တီထွင်ဖန်တီးမှုကို သင်ကြားပေးခြင်း

ပညာသင်ကြားနေစဉ် ကျောင်းသင်ခန်းစာများကို ကျွမ်းကျင်စွာပြုလုပ်တတ်ရန် လိုအပ်သကဲ့သို့ လုပ်ငန်းခွင်တွင်၊ ဘဝတွင် အောင်မြင်မှုရရန် တီထွင်ဖန်တီးတတ်မှုရှိဖို့ လိုအပ်ပါတယ်။ ကျောင်းစာတွင် တော်ရုံမျှနှင့် ဘဝတွင် အောင်မြင်မှုရနိုင်လိမ့်မည် မဟုတ်ပါ။ တီထွင်ဖန်တီးတတ်သည့် စွမ်းရည်တစ်ရပ်ရှိရန်လည်း လိုအပ်ပါတယ်။

ဒီစာအုပ်မှာ ကလေးငယ်တို့ထံမှာ ငုပ်လျှိုးနေတဲ့ တီထွင်ဖန်တီးနိုင်စွမ်းကို ဘယ်လို ပေါ်ထွက်လာအောင် လုပ်မလဲ…ဘယ်လိုပျိုးထောင်ရမလဲဆိုတာကို လမ်းညွှန်ထားပါတယ်။ ဆရာ၊ ဆရာမများနှင့် မိဘများအနေနဲ့ ကလေးများရဲ့ မေးခွန်းထုတ်တတ်မှု၊ စူးစမ်းလိုစိတ် နှင့် စိတ်ကူးစိတ်သန်းအသစ်တွေဖန်တီးနိုင်မှု တို့ကို အိမ်မှာရော၊ ကျောင်းမှာပါ ဘယ်လို အားပေးမြှင့်တင်နိုင်မလဲဆိုတဲ့ အကြံဉာဏ်ကို လေ့လာနိုင်မှာပါ။