ကမ္ဘာကျော်တရားခွင်လျှောက်လဲချက်များ

တရားခွင်ဖြစ်ရပ်တို့သည် လူ့လောကဇာတ်ခုံတွင် စိတ်ဝင်စားဖွယ်ရာ အကောင်းဆုံးသောဇာတ်လမ်းများဖြစ်ကြသည်။ လူလူချင်း စီးပွားရေး၊နိုင်ငံရေး၊ လူမှုရေးအရ အငြင်းပွားနေရသော ပဋိပက္ခတို့သည် သမိုင်းတစ်လျှောက် အတောမသတ်နိုင်အောင် ဖြစ်ခဲ့ရသည်။ ဤစာအုပ်တွင်ပါဝင်သော လျှောက်လဲချက်များတွင် အချို့မှာ မိမိအမှုသည် တရားခံလွတ်မြောက်ရေးအတွက် ပြောင်မြောက်သော စကားလုံး၊ တိကျသော ယုတ္တိတို့ဖြင့် နာရီပေါင်းများစွာ ကြိုးစားလျှောက်လဲသွားကြသော ဥပဒေရှင် ရှေ့နေကြီးတို့၏ လျှောက်လဲချက်များလည်း ပါဝင်သည်။ အချို့သည် ရက်စက်ယုတ်မာသော  လူသတ်သမား၏ရက်စက်မှု၊ ယုတ်မာမှုတို့ကို အကွင်းလိုက်၊ အကွင်းလိုက်ပေါ်အောင် ဖော်ထုတ်ပြီး နောက်အနာဂတ် လူ့သမိုင်းတွင် ဤသို့ ရာဇဝတ်မှုမျိုး မဖြစ်ပွားအောင် ကြိုးစားလျှောက်လဲခဲ့သည့် ပညာရှိတရားလိုရှေ့နေကြီး၏လျှောက်လဲချက်များလည်း ပါဝင်ပါသည်။

အချို့မှာမူ မိမိအပေါ် ပယောဂအမျိုးမျိုးတို့ဖြင့် တရားဥပဒေကို အလွဲသုံးစားပြုပြီး မတရားရုံးတင်စစ်ဆေးသော တရားခွင်တွင် တရားခံအဖြစ် ရှေ့နေမငှားဘဲ ကိုယ်တိုင်ခုခံလျှောက်လဲသွားသော သူရဲကောင်းတို့၏လျှောက်လဲချက်များဖြစ်ပါသည်။ သူတို့အထဲတွင် ဥပဒေပညာကို တတ်ကျွှမ်းသူများလည်းပါဝင်သည်။ ဥပဒေပညာကို လုံး၀နားမလည် မတတ်ကျွမ်းသည့် ပုဂ္ဂိုလ်များလည်း ပါဝင်သည်။

ယခုစာအုပ်တွင် ဖီဒယ်လ်ကတ်စထရို၊ ရောဘတ်အိပ်ချ်ဂျက်ဆင်၊ ဂျော်ဂျီဒီမီထရော့ဗ်၊ ကလဲရင့် ဒါရိုး၊ မဟတ္တမဂန္ဒီ၊အဲမီးလ်ဇိုလာ၊ ဂျွန်ဘရောင်း၊ ဒယ်နီရယ် ဝက်စတား၊ ရောဘတ် အင်းမက်၊ ဂျုံးအော့ဖ်အက် နှင့် ဆိုကရေးတီး တို့၏ တရားခွင်လျှောက်လဲချက်များကို လေ့လာနိုင်မှာဖြစ်ပါတယ်။
(အများပြည်သူများ ဖတ်ရှုလေ့လာနိုင်စေရန် ဥပဒေရှင်များသာနားလည်နိုင်မည့် ခက်ခဲသော ဥပဒေသုံးစကားလုံး စကားရပ်များကို ချန်လှပ်ထားပါသည်။)