သုခဘုံ

သုခဘုံစာအုပ်ကြီးဟာ အိုဘာမားရဲ့ သမ္မတသက်တမ်းတလျှောက် ဆောင်ရွက်ချက်များ ၊ အောင်မြင်မှုများအပြင်စိန်ခေါ်မှုများကို ဖတ်ရပါလိမ့်မယ်။ သုခဘုံဟာ အိုဘာမားရဲ့ နိုင်ငံရေးသမားဘဝကို အဓိက မီးမောင်းထိုးရေးဖွဲ့ပါတယ်။ အိုစမာဘင်လာဒင်ကို ဝင်ရောက်နှိမ်နှင်းတဲ့ စစ်ဆင်ရေးတွေ၊ အီရတ်က တပ်တွေကို အပြီးအပိုင်ရုတ်သိမ်းတာတွေ၊ ရုရှား၊ တရုတ် အစရှိတဲ့ပြိင်ဘက်နိုင်ငံကိုသွားခဲ့တဲ့ ခရီးစဉ်တွေအပါအဝင် လူသိပ်မသိတဲ့ အိမ်ဖြူတော် အတွင်းရေးတွေနဲ့ ဝေဝေဆာဆာ ရေးသားခဲ့ပါတယ်။ ဒါပေမယ့် အဲ့ဒါတွေအားလုံးဟာ စာအုပ်ရဲ့ အဓိက အနှစ်အသားမဟုတ်ပါဘူး။ စာအုပ်ရဲ့ အနှစ်ကတော့ အိုဘားမားရဲ့ လူသားဆန်မှု၊ အလုပ်တွေဘယ်လောက်များများ မိသားစုအပေါ်တန်ဖိုးထားမှု၊ နွေးထွေးကြင်နာမှုတွေပါပဲ။ အကြောင်းအရာပိုင်းရော အရေးအသားပိုင်းရော ချောမွတ်ပြေပြစ်ပြီး စိတ်ဝင်စားဖို့ကောင်းတာကြောင့် ပထမစာမျက်နှာကို လှန်လိုက်တာနဲ့ ပြန်ချနိုင်ဖို့ ခက်ပါလိမ့်မယ်။