ကသောင်းကနင်းကာလခေါင်းဆောင်မှု : လီကွမ်ယု – ထူးချွန်ထက်မြက်ခြင်းမဟာဗျူဟာ

လီကွမ်ယုသည် ပကတိအရှိတရားကို မှန်မှန်ကန်ကန်သုံးသပ်နိုင်ပြီး အမြော်အမြင်ရှိရှိ လက်တွေ့လုပ်ဆောင်နိုင်သူဖြစ်သည်။ ထူးချွန်ထက်မြက်သောခေါင်းဆောင်များသည် နိုင်ငံ့ခေါင်းဆောင်မှုဆိုင်ရာ ထာဝရလိုအပ်ချက်များကို ထိုးထွင်းသိမြင်ခဲ့သည်။

ထို့ကြောင့် လီသည် ပြောင်းလဲနေသောအခြေအနေများအရ ပျော့ပျောင်းသော ပူးပေါင်းဆောင်ရွက်မှုပုံစံကိုသာ ရွေးချယ်ခဲ့သည်။ ပစိဖိတ်အစွန်းရှိ ဆင်းရဲမွဲတေပြီး လူမျိုးစုံနေထိုင်သည့် ဆိပ်ကမ်းမြို့ကလေးကို ဆင့်ကဲဖြစ်ထွန်းအောင် ပုံဖော်နိုင်ခဲ့သည်။ ယင်းဆိပ်ကမ်းမြို့ကလေးသည် ရန်လိုသောအိမ်နီးချင်းများဝန်းရံလျက်ရှိသည်။

သို့သော် လီ၏ခေါင်းဆောင်မှုအောက်တွင် စင်ကာပူသည် လုံခြုံစိတ်ချရပြီး စီမံအုပ်ချုပ်မှုကောင်းသည့် ချမ်းသာကြွယ်ဝသော မြို့ပြနိုင်ငံတစ်ခုအဖြစ် ပေါ်ထွက်ခဲ့သည်။ အထူးသဖြင့် လီသည် ညီညွတ်ရေးကို ဆောင်ကြဉ်းပေးနိုင်သည့် အမျိုးသားအမှတ်သရုပ်ကို ဖော်ဆောင်ပေးနိုင်ခဲ့သည်။