စိတ်ကိုခဏအနားပေးခြင်း

ဒီစာအုပ်လေးဟာ နေ့တိုင်း စိတ်ပိုပြီး တည်ငြိမ်ဖို့၊ ကြည်လင်ဖို့ စဉ်းစားချိန်နည်းနည်းလိုတယ်လို့ ခံစားရတဲ့အခါ သတိပြုပြီးလေ့ကျင့်ရမယ့် အလေ့အကျင့်ကောင်းလေးတွေကို အလွယ်တကူဖတ်ရှုနိုင်အောင် စုစည်းထားတဲ့ စာအုပ်လေးဖြစ်ပါတယ်။

ယနေ့လို အလျင်အမြန် သွားလာလှုပ်ရှားဖြစ်ပျက်နေတဲ့ ကမ္ဘာကြီးမှာ ကျွန်တော်တို့ရဲ့ စိတ်တွေဟာ ထွေပြားဗျာများပြီး အလုပ်များလွန်းလှပါတယ်။ ဒါကြောင့် အရာရာကို ကွဲကွဲပြားပြား မမြင်နိုင်၊ မသိနိုင်တော့ မငြိမ်း ချမ်းတော့ပါဘူး။ နှစ်နှစ်ခြိုက်ခြိုက်တောင် အိပ်မပျော်ကြတော့ပါဘူး။

သင့်ခန္ဓာ၊စိတ်နဲ့ ခံစားချက်တွေကိုပေါင်းစပ်ထားတဲ့အလေ့အကျင့်ကောင်းလေးတွေကို တစ်နေ့မှာ ဆယ်မိနစ်လောက် အချိန်ပေးလေ့ကျင့်ပေးရုံနဲ့ နေ့စဉ်ကြုံတွေ့နေရတဲ့ စိန်ခေါ်မှုတွေကို ဖြေရှင်းနိုင်ဖို့၊ အခွင့်အရေးတွေကို ရယူနိုင်ဖို့ စိတ်ကိုဘယ်လိုတည်ငြိမ်အောင်ထိန်းမလဲ၊အနားပေးမလဲ၊ အင်အားတွေဘယ်လို ဖြည့်ပေးနိုင်လဲ ဆိုတဲ့နည်းတွေကို ဒီစာအုပ်မှာ ညွှန်ပြပေးထားပါတယ်။