လေပြည်ကလေး၏ တေးဆိုသံနှင့် ပင်ဘောလုံး ၁၉၇၃

( 1 မှတ်ချက်)

4500 (ကျပ်)

ယခုစာအုပ်သည် မူရကာမိ ဟာရူကီ၏ ပထမဆုံး စာပေလက်ရာ ဝတ္ထုလတ်၂ပုဒ်ဖြစ်သည့် လေပြည့်ကလေး၏တေးဆိုသံနှင့် ပင်ဘောလုံး ၁၉၇၃ နှစ်အုပ်ကို ပူးတွဲထုတ်ဝေထားသောစာအုပ်ဖြစ်ပါတယ်။တစ်ကြိမ်ဖတ်ပြီးတိုင်းမှာ မတူညီတဲ့ ခံစားချက်ရသတွေကိုပေးစွမ်းမယ့် မူရာကာမိရဲ့ ရေးဟန်များကို ဖတ်ရှုခံစားလိုသူတို့အတွက် စာအုပ်ကောင်းတစ်အုပ်….

စာမျက်နှာ

300

စာအုပ်အရွယ်အစား

5.5 x 0.5 x 8.2 inches

ပုံနှိပ်မှတ်တမ်း

ကိုနေ(မန်း)စာပေ 2019

လေပြည်ကလေး၏ တေးဆိုသံနှင့် ပင်ဘောလုံး ၁၉၇၃ အား ဝေဖန်သုံးသပ်မှု 1 ရှိပါသည်။

  1. Say Paing Htut

    မူရာကာမိကို သဘောကျမိတဲ့လူငယ်တစ်ယောက်အနေနဲ့ သိပ်မကြာသေးခင်ကမှ ပန်းဆက်လမ်းက ဝယ်ထားတဲ့စာအုပ်။ မူရာကာမိရဲ့ ဝတ္ထုနှစ်အုပ်ပေါင်းထားတာမို့ ဖတ်ရတာ ပိုတန်တယ်။ နှစ်အုပ်စာ တန်ဖိုးကလည်း ၄၅၀၀ ကျပ်ဆိုတော့ တွက်ကြည့်ရင် တစ်အုပ်မှ ၂၅၅၀ ပဲကျတော့တယ်။ နောက်ပြီး ဘာသာပြန်တဲ့သူကလည်း တိုက်ရိုက် ဂျပန်ဘာသာကနေပြန်တာမို့ ဘာသာစကားနှစ်ဆင့်ခံမဖြစ်တော့ဘူး။ တစ်ချို့စာအုပ်တွေ ဖတ်ဖူးတယ်။ ဂျပန်ကနေ အင်္ဂလိပ်၊ အင်္ဂလိပ်ကနေ မြန်မာဘာသာမဟုတ်လား။ ဒါကြောင့် တချို့စာတွေဆို အဆင့်ဆင့်ပြန်တဲ့အခါ အဓိပ္ပါယ်လွဲချော်မှုလေးတွေ အနည်းနဲ့အများရှိမယ်လို့တွေးမိတယ်။ ဒါကြောင့် ဒီစာအုပ်လေးကို ဝယ်ပြီးဖတ်ရတဲ့အခါ ပိုပြီးတန်တယ်လို့ခံစားရတာပဲ။
    ဒီဝတ္ထုနှစ်အုပ်ပေါင်းထားတာမှာ ပထမအုပ်ကို ဒုတိယအုပ်ထက် ပိုကြိုက်တယ်။ အထူးသဖြင့် ထူးထူးဆန်းဆန်းအတွေးအခေါ်၊ အရေးအသားတွေက တောက်လျှောက်ဆွဲခေါ်သွားတယ်။ လွမ်းမိတဲ့အချစ်က တစ်ယောက်၊ အနားမှာရှိသူက တစ်ယောက် မတူညီပုံကိုမြင်ရတယ်။ ငယ်တဲ့အရွယ်မှာ အကြောင်းအမျိုးမျိုးကြောင့် ခွဲရတဲ့ ချစ်ရသူဆိုတာ တစ်ချိန်တုန်းက ရှိခဲ့ဖူးမယ်။ ကြာလာပြီဆိုတော့လည်း အမြဲမဟုတ်တောင် အိပ်မက်ဟောင်းတစ်ခုလို တိုက်ဆိုင်လိုက်တိုင်း မက်လေ့ရှိတာမျိုး၊ သတိရလေ့ရှိတာမျိုး။ ဒီလိုခံစားချက်မျိုးကို အထူးညွှန်းလိုပုံပဲ။ ဒီရနံ့ကိုစွဲနေအောင်ကို ခံစားရတယ်။
    ဒုတိယဝတ္ထုကတော့ ငယ်ဘဝရဲ့ သက်မဲ့တစ်ခုပေါ်မှာ စွဲတတ်တဲ့လူ့ဘဝကို ရည်ညွှန်းတယ်မြင်တယ်။ ပင်ဘောစက်ခုံကို အထူးပြုပြီး ကြားက ခံထားပေမယ့် ကိုယ်ခံစားရင် ခံစားသလိုပေါ့။ တချို့ ဘာမဟုတ်တဲ့စွဲမှတ်မှုလေးကလည်း မှတ်မှတ်ရရဖြစ်နေစေမှာပါ။ ဘယ်လောက်မှ တန်ဖိုးမကြီးပေမယ့် နှမြေနေမိတာမျိုး။ ဖြစ်နိုင်ရင် တစ်ခေါက်လောက်တော့ အလွမ်းဖြေချင်မိတာမျိုး။ ဥပမာ ကျွန်တော်ဆိုရင် လွမ်းမိတာလေးက ငယ်ဘဝရဲ့ စာအုပ်ဆိုင်ယဉ်ကျေးမှုနဲ့ P2 ဂိမ်းလေးတွေပေါ့။
    နှစ်အုပ်စလုံးမှာ ဇာတ်ကောင်နာမည်တွေ တူနေတာ သတိထားမိတယ်။ မူရကာမိရဲ့ သဘောအရ လူ့အဖြစ်ကို မေးခွန်ထုတ်ထားတဲ့သဘောတွေ နှစ်ခုစလုံးမှာပါတယ်။ အရေးအသားကတော့ မူရာကာမိမှန်းသိသာစေတာမျိုးကလည်း စာဖတ်သူအနေနဲ့ သဘောကျရတယ်။ မြန်မာ့ယဉ်ကျေးမှုနဲ့ပိုင်းဖြတ်ထားတာထက် ကမ္ဘာ့လက်ရာကောင်းတွေကို မြည်စမ်းကြည့်ဖို့ဆိုရင် မူရာကာမိရဲ့ အခုလိုနှစ်အုပ်ပေါင်းထားတာလေးက တန်ဖိုးရှိတယ်လို့ထင်ပါတယ်။ ဘာသာပြန်ပေးတဲ့ ဆရာရဲမြလွင်ကိုလည်း ဒီနေရာကနေ ကျေးဇူးတင်ပါတယ်။ မိတ်ဆွေတို့ကိုလည်း ညွှန်းချင်မိတဲ့စာအုပ်ကောင်းလေးမို့ ဒီနေရာကနေ လက်တို့လိုက်ပါရစေ..။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ရဲမြလွင် စာအုပ်များ