ဗုဒ္ဓအလိုကျ Minimalism

ဗုဒ္ဓအလိုကျ Minimalism အား ဝေဖန်သုံးသပ်မှု 4 ရှိပါသည်။

1. 

   Rated 5 out of 5

   Shwe Sin Hnin Si – February 9, 2022

   Dr Phyo Thiha fbမှစာများကို အမြဲဖတ်ဖြစ်ပါတယ်

2. 

   Rated 5 out of 5

   Phyupyar Lwin (verified owner) – March 1, 2022

   ဗုဒ္ဓဘာသာဝင် တွေသာမက လူတိုင်း ဘာသာတိုင်းဖတ်ကြည့်လို့ အကျိုးများစေမယ့် စာအုပ်ကောင်းတစ်အုပ်ပါ
   စိတ်ရဲ့အကြောင်းတွေကို အသေးစိတ်ရေးထားတာ
   ဖတ်လို့တော်တော်ကောင်းပါတယ် ကြိုက်တဲ့စာအုပ်လေးပါ

3. 

   Rated 5 out of 5

   Anonymous – June 8, 2022

   6000 ထက်မက ပိုပီးတန်တဲ့ အသိပညာတွေရပါတယ်

4. 

   Rated 5 out of 5

   Myint Zu (verified owner) – March 22, 2023

   ဗုဒ္ဓအလိုကျ”Minimalism”
   “Minimalism”ဆိုတာ living with lessလို့ နားလည် နိုင်ပါတယ်။ သဘောကတော့ ကိုယ့်မှာရှိသမျှ အကုန်လှူတာ မျိုးမဟုတ်ဘူး။ တောထဲသွားပြီး တဲတစ်လုံးနဲ့နေဖို့ထိလည်း မဟုတ်ဘူး။ တတ်နိုင်သလောက် ပစ္စည်းနည်းနည်းနဲ့နေတာ
   ကိုခေါ်တာ။ living with none မဟုတ်ဘူး။ living with less.တကယ်လိုအပ်တဲ့ အရာတွေပဲချန်ထားပြီး မလိုတာကို စွန့်တဲ့သဘော လိုအင်ဆန္ဒတွေနောက်ကို မလိုက်တဲ့သဘော ပဲ။”
   “Minimalism”ကို တစ်နည်းအားဖြင့် ကိုယ်တကယ်လိုအပ် တဲ့၊ အရေးကြီးတဲ့အရာတွေနဲ့ ရိုးရိုးရှင်းရှင်း နေထိုင်မှုဘ၀ပုံစံ လို့ မှတ်ယူနိုင်ပါတယ်။ ကိုယ်မလိုအပ်တော့တဲ့ အသုံးမလို တော့တဲ့ အရာတွေကို စွန့်ကြဲပြီး ကိုယ့်မှာရှိတဲ့ အရာတွေနဲ့ ရောင့်ရဲတင်းတိမ်နိုင်တဲ့ ဘ၀နေထိုင်မှုပုံစံမျိုးပါ။ ဒါပေမယ့် ကိုယ့်ရဲ့လူမှုပတ်၀န်းကျင် ကိုယ့်အလုပ်အကိုင်နဲ့ ကိုက်ညီတဲ့ ရုပ်ပိုင်းဆိုင်ရာ အသုံးအဆောင်ပစ္စည်း‌တွေတော့ သုံးစွဲနိုင်ပါ တယ်။ Minimalist lifeကို ဆရာမ မွန်ဟော်စီရဲ့ စိတ်ကို အဆိပ်ထုတ်ခြင်း “Mental Detox”မှာ စတင်ရင်းနှီးခဲ့ ပါတယ်။ ဒီစာအုပ်လေး ဖတ်ဖူးရင်တော့ Minimalist နဲ့စိမ်းမယ် မထင်ပါဘူး။
   ဗုဒ္ဓအလိုကျ”Minimalism”စာအုပ်လေးမှာ ဆရာဒေါက်တာဖြိုးသီဟက
   (၁)ရိုးရှင်းသော ဘ၀နေထိုင်မှု (Minimalism)
   (၂)စိတ်၏ သဘာ၀များ(Natural of Mind)
   (၃)စိတ်ခံစားချက် ကျန်းမာရေး(Emotional Health)
   ဆိုပြီး အခန်းကဏ္ဍ ၃ခုခွဲကာ ဗုဒ္ဓလမ်းစဉ်တွေနဲ့ ရှင်းပြ ရေးပြ ထားပါတယ်။ ဗုဒ္ဓလမ်းစဉ်ဆိုပေမယ့် တခြားဘာသာ ၀င်တွေလည်း Minimalismနဲ့ပတ်သက်၍ နားလည်အောင် ဆက်စပ်မှုရှိအောင် ဖတ်ရအဆင်ပြေအောင် ဆရာက အားထုတ် ထားပါသေးတယ်။
   ရုပ်ပိုင်းဆိုင်ရာ ဖွံ့ဖြိုးတိုးတက်နေတဲ့ အိုတီ၊ဒီဂျစ်တယ် ခေတ်ကြီးထဲမှာ စိတ်ပိုင်းဆိုင်ရာ ဆုတ်ယုတ်ပျက်စီးမှုတွေ များလာပါတယ်။ စိတ်တည်ငြိမ်ဖို့၊”စိတ်ထောင်း ကိုယ်ကြေ
   မဖြစ်ဖို့ “၊ “စိတ်ပျိုကိုယ်နုဖို့”ဆိုလျှင် ရုပ်ပိုင်းဆိုင်ရာအပေါ်မှာ ရောင့်ရဲတင်းတိမ်ရင်း စိတ်ပိုင်းဆိုင်ရာကို ကုစားနိုင်ဖို့ လိုအပ် ပါတယ်။
   (၁)ရိုးရှင်းသော ဘ၀နေထိုင်မှု (Minimalism)
   အခန်းကဏ္ဍမှာဆိုရင် အခန်း(၄/၅) ပဋိစ္စ သမုပ္ပါဒ်နှင့် Minimalism(သံသရာရှု‌ထောင့်)/(တစ်ဘ၀စာရှုထောင့်)ကို တော်တော်‌လေးသဘောကျပါတယ်။ ကိုယ်က ပဋိစ္စ သမုပ္ပါဒ် စက်ဝိုင်းကြီးမြင်ရင် အဆင့်မြင့်လွန်းတယ်လို့ မြင်တဲ့သူထဲမှာ ပါတာကိုး။ အဆင့်မြင့်တယ်ဆိုပေမယ့် အရင်လို စက်ဝိုင်းကြီး မြင်ရင် နားမလည်မှာ မစိုးရိမ်ရတော့ဘူးပေါ့။ စိတ်ငြိမ်းချမ်းမှု ကိုလိုချင်ရင်တော့ ဒီစက်ဝိုင်းကြီးက တစ်နည်းနည်းနဲ့ အထောက်အပံ့ပြုတယ်ဆိုတာ သိစေပါတယ်။ ငါးပါးသီလ၊ ရှစ်ပါးသီလ တည်ဆောက်တာတွေကလည်း ကိုယ်ကြောင့် သူတစ်ပါးစိတ်ပိုင်းဆိုင်ရာ ရုပ်ပိုင်းဆိုင်ရာ ထိခိုက်မပျက်စီးစေ
   ဖို့၊ စိတ်ဆင်းရဲသောကမရောက်စေဖို့၊ ရောင့်ရဲတင်းတိမ်တတ် တဲ့စိတ်နဲ့ ‌‌နောင်တကင်းကင်း ရှင်သန်နိုင်‌အောင် လမ်းညွှန် ထားတဲ့ ဗုဒ္ဓဘာသာ၀င်တွေနဲ့ မစိမ်းလှတဲ့Minimalismပါပဲ။
   (၂)စိတ်၏ သဘာ၀များ(Natural of Mind)အခန်းကဏ္ဍမှာ ဆိုရင်တော့ ၂၄ပစ္စည်း ပဌာန်းဒေသနာတော်ကို အနက်အဓိပ္ပာယ်‌ အသေးစိတ်မဟုတ်ရင်တောင် သဘောတရားလောက် တို့ထိ ပြထားပါတယ်။ ၂၄ပစ္စည်းဟာ လူတွေရဲ့စိတ်ဖြစ်စဉ်ကို အသေးစိတ်ဟောကြားတာဖြစ်လို့ ကိုယ့်ရဲ့ စိတ်သဘောသဘာ၀တွေကို နားလည်စေတယ်။ သတိထားမိစေတယ်။ သတိထားမိရင် ထိန်းလာနိုင်ပြီး တော်ရုံ စိတ်ဓာတ်ကျ ညစ်ညူးတာတွေရဲ့ အဝေးတစ်ဖက်မှာ ရပ်နေနိုင်စေကြောင်း ရှင်းပြထားပါ‌တယ်။
   (၃)စိတ်ခံစားချက် ကျန်းမာရေး(Emotional Health) မှာဆိုရင်တော့ “ကိုယ်မပျော်‌နေဘူးဆို တခြားသူတွေကို ပျော်အောင်လုပ်ပေးလိုက်ပါ။”ဆိုတဲ့ သီအိုရီလေးနဲ့ လမ်းပြထားပါတယ်။ မှတ်သားစရာ အချက်အလက်‌တွေ အများကြီးပါတာမို့ စာအုပ်လေးကို ဖတ်ကြည့်ကြဖို့ အကြုံပြုချင်ပါတယ်။🤗
   ဒီစာအုပ်လေးဟာ ကိုယ်ရဲ့စိတ်ခံစားချက်ကို အလေးထားသူ တွေ၊ ရုပ်ပိုင်းဆိုင်ရာထက် စိတ်ပိုင်းဆိုင်ရာကို အလေးပေး တဲ့သူတွေ၊ လက်ရှိဘ၀ကို အပူအပင်ကင်းပြီး စိတ်ချမ်းမြေ့စွာ ဖြတ်သန်းချင်သူတွေအတွက် အဖော်မွန်ကောင်းသဖွယ် လမ်းညွှန်ပေးနိုင်တဲ့ စာအုပ်လေးပါပဲ။