နှစ်ဆယ့်တစ်ရာစုနှင့်ဗုဒ္ဓတရားတော်

IT နှင့် သိပ္ပံပညာတိုးတက်မှုများကြောင့် ပြောင်းလဲလာသည့် ကမ္ဘာကြီးနှင့် လူသားများ၏ လူမှုကျင့်ဝတ်
ဒဿနများကို ဗုဒ္ဓတရားတော်နှင့် ပိုင်းခြားဝေဖန်ထားပြီး လူ့တန်ဖိုးသစ်ကို လမ်းညွှန်ပြသထားတဲ့စာအုပ်ဖြစ်ပါတယ်…။
ဗုဒ္ဓ၏တရားသည် *ဝိဘဇ္ဇဝါဒ* (ပိုင်းခြားဝေဖန်ကြည့်ရသော ဝါဒ) ဖြစ်၏။ တနည်းဆိုလျှင် ဉာဏ်ဖြင့်ယှဉ်၍ ပြုရခြင်းဖြစ်၏ ဉာဏ်မပါဘဲပြုရသော အလုပ်ဟူ၍ ဗုဒ္ဓတရားတွင် တစ်ခုမျှ မရှိပေ။ ဗုဒ္ဓတရားသည် ဉာဏ်ဖြင့်စပြီး ဉာဏ်ဖြင့်ဆုံးလေသည်…ဗုဒ္ဓတရားသည် လူတို့၏ ဉာဏ်ပွင့်ထွန်းရေးကို အဓိကထားသည်။ အဝိဇ္ဇာမှိုင်းတိုက်သော ဝါဒမဟုတ်ပေ။ ယနေ့ခေတ် ၂၁ ရာစုသည် ဗုဒ္ဓ၏ ဉာဏ်အဓိက သဘောတရားနှင့်ဆိုလျှင် မည်သို့ရှိမည်နည်း။ ယနေ့ခတ်သည် သိပ္ပံနှင့် နည်းပညာထွန်းကားသောခေတ်ဖြစ်သည်။ သတင်းဆက်သွယ်ရေးနည်းပညာ (ITC) တိုးတက်မှုများကြောင့် ကမ္ဘာ့လူသားတို့သည် အသိအမြင် ဗဟုသုတတွေ တိုးလာသည်မှာသေချာပေသည်။
၂၁ ရာစုခေတ်အခြေအနေနှင့် ဗုဒ္ဓတရားတော်ကိုနှိုင်းဆတွေးယှဉ် ဖတ်ရှုရမည့် စာအုပ်ကောင်းဖြစ်ပြီး
ဘာသာရေးအမြင်ဖြင့် ဖတ်ဖတ်၊ အတွေးအခေါ်သိပ္ပံအမြင်ဖြင့်ဖတ်ဖတ် စာဖတ်သူတို့အတွက်
တန်ဖိုးရှိတဲ့ စာအုပ်ကောင်းတစ်အုပ်…..