ဟိုချီမင်း

– ဟိုချီမင်း (သို့မဟုတ်) ငုယင်စင်ကွန် (၁၉ ရက်- မေလ- ၁၈၉၀ ခုနှစ်) သည် ဗီယက်နမ်ဒီမိုကရက်တစ် သမ္မတနိုင်ငံ၏ ခေါင်းဆောင်တစ်ဦးဖြစ်ခဲ့ပြီး သမ္မတ (၁၉၄၅ – ၁၉၆၉) လည်း ဖြစ်ခဲ့သည်။ ဗီယက်နမ် ဂျော့ဝါရှင်တန်အဖြစ်လည်း ဗီယက်နမ်ကွန်မြူနစ်ပါတီက မကြာခဏ ခေါ်ဝေါ်ခဲ့ကြသည်။ အဘယ်ကြောင့်ဆိုသော် ဗီယက်နမ်အား အုပ်စိုးထားသည့် ပြင်သစ်တို့လက်အောက်မှ လွတ်မြောက်ရန်အတွက် တော်လှန်ရေးကို အောင်မြင်စွာ ဦးဆောင်နိုင်ခဲ့ခြင်းကြောင့်ဖြစ်သည်။

– ဟိုချီမင်းဟူသည့်အမည်မှာ သူ၏ အမည်ရင်းမဟုတ်ချေ။ ၁၉၄၅ ခုနှစ် ဩဂုတ်လ တော်လှန်ရေးအတွင်းတွင် ဤ ဟိုချီမင်းဟူသည့် အမည်ကို မှည့်ခေါ်ခဲ့သည်။ သူ၏မွေးမည်မှာ ငုယင်စင်ကွန်ဖြစ်သည်။ သူ၏ ကျော်ကြားသောအမည်မှာ ငုယင်အိုက်ကုတ်ဖြစ်ပြီး ငုယင်၏အဓိပ္ပာယ်မှာ အသုံးများသော ဗီယက်နမ်နောက်ဆုံးအမည်ဖြစ်ပြီး အမျိုးသားဟု အဓိပ္ပာယ်ရသည်။ အိုက်ကုတ်မှာ တိုင်းပြည်ချစ်သူဖြစ်သည်။ သို့သော် ဗီယက်နမ်ပြည်သူများက သူ့ကို ဘာ့ပ်ဟို (အန်ကယ်ဟို) ဟူ၍ ချစ်မြတ်နိုးစွာ ရည်ညွှန်းခေါ်ဆိုကြသည်။