လွမ်းအောင်ဖန်

ဒီစာအုပ်က ရွှေဘိုနယ်နဲ့ မန္တလေးမြို့တို့ကိုနောက်ခံထားပြီး ရေးထားတဲ့ဝတ္ထုတစ်ပုဒ်ပါ။ အသက် ၁၅ နှစ်အရွယ် ကောင်မလေးတစ်ယောက်ရဲ့ စွန့်လွှတ်အနစ်နာခံခြင်းတွေပြည့် နေတဲ့ ရင်နာစရာဇာတ်လမ်းတစ်ပုဒ်ပါ။ပြီးတော့တွယ်တာစိတ်ကြီးမားလွန်းတဲ့ ငယ်ကချစ် အနှစ်တစ်ရာမမေ့သာ သံယောဇဉ်အပိုင်းအဆလေးတွေနဲ့ ခြယ်သထားတဲ့ ဘဝသရုပ်နဲ့ အချစ်ဇာတ်လမ်းတစ်ခုဖြစ်ပါတယ်။မိဘနဲ့ချစ်ရသူ မချစ်မနှစ်သက်သူ ကျေးဇူးတရားတွေပိနေတဲ့ဝန်ထုပ်ဝန်ပိုးတွေကြား ချစ်ခြင်းနဲ့ မေတ္တာအကြောင်း ကောင်းကောင်းကြီးပြပေးနိုင်ခဲ့တဲ့ ရီရီဆိုတဲ့ ကောင်မလေးတစ်ယောက်ရဲ့ ဇာတ်လမ်းတစ်ပုဒ်ပါ။ မိဘအပေါ်လဲ သိ၊ ခင်မင်ရင်းနှီးကျွမ်းဝင်ခဲ့ရသူတွေအပေါ်မှာလဲ သိပ်အနစ်နာခံတတ်တဲ့ ကောင်မလေးတစ်ယောက်အကြောင်းဖြစ်ပါတယ်။ ငိုကြရမဲ့ဇာတ်လမ်း၊ ရင်ထုမနာဖြစ်ရမဲ့ဇာတ်လမ်း၊ နှမြောတသမှုတွေနဲ့ ရင်ထဲစွဲကျန်ရစ်စေမဲ့ဇာတ်လမ်းလေးဖြစ်ပါတယ်။