ဘဝသမုဒ္ဒရာထဲက အစာအာဟာရ

ဒီစာအုပ်လေးဟာ အစာစားခြင်းနဲ့ပတ်သက်ပြီး လူတွေ မသိသေးတဲ့ ၊ သတိမပြုမိသေးတဲ့ အကြောင်းလေးတွေနဲ့ ပတ်သက်ပြီး ရေးသားထားတဲ့ စာအုပ်လေးပါ ..

ဘာသာပြန်သူရဲ့ အမှာအတိုင်း ပြန်တင်ပြရရင်
“ကိုယ်ခန္ဓာက စားနေပေမဲ့ စိတ်က ရှိမနေတဲ့အခါ အစာစားတာက ကိုယ့်အတွက် ရာနှုန်းပြည့် အထောက်အပံ့ မပေးတော့ပါဘူး .. ဒါကြောင့် အစာစားတာကို ပြီးစလွယ် စားလိုက်တာမျိုး မဟုတ်ဘဲ ပြည့်ပြည့်၀၀ စားသုံးခြင်းဖြစ်အောင် အလေ့အကျင့်လုပ်ဖို့ လိုတာပေါ့ ..

ဒီအလေ့အကျင့်အတွက် လိုအပ်တာတွေ ၊ နည်းလမ်းတွေကို ခဲရာခဲဆစ် လိုက်မရှာရအောင် သစ်နတ်ဟန်က ဒီစာအုပ်ထဲမှာ ပြေပြေပြစ်ပြစ် ရိုးရိုးရှင်းရှင်း တင်ပြထားပါတယ် ..
အစာစားတာ ၊ အစာနဲ့ပတ်သက်ပြီး ရှိသင့်တဲ့ အသိ သတိနဲ့ ကျေးဇူးတင်စိတ် ၊ ကိုယ်က၀၀လင်လင် လွယ်လွယ်ကူကူ အစာစားလို့ ရနေချိန်မှာ အစာတစ်ခု ရဖို့ ခက်ခဲနေတဲ့ လူတွေ ၊ နေရာတွေအတွက် ဆင်ခြင်ကြည့်တာတွေထိပါ ဆက်စပ်ရေးသားထားတဲ့ စာအုပ်တစ်အုပ်ပါ ..”

ကောင်းမွန်တဲ့ ဘ၀နေနည်းရဖို့ ကြိုးစားနေသူတွေ သဘောကျနှစ်ခြိုက်မယ့် စာအုပ်လေးတစ်အုပ်လည်း ဖြစ်ပါတယ် ..