အိုလီဗာ-နေ့အိပ်မက်ဒိုင်ယာရီ

မိတ်ဆွေ လမ်းပျောက်ဖူးပါသလား သို့မဟုတ်…”ကိုယ်” ဆိုတဲ့ ဖြစ်တည်မှုတွေ ပျောက်ရှဖူးပါသလား။ ကျနော်တို့ လူသားတွေအတွက် ဘဝပြဿနာတွေက ရှုပ်ထွေးသလောက် သိမ်မွေ့နက်နဲပါတယ်။ စိုးရိမ်ကြောင့်ကြမှုတွေ၊ ဖိစီးမှုတွေနဲ့ ကျနော်တို့ လူသားတွေရဲ့ သဘာဝအရ ကိုယ့်ကိုယ်ကိုယ် ယုံကြည်မှု ပျောက်ဆုံးတာတွေ၊ ဘဝ အဓိပ္ပါယ်ကို ဖွေရှာရင်း လမ်းပျောက်ရတဲ့ ပြဿနာတွေကို ရင်ဆိုင်ကြဖူးမှာပါ။ အဲဒီလို ပြဿနာတွေ ကြုံတွေ့လာရတဲ့အခါ လူမှုဝန်းကျင်နဲ့ သဟဇာတ ဖြစ်မှုတွေ မှေးမှိန်ကုန်ကြတယ်။ စည်းရဲ့ အပြင်ဘက်ကို ရောက်မှန်းမသိ ရောက်လာကြတော့တယ်။ တနည်းအားဖြင့် စိတ်ရဲ့ ထွက်ပေါက်အနေနဲ့ ကိုယ်ပိုင်ကမ္ဘာလေးတခုကို ဖန်တီးလာကြတော့တယ်။ မိတ်ဆွေတို့အနေနဲ့ ဘဝအဓိပ္ပါယ်ကို ဖွေရှာရင်း လမ်းပျောက်ခဲ့ဖူးရင်…ဒါမှမဟုတ်…မိတ်တွေတို့ ပတ်ဝန်းကျင်မှာ လမ်းပျောက်နေသူကို တွေ့ဖူးရင်…”အိုလီဗာ – နေ့အိပ်မက် ဒိုင်ယာရီ” ဟာ မိတ်ဆွေတို့ရဲ့ ရင်ကို ထိခတ်စေမှာပါ…။