စိတ်ဒဏ်ရာရဲ့အခြားတစ်ဖက်

“စိတ်ဒဏ်ရာရဲ့အခြားတစ်ဖက်” စာအုပ်ဟာ ထူးခြားတဲ့ စာအုပ်တစ်အုပ် ဖြစ်ပါတယ်။

အိမ်တွင်းအကြမ်းဖက်မှု (Domestic violence ) နဲ့ စိတ်သူငယ်ဒဏ်ရာ (Wounded Inner Child) ကို ခံစားနေရသူတစ်ယောက် ရဲ့ ကုသမှုခရီးစဉ် အဆင့်ဆင့်ကို ဖော်ပြထားပါတယ်။ ဒီစာအုပ်ထဲမှာ Counsellor တစ်ယောက်ရဲ့ အရေးပါပုံတွေ၊ သူ့ရဲ့ ကူညီမှု ခရီးစဉ်လေးကို ဘယ်လို စတင်ပြီး ဘယ်လို အဆုံးသတ်တယ်ဆိုတာ ကို စာရေးသူနေရာ၊ Client နေရာ၊ Counsellor နေရာ ကနေ ထောင့်ပေါင်းစုံက၊ ပုံစံမျိုးစုံနဲ့ မိတ်ဆက်ပေးထားပါတယ်။

နိုင်ငံတကာမှာ အသုံးပြုနေတဲ့ ခေတ်မှီ နည်းလမ်းများနဲ့ စနစ်ကျတဲ့ လမ်းစဉ်တွေကို အခြေခံပြီး အများ အလွယ်တကူနားလည်အောင် ကြိုးစားပြီး ရေးဖွဲ့ထားတဲ့စာအုပ် ဖြစ်ပါတယ်။

ဒီစာဖတ်ပြီး စနစ်တကျ ချဉ်းကပ်မှု နည်းပညာက “ပိတ်မိနေ”တဲ့ “အထိအခိုက်မခံတဲ့” အခန်းလေးတွေကနေ လွတ်မြောက်နိုင်ပါတယ်ဆိုတဲ့ မျှော်လင့်ချက်အလင်းရောင်တွေ ရရှိလာပါလိမ့်မယ်။ စိတ်ဒဏ်ရာ အခန်းလေးတွေကနေ ဘဝကို ကောင်းမွန်တဲ့ဖက် ပြန်လည် ပြောင်းလဲပေးလာနိုင်ပြီး ပျောက်ကွယ်နေတဲ့ လမ်းတွေကို ပြန်လည် ရှာဖွေလာနိုင်ပါစေ။