သံသရာရထားအတွင်းမှ ကံကြမ္မာဇယားခင်းမိသူများ

သတ္တလောကကမ္ဘာကြီးထဲမှာ နေထိုင်ကြသည့် လူသားများအားလုံး အဝင်နှင့်အထွက်၊ အတက်နှင့်အဆင်း၊ မွေးဖွားခြင်းနှင့် သေဆုံးခြင်း သံသရာစက်ဝန်းတွင်လည်ပတ်ရင်း ကိုယ်ဖြတ်သန်းလာခဲ့ရသည့်  ဘ၀ခရီးလမ်းကြောင်းတွင် ဆုံးရှုံးမှု၊ အောင်မြင်မှု၊ စသည့် အပြောင်းအလဲများကို တစ်ခါမဟုတ် တစ်ခါတော့ဖြင့် ကြုံတွေ့ကြရစမြဲပါ။ ဘ၀မှာ နေထိုင်ရင်း အခက်အခဲမျိုးစုံ ကြုံတွေ့လာကြရရင်းမှ ကိုယ်မျှော်မှန်းမထားသည့် ဘေးအန္တရာယ်နှင့် တွေ့ဆုံကြသည့်အခါ ပြင်းထန်သော စိတ်ခံစားချက် ဒဏ်ရာဒဏ်ချက်များကြောင့် စိတ်ပိုင်းဆိုင်ရာဝေဒနာများတိုးတက်ဖြစ်ထွန်းလာပြီး အသက်အန္တရယ်ဆုံးရှုံးသည့် အလားအလာသို့ ရောက်ရှိကြရတတ်ခြင်းဖြစ်ပါသည်။

ယခုစာအုပ်သည် ကိုယ့်ကိုယ်ကိုယ် အသက်အန္တရာယ် ထိခိုက်ဆုံးရှုံးအောင် လုပ်ဆောင်ကြတဲ့ ဖြစ်စဉ်တွေလျော့ပါးလာစေရေးမှာ တစ်ထောင့်တစ်နေရာကနေ အထောက်အကူဖြစ်စေနိုင်မည့် စာအုပ်လေးဖြစ်ပါတယ်။