မမကြီး

မမကြီး အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Aeri Myat – မတ် 21, 2024

   အခုတလော ဖတ်ဖြစ်သမျှထဲက အကြိုက်ဆုံးတစ်အုပ်ပါပဲ။ရသစာပေရဲ့ အနှစ်သာရ ပြည့်ပြည့်ဝဝကို ခံစားဖတ်ရှုလိုသူများအတွက် ဖတ်သင့်တဲ့ စာအုပ်ကောင်းလေးတစ်အုပ်ပါ။

   ရာဇဝတ်တရားသူကြီး ဦးအေးသွင်

   ကလေးနှစ်ယောက် ဖခင် မုဆိုးဖိုပေမယ့်
   အနေအထိုင်တည်ကြည်ပြီး ကိုယ်ကျင့်သိက္ခာ တည်ကြည်လေးနက်တဲ့ လူတစ်ယောက် ဖြစ်တာမို့ လူအများက လေးစားကြရတဲ့ သူတစ်ယောက် ဖြစ်တယ်။

   ဦးအေးသွင်ဟာ သူ့ထက်အသက်ငယ်တဲ့
   ခင်ဆိုတဲ့ မိန်းကလေးနဲ့ ဆုံတွေ့ဖို့ အကြောင်းဖန်လာပြီးနောက်ပိုင်း သွားလည်း “ခင်” စားလည်း “ခင်” ဆိုသလို
   ခင့်အပေါ်မှာ တွယ်ငြိခြင်းတွေ ဖြစ်ပေါ်လာတော့တယ်။

   ခင် ရဲ့အဒေါ်ဖြစ်သူ “မမကြီး”နဲ့
   ဦးအေးသွင်ကို သူတို့ရဲ့ အရာရှိအသိုင်းအဝိုင်းတစ်ခုလုံးက သဘောတူပြီး ချိတ်ဆက်ပေးချင်ကြတယ်။

   ဖြစ်ချင်တော့ ဦးအေးသွင်က အဒေါ်ဖြစ်သူနဲ့ မတွေ့ခင် တူမကလေးကို တမ်းတမ်းစွဲ ဖြစ်သွားရှာတယ်။

   ဒီလိုနဲ့ မယားငယ်ငယ်လေးကို အရယူပြီး
   မိုးမမြင် လေမမြင် ပျော်ရွှင်ခဲ့ကြတာပေါ့လေ။

   တကယ့် လက်တွေ့မှာကျ အိမ်ထောင်မှူထိန်းသိမ်းဖို့၊ ဦးအေးသွင်ရဲ့ မယားပါ
   ကလေးနှစ်ယောက်ကို စောင့်ရှောက်ဖို့၊
   အိမ်ရဲ့ ဝင်ငွေ၊ ထွက်ငွေစရိတ်ကို မျှတအောင် သုံးစွဲဖို့ ဘာဆိုဘာမှမသိတဲ့
   ခင်တစ်ယောက်ဟာ ဦးအေးသွင်ရဲ့
   အလိုလိုက်၊ အရေးပေးမှုအောက်မှာ
   စိတ်ထင်တိုင်းကြဲတော့တာရယ်။

   ခင့်ကြောင့်ပဲ တည်ကြည်ရိုးဖြောင့်တဲ့ ဦးအေးသွင်ဟာ မထင်ထားတဲ့ လုပ်ရပ်တစ်ခုကို လုပ်မိသွားတယ်။အဲ့ဒီနောက်ပိုင်း
   လည်း ခင်ဟာ ဆိုးမြဲ၊ လွင့်ဆဲ…အဒေါ်ဖြစ်သူ မမကြီးကတော့ သူ့တူမလေးအပေါ် နောက်ဆုံးအချိန်ထိ မေတ္တာမပျက်ယွင်းခဲ့ဘူး။သိပ်ကိုတော်တဲ့ အမေလို အဒေါ်မျိုးမို့ လေးစားစရာ အလွန်ကောင်းပါတယ်။

   ဦးအေးသွင်လည်း လွန်မှ နောင်တကြီးစွာရ၊ ခင်လည်း နောက်ဆုံးမှ အဒေါ့်ရဲ့ မေတ္တာစေတနာကို နားလည်သွားခဲ့တာ
   အခါနှောင်းခဲ့ပေမယ့်လည်းပေါ့လေ။
   သူ့မိုက်ပြစ်တွေအတွက် ပေးဆပ်ရတယ်လို့ပဲ တွေးမိပါတယ်။

   ဆရာကြီး ဗန်းမော်တင်အောင်ရဲ့ အရေးအသားကလည်း ထိထိမိမိနဲ့ မျက်စိရှေ့မှာ မြင်နေရသလို ကွက်ကွက်ကွင်းကွင်း
   ရေးပြသွားတာ၊ နောက်ပြီး ဝါကျဖွဲ့စည်းပုံတွေကအစ သဘောကျရသောပါပဲ။

   ရသစာပေ ကြိုက်နှစ်သက်သူများအတွက် စာအုပ်ကောင်းလေးတစ်အုပ်မို့ ဖတ်ကြည့်စေချင်ပါတယ်။

   စာအုပ်လေး ပြန်လည် ထုတ်ဝေပေးတဲ့ စာရိပ်မြိုင်စာပေကိုလည်း ကျေးဇူးအများကြီးတင်ပါတယ်❤️