အချစ်၏နောက်ဆက်တွဲစာမျက်နှာ

အချစ်၏နောက်ဆက်တွဲစာမျက်နှာ အား ဝေဖန်သုံးသပ်မှု 3 ရှိပါသည်။

1. 

   Rated 4 out of 5

   Anonymous – August 8, 2021

   ဆရာ၀န်တို့၏သဘောသဘာ၀ကိုတွေ့နိုင်သည့်အပြင် သက်ဇော်နိုင်နဲ့ ခင်ဦးနွယ်ရဲ့အချစ်ဇာတ်လမ်းကို သဘာ၀ကျကျနဲ့ ကြည်နူးဖွယ်မြင်တွေ့နိုင်မှာပါ

2. 

   Rated 5 out of 5

   Laeyee Mon – August 24, 2021

   အကြိမ်ကြိမ်ဖတ် မရိုးသောစာအုပ်၊ ဖွဲ့နွဲ့ပြီး အီလည်လည်စာတွေမဟုတ်သလို ချစ်တာ ချစ်တာတွေပဲချစ်ပြနေသော ဇာတ်လည်းမဟုတ်။ ဇာတ်ဆောင်တစ်ယောက်ချင်းစီ၏ သရုပ်ကိုစာဖတ်ရင်းပေါ်လွင်စေပြီး လူ့ပတ်ဝန်းကျင် လူတို့စရိုက် အချစ် မေတ္တာ သံယောဇဉ် အားလုံးကို သမမျှတသော စာအုပ်ကောင်းတစ်အုပ်။
   ဆရာမ ဒေါက်တာဝင်းဝင်းလတ် ကွယ်လွန်သွားသည်ကို နှမြောမိပါသည်။

3. 

   Rated 5 out of 5

   Nway – March 21, 2023

   အချစ်၏ နောက်ဆက်တွဲ စာမျက်နှာ-ဝင်းဝင်းလတ် ခွဲစိတ်အထူးကု ဆရာဝန် ဒေါက်တာ ခင်ဦးနွယ် နှင့် ခင်ပွန်းဖြစ်သူ ဆရာဝန် ဒေါက်တာအောင်သူရ တို့ရဲ့ အိမ်ထောင်ရေးမှာ တတိယလူ ဝင်ရောက်လာခဲ့တယ်။ သားကြီး ကိုးနှစ် နှင့် သားငယ် နှစ်နှစ်အရွယ်မှာ တရားဝင်ပြတ်စဲခဲ့ကြတယ်။ မိန်းမသားတစ်ယောက်အနေနဲ့ သားနှစ်ယောက်ဘဝကို ပြုစုပျိုးထောင်ဖို့အတွက် မြို့ကြီးတွေရှောင်ပြီး မြေလတ်မြို့လေးကို လျှောက်ထားခဲ့တယ်။ခင်ဦးနွယ်က အိမ်ထောင်ရေး အဆင်မပြေတဲ့အချိန်မှာတောင် ခွဲစိတ်ဘွဲ့လွန် အောင်မြင်အောင် ကြိုးစားခဲ့တယ်။ သူမက အရိပ်သစ်ပင်ကြီး ပြိုလဲခဲ့ပေမယ့် သားနှစ်ယောက်ကို ပညာတတ်ကြီးတွေ ဖြစ်အောင် ပြုစုပျိုးထောင်ဖို့ ဆုံးဖြတ်ခဲ့တယ်။ မိမိအလုပ်ပေါ်မှာလည်း လစ်ဟင်းမှု မရှိအောင် အမြဲ ကြိုးစားတယ်။ ငွေရေး ကြေးရေး ထက် စေတနာကို ရှေ့ထားပြီး အကောင်းဆုံး ကြိုးစား အလုပ်လုပ်ခဲ့တယ်။ ဖခင်ရဲ့ ကြည့်ရှု့စောက်ရှောက်မှု မပါတဲ့ အုပ်ထိန်းမှုမှာ မိခင်ဖြစ်သူ ခင်ဦးနွယ်အတွက် အခက်အခဲတွေ အများကြီး ကြုံရတယ်။ အရွယ်နုပျိုဆဲ တစ်ခုလတ်မိခင်နဲ့ ဆယ်ကျော်သက်အရွယ် သားကြီးတို့ကြား ပြဿနာလေးတွေ အမြဲ ရင်ဆိုင်နေရတယ်။ ဘဝအမောတွေကြား ပတ်ဝန်းကျင်ရဲ့ တစ်ခုလတ်ဆိုတဲ့ အမြင်မကြည်လင်မှုတွေက ရှိနေခဲ့ပြန်တယ်။လက်ထောက်ဆရာဝန် ဒေါက်တာ သက်ဇော်နိုင်ကတော့ သူမအပေါ် စာနာသနားမိတယ်။ သူမအပေါ် နိုင့်ထက်စီးနင်း ပြောဆိုမှုတွေကြား အမြဲကာကွယ်ပေးဖို့ ကြိုးစားခဲ့တယ်။ သူမအပေါ် မေတ္တာတွေ ပိုခဲ့မိတယ်။ သူမ ပျော်ရွှင်နေတာကို ဘေးက ကြည့်နေရရင် ကျေနပ်နေသူပါ။ စစ်မှန်တဲ့ မေတ္တာဆိုတာ ရောင်ပြန်သက်ရောက်မှု ရှိတယ်ဆိုပေမယ့် ဒေါက်တာ သက်ဇော်နိုင်ကို ကံကြမ္မာက မျက်နှာသာ ပေးပါ့မလားလို့ ဖတ်ရင်းနဲ့ ရင်မောနေရပါတယ်။
   လုပ်ငန်းခွင်မှာ ကိုယ်အကောင်းဆုံး လုပ်နေပါရက်နဲ့ မမျှော်လင့်တဲ့ တိုင်စာ ဆိုတာကြောင့် အစစ်ဆေး ခံရတယ်။ လူနာရှင်ဘက်က ဆာဂျင်ကိုယ်တိုင် မခွဲဘဲ လက်သင်ဆရာဝန်ကို ခွဲခိုင်းလို့ သေရတယ်ဆိုပြီး တိုင်ခဲ့တယ်။ လူနာကို မခွဲစိတ်ဘဲနေရင် အခြေအနေက လုံးဝ မကောင်းတော့တာကို ဆရာဝန်ဖြစ်တဲ့သူတွေ ပိုသိတာပေါ့။ ဒါ့ကြောင့်လည်း အကောင်းဆုံး ဖြစ်မယ်လမ်းကို လူနာစောင့်ရဲ့ သဘောတူညီမှုနဲ့ ခွဲစိတ်ဖို့ ညွှန်ကြားခဲ့တာပါ။ သို့ပေမယ့် တိုင်စာကြောင့် သက်ဆိုင်သူအားလုံး အမှုစစ်ဆေးခံခဲ့ရတယ်။ အားလုံး စိတ်မော လူမော ဖြစ်ခဲ့ရတယ်။ဒီစာအုပ်လေးထဲမှာ ဒေါက်တာခင်ဦးနွယ်ရဲ့ မိန်းမတစ်ယောက်ရဲ့ အားမာန်ကို အတုယူရတယ်။ ဇွဲသတ္တိကို လေးစားရတယ်။ မိခင်တစ်ဦးရဲ့ ဘဝတိုက်ပွဲကိုလည်း စာနာမိတယ်။ ဆေးပညာလောကအကြောင်းကို ရှု့ထောင့်ပေါင်းစုံကနေ လေ့လာခွင့်ရတယ်။ လုပ်ဖော်ကိုင်ဖက် ဆရာဝန်များနှင့် သူနာပြုဆရာမများရဲ့ ဖြစ်လေ့ဖြစ်ထရှိတဲ့စိတ်နေသဘောထားများကိုလည်း အတွင်းကျကျ ဖတ်ရှု့ခွင့်ရတယ်။ ချစ်ခြင်းမေတ္တာတရားရဲ့ နူးညံ့သိမ်မွေ့မှုကို ဖတ်ပြီးတဲ့အချိန်မှာ ဖော်မပြနိုင်တဲ့ ဝေဒနါလေး ရင်ထဲကျန်ရစ်ခဲ့တယ်။ မြေလတ်မြို့လေးကိုလည်း လွမ်းနေမိခဲ့ပြန်ပါတယ်။