ပါးပြင်ထက်က ပါးချိုင့်လေးနှင့် ပန်းနုရောင်နှလုံးသားဝတ္ထုများ

ဆရာ အောင်ကောင်းမွန်၏ ပါးပြင်ထက်ကပါးချိုင့်လေးနှင့် ပန်းနုရောင်နှလုံးသားဝတ္ထုများ စာအုပ်သည် ဆရာ့၏ ဒုတိယမြောက် စာအုပ်ဖြစ်ပါသည်။

ဆရာသည် ဘဝရသများကို အတွေးလှလှနှင့် ရေးပြတတ်သူဖြစ်သည်။ ဆရာ့စာများကို ဖတ်ကြည့်သည့်အခါ တွေးစရာတစ်ခုခု၊ ဒါမှမဟုတ် မှတ်သားစရာတစ်ခုခု၊ ဒါမှမဟုတ် ဆင်ခြင်စရာတစ်ခုခု၊ ဒါမှမဟုတ် လွမ်းစရာတစ်ခုခုကို ခံစားရတတ်သည်။

ယခုလည်း ဆရာသည် ပါးပြင်ထက်က ပါးချိုင့်လေးနှင့် ပန်းနုရောင်နှလုံးသားဝတ္ထုများ ဆိုပြီး အချစ်၊ ဘဝ၊ အလွမ်းများကို ရေးသားဖွဲ့သီလိုက်ပြန်ပြီဖြစ်၏။

ဆရာ့၏စာအုပ်ထဲတွင် ” ခါတော်မီ ” ခေါင်းစဥ်ဖြင့် ကဗျာတစ်ပုဒ်လည်း ပါဝင်သည်။ ကဗျာက –

” ခါတော်မီ”
=======
ဘဝကတိုတယ်
နေမကွယ်ခင်မှာ
ချစ်တယ်ဆိုတဲ့အကြောင်း
ခွင့်လွှတ်တယ်ဆိုတဲ့အကြောင်း
ပြီးတော့ ….
သူ့မှာ ရှိသမျှ ကောင်းကွက်တွေ
ကျေးဇူးတင်သင့်တဲ့အချက်တွေ
သူနဲ့ ကိုယ့်ကြား
ပြောသွားပါ့ရစေ . . . .

ချစ်သူများနေ့မှာ ကိုယ်ချစ်မြတ်နိုးရသူတွေကို
ဆရာ့ရဲ့ ပါးပြင်ထက်ကပါးချိုင့်လေးနှင့် ပန်းနုရောင်နုလုံးသားဝတ္ထုကို လက်ဆောင်ပေးပြီး ရင်ခုန်ကြည်နူးရအောင်လား။
ဆရာ့ဝတ္ထုကို ဖတ်ပြီး ….
အချစ်နဲ့ ဘဝကို လှလှပပ သေသေသပ်သပ် ဖြတ်သန်း ကြည့်ရအောင်လား။