ်ရင်း ရသစာပေကို ပေးစွမ်းထားပါတယ်။ စာရေးသူဟာ လူငယ်တွေအကြောင်းကို တော်တော်များများ လေ့လာသိထားပုံရပါတယ်။ ဘဝမှာ အဖိုးမဖြတ်နိုင်သော လူငယ်တွေအတွက် ရသတွေအများကြီး ပေးစွမ်းထားတာကြောင့် “အဝေးဆုံးကြည့် အမြင့်ဆုံးပျံ” စာအုပ်ကို လက်မလွှတ်တမ်း ဝယ်ယူဖတ်သင့်ကြောင်း စာဖတ်ချစ်သူများကို တိုက်တွန်းလျှက်…

  2. Thet Paing Htwe

    ကျွန်တော်ဒီစာအုပ်လေးကိုမ၀ယ်ရသေးခင် Pannsattlann page မှာတင်ထားတာတွေ့ကတည်းကဘစိတ်ထဲမှာအရမ်းကိုဖတ်ချင်ခဲ့တဲ့စာအုပ်လေးတစ်အုပ်ပါ။
    စာအုပ်ရဲ့Title လေးကိုကအဝေးဆုံးကြည့်အမြင့်ဆုံးပျံ ဆိုတော့ အရမ်းကိုနားထောင်လို့ကောင်းပီး ဒီစာအုပ်ထဲမှာ တကယ်အဖိုးတန်သော စာရေးဆရာ၏စာဖတ်သူ့တွေအ‌ပေါ်အင်မတန်ကို အဝေးဆုံးကိုကြည့်ပီး အမြင့်ဆုံးကိုပျံစေချင်တဲ့စိတ်ရှိတာကို မြင်တွေ့ရပါတယ်။
    ကိုယ်ကိုယ်တိုင်ဖတ်ကြည့်တဲ့အခါမှာလည်း ကိုယ်မျှော့်လင့်ထားသလိုမျိုးခံစားချက်ရသတွေကိုရမိတယ်၊အမြင်သစ်အတွေးသစ်တွေကိုလည်းမြင်လာမိတယ်။
    အဓိကကြိုက်တဲ့အချက်က လက်ရှိဖြစ်တည်နေတဲ့အခြေအနေတွေကိုသာ သုံးသပ်ပီးရေးပြထားတာတွေဖြစ်လို့ ကျွန်တော့်အတွက်ကတော့ စဉ်းစားဖို့၊ယှဉ်ကြည့်ဖို့၊ပြန်လည်သုံးသပ်ပီးအဝေးဆုံးကိုကြည့်နိုင်ဖို့ လိုတာထက်ပိုတဲ့အ‌မြင့်ဆုံးကိုပျံဖို့ တကယ်အထောက်အကူပြုပေးခဲ့တဲ့စာအုပ်လေးတစ်အုပ်ဖြစ်ခဲ့လို့ပါ။စာရေးသူ‌ရဲ့ငယ်ဘ၀အတွေ့အကြုံတွေကိုရေးသားပေးထားတာတွေကလည်းတကယ့်ကို စာအုပ်အပေါ်တန်ဖိုးပိုထားလာမှုတစ်ခုပါ။
    ကျေးဇူးပါခင်ဗျား။
    ဆက်လတ်အားပေးလျက်
    ဆရာ့စာပေများကိုချစ်မြတ်နိုးသူပါ။
    Thet

  3. Lun Tawi Kim

    Titleလေးတွေ့ပြီးတော့အရမ်းဖတ်ချင်မိပါတယ်

  4. Nay Thu

    စာရေးသူရဲ့ ငယ်စဉ်ဘဝက ကျောင်းစိမ်း ဝတ်စုံတစ်စုံတည်းကို အစ်ကိုတစ်လှည့် ညီတစ်လှည့်ဝတ်ခဲ့ရပြီး၊ ဘုရားပေါ်မှာ ဂွေးသီးလိုက်ရောင်းရတဲ့ ဘဝမှ အောင်မြင်တဲ့ Eng:ဆရာ၊ ဘာသာပြန်ဆရာ၊ စာရေးဆရာဘဝ ရောက်ရှိခဲ့ပုံကို ကိုယ်တွေ့ဖြစ်ရပ်များနဲ့ ပညာပေးရေးဖွဲ့ထားပါသည်။
    * ကတိတည်ခြင်း၏ အကျိုးကျေးဇူးများအကြောင်း၊
    * စစ်မှန်တဲ့ အနှောင်အဖွဲ့မပါတဲ့ ချစ်ခြင်းမေတ္တာရဲ့ ရလဒ်များ
    အကြောင်း၊
    * အခက်အခဲဆိုတာ အနာဂတ်အတွက် ပိုမိုကောင်းမွန်ပြည့်စုံတဲ့
    အခွင့်အလမ်း ဖြစ်တဲ့အကြောင်း၊
    * ပညာရပ်တစ်ခုကို သင်ယူတဲ့အခါ ဈေးကြီးပေးသင်တာ ဈေးကြီး
    မပေးရတာက အရေးမကြီးဘဲ ပညာကို လိုချင်စိတ်ရှိဖို့သာ
    အဓိကဖြစ်ကြောင်းကို – ကမ္ဘာကျော် စစ်တုရင်ချန်ပီယံကြီး
    ကက်စပါရော့ဗ်အား စစ်တုရင်သင်တန်းအသေးစားလေးမှာသာ
    သင်ယူထားတဲ့ အသက် ၁၄ နှစ်သာရှိတဲ့လူငယ်က အနိုင်ယူ
    သွားခြင်းနဲ့ ဥပမာပေးထားကြောင်း၊
    * ဘဝနဲ့ပတ်သက်လာတဲ့အခါတိုင်း “ခင်ဗျားတို့ ဘယ်တော့မှ
    အရှုံးမပေးနဲ့၊ ဘယ်တော့မှလည်း နောက်ပြန်လှည့်ဖို့ စိတ်မကူး
    ပါနဲ့” ဆိုတဲ့ ဗြိတိန်ဝန်ကြီးချုပ် ဝင်စတန်ချာချီ ရဲ့ စကားကြောင့်
    ဖိနပ်တောင် စီးစရာမရှိတဲ့ဘဝမှ ကမ္ဘာကျော် အဆိုတော် တစ်ဦး
    ဖြစ်သွားတဲ့ ကောင်မလေးတစ်ယောက်အကြောင်း၊
    * လူငယ်တိုင်းဟာ တဒင်္ဂကြုံလာတဲ့ ပြဿနာရပ်ကို ဒေါသစိတ်နဲ့
    ပြုမူဆုံးဖြတ်ခဲ့ရင် တစ်ဘဝလုံးခံစားသွားရမှာဖြစ်တဲ့အကြောင်း၊
    * လှေကားထစ်တွေမြင့်လာလေ အပေါ်တက်ဖို့ခက်လေဖြစ်ပြီး
    မြင့်မြင့်ရောက်လေ များများမြင်ရလေ ဖြစ်တဲ့အတွက် လူ‌ငယ်
    တွေ မြင့်မြင့်ရောက်ဖို့ လူကြီးတွေ ဝေးဝေးမြင်ပေးကြဖို့ လိုအပ်
    မည်ဖြစ်ကြောင်း၊
    * မျက်စိအောက်ကိုပဲကြည့်တဲ့အခါ အနီးအနားက အရာဝတ္ထုတွေ‌
    ကိုပဲ မြင်ရမှာဖြစ်ပြီး မျက်စိတစ်ဆုံးကြည့်တဲ့အခါမှာတော့ မိမိ
    မျက်စိအောက်ကအရာတွေတင်မက အဝေးက အရာတွေကိုပါ
    လှမ်းမြင်ရမှာဖြစ်တဲ့အတွက် အမြင်ကျဉ်းရင် ဘောင်ကျဉ်းပြီး
    ဘဝတိုးတက်မှုလည်း ကျဉ်းမြောင်းမှာဖြစ်ကြောင်း။
    ဒီစာအုပ်သည် အောင်မြင်မှုဆီ လျှောက်လှမ်းနေကြတဲ့ လူငယ်များကို အားတက်ဖွယ်၊ အတုယူနိုင်ဖွယ်ဖြစ်အောင် ရသများစွာ ပေးစွမ်းနိုင်တာကြောင့် လက်မလွှတ်သင့်တဲ့ စာအုပ်ကောင်းတစ်အုပ် ဖြစ်ပါကြောင်း ညွှန်းလိုက်ပါရစေ။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ချမ်းငြိမ်း (ဟံသာဝတီ) စာအုပ်များ