ရှေးရှေးတုန်းကကံ့ကော်ပွင့်တွေ

ရှေးရှေးတုန်းကကံ့ကော်ပွင့်တွေ အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Thinzar – နိုဝင်ဘာ 22, 2020

   ဒီစာအုပ်လေးကတော့ ဆရာမစံပယ်ဖြူနုက “Hell Heaven” အမည်ရတဲ့ ဝတ္ထုလေးကို inspire ထားပြီးရေးထားတဲ့စာအုပ်လေးပါ။

   ဇာတ်ကြောင်းထဲမှာ လင်းမြရည်လွင်ခေါ်တဲ့ သမီးလေးက သူ၏မိခင်ဖြစ်သူ character ကိုကြွနေအောင် ရေးသားပုံဖော်ထားသလိုဖြစ်ပါသည်။ဒါ့အပြင် အဓိက ဇာတ်ကောင် “လင်း” က ငယ်ရွယ်စဉ် အခါက ခင်မင်ရင်းနှီးခဲ့ရသော “ဦးညီ” ဆိုသောသူကို အချိန်ကြာလာသော်လည်း ချစ်ခင်ခြင်းမပျက်သော်ငြား တစ်ဖက်က အဘယ်ကြောင့် ဤမျှ စိမ်းကားခြင်း ပြုနိုင်ပုံ ကိုလည်း “လင်း”မွန်းကျပ်သလိုပင် ခံစားဖတ်ရှုရပေသည်။

   ဒီစာအုပ်လေးရဲ့ အဓိက intention ကတော့ ဇနီးမယားတစ်ယောက်ဟာ သူ၏တာဝန်ဝတ္တရားတွေအပြင် ချစ်ခြင်းမေတ္တာကို ရယူပိုင်ဆိုင်ခွင့်မရှိပေဘူးလား။
   ဒါ့အပြင် လူတွေဟာ ပိတ်လှောင်မွန်းကြပ် တဲ့ခံစားချက်တွေကနေ စိတ်နေသဘောထား ပြောင်းလဲသွားတတ်သလား။

   ငယ်ရွယ်စဉ်က ဖြူစင်သောမေတ္တာဟုခံယူထားသော အရာက အချိန်ကြာလာတဲ့အခါ မည်သည့်အရာတွေကြောင့် အလွှာပါးတစ်ခုခံသော အပေါ်ယံဟန်ဆောင်မှု အဖြစ်ရောက်ရှိသွားနိုင်ပါသနည်း။

   အသေးအဖွဲဟု ယူဆထားသော အချက်အလက်လေးများက အချိန်ကြာလာသည်နှင့်အမျှ ချစ်သူနှစ်ဦး၏ ခြားနားချက်များကိုပေါ်လွင်လာတဲ့အခါ မည်သို့ကြိတ်မှိတ်ရှေ့ဆက်သင့်သနည်း။

   “လူဆိုတာ ဒီလိုပါပဲ သမီးရယ်၊ ဘယ်လောက်ပဲ ချစ်ကြ ခင်ကြတယ်ဆိုဦးတော့၊ တစ်ချိန်မှာ ခွဲကြရတာပဲ၊ ရှင်ကွဲမကွဲရင် သေကွဲကွဲမှာပဲ၊ လူ့ဘဝဆိုတာကိုက သေခြင်းနဲ့ အဆုံးသတ်တာ မဟုတ်လား၊ မသေခင် တွေ့ကြ ဆုံကြချစ်ကြတာ၊ တွေ့တုန်းတွေ့ခိုက် ကိုယ့်ဘက်က အတတ်နိုင်ဆုံး သူ့အပေါ် ချစ်ခင်ခဲ့တာ ဖြည့်ဆည်းပေးခဲ့တာပဲ၊ ခွဲကြရတော့လည်း ဒါရေစက်ကုန်လို့ပဲ လို့တွေးရုံပေါ့”