ယစ်ရွှေပြည်

‘ ယစ်ရွှေပြည် ‘ မူရင်းကို ကမ္ဘာ စာပေ နိုဗဲဆုရ တရုတ် စာရေးဆရာ မော့ယန်က ၁၉၈၉ ခုနှစ်တွင် စတင် ရေးသားပြီး ၁၉၉၂ ခုနှစ်တွင် ပြီးစီးသည်။ပထမ အကြိမ်ကို ၁၉၉၂ ခုနှစ်တွင် ထိုင်ဝမ်၌ ထုတ်ဝေခဲ့ပြီး ၁၉၉၃ ခုနှစ်မှ တရုတ်ပြည်မကြီး၌ ထုတ်ဝေနိုင်ခဲ့သည်။၂၀၀၁ ခုနှစ်တွင် ဤဝတ္ထု၏ ပြင်သစ် ဘာသာပြန် စာအုပ်မှာ ပြင်သစ် နိုင်ငံက ချီးမြှင့်သည့် Prix Laure-Bataillin စာပေဆုကို ရရှိသည်။ ယခု ဘာသာပြန် စာအုပ်မှာ တရုတ် ဘာသာဖြင့် ထုတ်ဝေသော ပထမအကြိမ် မူကို လက်ရင်းထား၍ ပြန်ဆိုထားခြင်း ဖြစ်သည်။ ဤဝတ္ထုကြီး၏ ဇာတ်ကြောင်းကို ပြောပြရန် မလွယ်ကူလှပါ။ထို့ကြောင့် ဝတ္ထုထဲတွင် ပါရှိသော ကောက်နုတ်ချက်များကိုသာ ဖော်ပြလိုက်ပါသည်။

• အရက် ဆိုတာ လွတ်လပ်ခြင်းပဲ။
  အရက်ရဲ့ မူလ ဇာစ်မြစ်ဟာ
  လူသား သမိုင်းထက် ပိုပြီး ရှေးကျပါတယ်။
•  လူသားတွေဟာ စိုက်ပျိုးနည်း၊
  တိရစ္ဆာန် မွေးမြူနည်းတို့နှင့်
  တပြိုင်နက်တည်း အရက်ချက်နည်းကို
  လေ့လာ သင်ယူခဲ့ကြတာ ဖြစ်တယ်။
• အသည်းကွဲနေချိန်ဟာ အရက်သောက်ဖို့
  အကောင်းဆုံး အချိန်ပဲ
  အရက် ဆိုတာ နေရောင် ဖြစ်တယ်၊
  လေထု ဖြစ်တယ်၊
  သွေးရည် ဖြစ်တယ်။
• အရက် ဆိုတာ ဂီတ ဖြစ်တယ်၊
  ပန်းချီ ဖြစ်တယ်၊
  ဘဲလေး အက ဖြစ်တယ်၊
  ကဗျာ ဖြစ်တယ်။
• တနေ့သော အခါ ကမ္ဘာကြီး ပျက်သွားရင်တောင်
  အရက် မော်လီကျူးလေးတွေဟာ စကြဝဠာထဲမှာ
  ဝဲပျံနေကြဦးမှာ ဖြစ်တယ်။
•  အရက်ကို ရုပ်ဝတ္ထုလို့ပဲ မြင်တဲ့လူဟာ
  အနုပညာရှင်ကြီး ဖြစ်ဖို့ မလွယ်ဘူး။
  တကယ်တော့ အရက်ဟာ နာမ် ဖြစ်တယ်။
• အရက်ချက်တာ အရက် သောက်တာကို ပိတ်ပင်ခြင်းဟာ
  လူသားတွေကို လိင်မဆက်ဆံရဘူး၊
  မျိုးမပွားရဘူးလို့ ပိတ်ပင်သလိုပဲ။
• ချစ်တပည့်တို့၊ ဒါဟာ မြင့်မြတ်လှသော
  အရည် တမျိုး ဖြစ်တယ်။
  လူသားတွေရဲ့ ဘဝမှာ မရှိမဖြစ် လိုအပ်တဲ့
  အရည် ဖြစ်တယ်။ဝတ္ထုထဲက ဇာတ်ကောင်တွေ ပြောထားတဲ့သည်အချက်တွေကိုသဘောတူ မတူကိုတော့
  သင်ကိုယ်တိုင် ဆုံးဖြတ်နိုင်ပါတယ်။