သင့်ကို…သော့ခတ်မထားပါဘူး

” လူတစ်ယောက်ရဲ့ဘဝမှာ
ပြီးပြည့်စုံတဲ့ အနာဂတ်တွေ
စောင့်ကြိုမြဲ မမြင်နိုင်တဲ့ အခွင့်အလမ်းတွေကို
ဘယ်အရာမှ ပိတ်ဆို့ထားတာမဟုတ်ပါဘူး…။
သင့်စိတ်ထဲက သင့်ကိုယ်တိုင် ပိတ်ပင်သော့ခတ်ထားတာပါပဲ။

အဲ့ဒီပြီးပြည့်စုံတဲ့ အနာဂတ်တွေ
စောင့်ကြိုနေမဲ့ အခွင့်အလမ်းတွေဖွင့်ဖို့
သင့်ဆီမှာ သော့တစ်ချောင်းရှိနေလေရဲ့။

သော့ခတ်ထားတယ်လို့ထင်နေတဲ့ သင့်စိတ်ကို
သင်ကိုယ်တိုင် တိုက်စစ်ဆင်ချေမှုန်းလိုက်ပါ
ဒီတစ်ခါ သင်ဟာ တစ်ကမ္ဘာလုံးမှာ
တစ်ဦးတည်းသော မဟာလူသားဖြစ်ဖို့
သေချာသလောက်ဖြစ်နေပါပြီ

သင့်ကို….သော့ခတ်မထားပါဘူး။ ။ ”
( ချမ်းငြိမ်း – ဟံသာတီ)

စာဖတ်ပရိသတ်နှင့် လူငယ်ထုအနာဂတ်အတွက် အိပ်မက်များအကောင်အထည်ဖော်ရာတွင် စိတ်ခွန်အားပြင်းပြင်းနှင့် ရှေ့တိုးလှမ်းနိုင်စေမယ့် ဆရာချမ်းငြိမ်း(ဟံသာဝတီ)ရဲ့ ပင်ကိုယ်ရေးစိတ်အာဟာရစာစုများ ဖြစ်ပါတယ်။ လူငယ်တွေအတွက် ညွှန်းထိုက်တဲ့ စာအုပ်လေးဖြစ်သလို ဘဝအတွက်အတွေးခွန်အားတွေ လိုအပ်နေသူတိုင်းအတွက် စာအုပ်ကောင်းလေး တစ်အုပ်ဖြစ်တယ်ဆိုတာ ညွှန်းဆိုပါစေ…