မျှဝေလိုသောအတွေးများ ၈

“ငါ ငယ်စဉ်က အလွန် စိတ်ကူးယဉ်တတ်တယ်။ ပြီးတော့ ကြီးကြီးကျယ်ကျယ်တွေလည်း တွေးတတ်တယ်။ ဒီတော့ ကမ္ဘာကြီးကို ပြောင်းလဲပေးချင်တဲ့ဆန္ဒ ဖြစ်ပေါ်လာတယ်။ ဒါပေမဲ့ အသက်နည်းနည်းကြီးလာပြီး စဉ်းစားဉာဏ်ပိုရှိလာတော့ ကမ္ဘာကြီးကို ပြောင်းလဲပေးဖို့ မဖြစ်နိုင်ဘူးဆိုတာ သိလိုက်တယ်။ ဒီတော့ ငါ့ရဲ့ဆန္ဒကို လျှော့ချလိုက်ပြီး ငါ့နိုင်ငံကို ပြောင်းလဲပေးဖို့ ဆန္ဒဖြစ်လာတယ်။ ဒါပေမဲ့ အဲဒါလည်း မဖြစ်နိုင်ဘူးဆိုတာ သိပြန်တော့ ငါ့မိသားစုကိုပဲ
ပြောင်းလဲပေးဖို့ ဆန္ဒဖြစ်ပေါ်လာတယ် ဒါပေမဲ့ အဲဒါလည်း မဖြစ်နိုင်ဘူးဆိုတာ သိလာခဲ့ပြန်တယ်။

အခု ငါ သေခါနီးဖြစ်နေပြီး ဒီအခါကျမှ ငါ ရုတ်တရက် ဒီဟာကိုစဉ်းစားမိတယ်။ ငါ့ကိုယ်ငါ အရင်ဆုံး ပြောင်းလဲခဲ့ရင် ငါ့မိသားစုကို ပြောင်းလဲပေးနိုင်မယ်။ အဲဒါဆိုရင် အားတက်လာပြီး ငါ့နိုင်ငံကိုလည်း ပြောင်းလဲပေးနိုင်ပါမယ်။ နောက်ဆုံး ငါ ကမ္ဘာကြီးကိုတောင် ပြောင်းလဲပေးနိုင်လိမ့်မယ် ထင်ပါတယ်”

ဒီစာအုပ်ဟာ The Original Chicken Soup For the Soul Plus 30 Bonus Stories စာအုပ်ထဲက အကြိုက်ဆုံး စာပိုဒ်လေးတွေကို ရွေးချယ်ပြီး ဘာသာပြန်ထားတာပါ။ ဒီလိုစာအုပ်မျိုးဟာ ဝတ္ထုစာအုပ်ဖတ်သလို တစ်ထိုင်တည်း ပြီးအောင် သို့မဟုတ် အများကြီး ဖတ်ရတာမျိုး မဟုတ်ပါဘူး။

တစ်ပုဒ်ချင်းကို ဖြည်းဖြည်းဖတ်ရပါမယ်။ စိတ်ထဲကရော နှလုံးသားထဲကပါ ဖတ်ရပါမယ်။ တစိမ့်စိမ့် အရသာခံဖတ်ရပါမယ်။ ဘယ်အကြောင်းအရာက သင့်စိတ်ကို နှိုးဆွသလဲဆိုတာမေးပါ။ သင့်ဘဝအတွက် ဘာအကြံပေးသလဲ။ သင့်ကို ဘာခံစားချက် ဖြစ်ပေါ်စေသလဲ။ ဘယ်လိုလုပ်ဆောင်မှုလုပ်ဖို့ တွန်းအားပေးသလဲ။ ပုံပြင်တိုင်းဟာ သင်ခန်းစာရစေသလို မိတ်ဆွေမွန်လည်း ဖြစ်ပါသည်။