သမီးဖတ်ဖို့နှလုံးသားရှုမျှော်ခင်းများ
3500 (ကျပ်)
…
| စာအုပ်အရွယ်အစား | 5.2 x 0.5 x 8 inches |
|---|---|
| ပုံနှိပ်မှတ်တမ်း | စိတ်ကူးချိုချိုစာပေ၊ ဩဂုတ်လ ၂၀၀၈ |
မောင်သာချို စာအုပ်များ
-
မောင်သာချိုသမီးဖတ်ဖို့နှလုံးသားရှုမျှော်ခင်းများ
3500 (ကျပ်) -
ကောင်းသန့်ခေတ်သစ်ပညာရေးအတွေးအမြင်များ
2000 (ကျပ်) -
မောင်သာချိုကျွန်တော့်အရေးအသားနဲ့ကျွန်တော့်အတွေးများ
5000 (ကျပ်) -
မောင်သာချိုသုညနှစ်ကာလများ
2000 (ကျပ်)
Ayemya Lay Rosy –
နာမည်လေးက ‘သမီးဖတ်ဖို့ ‘ဆိုပေမယ့် သမီးတွေကော သားတွေကော ဖေဖေမေမေ ဘိုးဘိုးဘွားဘွား ဦးဦးဒေါ်ဒေါ် လူတိုင်းလူတိုင်း ဖတ်သင့်တဲ့စာအုပ်လေးမို့ ဖတ်ကြည့်ပါလို့ ညွှန်းချင်ပါတယ်ရှင်
ဒီစာအုပ်လေးကတော့ ၁၉၉၈ ခုနှစ်ကနေ ၂၀၁၆ ခုနှစ်အတွင်း ချယ်ရီမဂ္ဂဇင်း၊ မြားနတ်မောင်မဂ္ဂဇင်း၊ရနံ့သစ်မဂ္ဂဇင်း နဲ့ Fashion Image မဂ္ဂဇင်းများထဲမှာဖော်ပြခဲ့တဲ့ ဆရာမောင်သာချိုရဲ့ “သမီးဖတ်ဖို့”ဆောင်းပါးပေါင်း ၁၄၀ ကို special edition အဖြစ် စိတ်ကူးချိုချိုစာအုပ်တိုက်မှ ထုတ်ဝေထားတာဖြစ်ပါတယ်။Album ပုံစံ၊ကတ်ထူအဖုံး၊အတွင်းစာမျက်နှာတွေမှာလည်း ရောင်စုံရုပ်ပုံလေးတွေနဲ့ quality မြင့် လက်ဆောင်ပေးချင်စဖွယ် စာအုပ်လေးတစ်အုပ်လည်း ဖြစ်ပါတယ်။
ဘယ်လိုအကြောင်းအရာတွေကိုဖတ်ရှုရမလဲ ?
ဆိုရင်တော့ မသိ၍ဖြစ်စေ သိ၍ဖြစ်စေ လူတော်တော်များများကျူးလွန်နေမိတဲ့ “ဥပဒေနဲ့ အရေးယူလို့မရတဲ့ မကောင်းမှု”တွေကိုရေးထားတာပဲဖြစ်ပါတယ်။လူသားတွေရဲ့ အတ္တကြီးမှု၊ တစ်ကိုယ်ကောင်းဆန်မှု တွေကိုမြင်ရတဲ့အခါ စိတ်မသက်သာစွာနဲ့ သမီးရေ ဒီလိုတော့မလုပ်ရဘူးနော်။လူသားဆန်သူတွေနဲ့တွေ့ရပြန်တော့ သမီးရေ ဘယ်လောက်လေးစားဖို့ကောင်းလိုက်သလဲနော်တဲ့။ဖခင်တစ်ယောက်က သမီးတစ်ယောက်ကို နူးညံ့စွာဆုံးမပြောဆိုနေတဲ့ပုံစံမျိုးနဲ့ရေးဖွဲ့ထားတဲ့ အရေးအသားတွေကြောင့် ဆောင်းပါးတစ်ပုဒ်ချင်းစီတိုင်းက ဦးနှောက်ထဲကော နှလုံးသားထဲထိပါ စွဲထင်စေပါတယ်။(ကိုယ်တိုင်ကလည်း ဆရာ့အသံနဲ့ ဒီဆောင်းပါးလေးတွေကို ဖတ်ပြတဲ့ အစီအစဉ် တစ်ခုကို Mandalay FM မှာ နားထောင်ခဲ့ဖူးတာဆိုတော့ စာအုပ်ဖတ်နေရင်း သရုပ်ကော အသံပါ ခံစားနေရတော့တာပါပဲ😊)
ဆောင်းပါးတစ်ပုဒ်ဖတ်ပြီးတိုင်း ကိုယ့်အတွေ့အကြုံတွေနဲ့ပြန်ယှဉ်တွေး ရတာလည်းအရသာတစ်မျိုး။ ဒီနေရာမှာ ကိုယ်သာဆိုရင်ကော ဘယ်လိုတုံ့ပြန်မလဲ?ဒါကိုအပြည့်အဝလက်ခံမလား?ဒါမှမဟုတ် ကိုယ့်မှာတခြားအတွေးမျိုးရှိဦးမလား?
လူတိုင်းလူတိုင်းသာ ဒီစာအုပ်ထဲမှာပါတဲ့ ဘယ်ဥပဒေမှာမှ မပြဌာန်းထားတဲ့ ကျင့်ဝတ်လေးတွေကို နားလည်မယ် လိုက်နာမယ်ဆိုရင် လောဘ၊ဒေါသ၊မောဟ တွေကင်းဝေးပြီး ချစ်စဖွယ် လူ့ဘောင်လောကတစ်ခုဖြစ်လာမှာ မလွဲဧကန်ပါပဲရှင်။
စာမြည်းလေးအဖြစ် သဘောကျမိတဲ့ စာစုလေးအချို့ ဖော်ပြရင်း အတွေးအမြင်ကောင်းလေးများရနိုင်ပါစေ ဆုတောင်းလျက်
#သမီးရေ
ကျောင်းဆရာတစ်ယောက်ကအတန်းရှေ့မှာ အားရပါးရသင်နေတုန်းမှာ ဝါးခနဲသမ်းဝေလိုက်တဲ့ ကျောင်းသားမျိုးကို ဖေဖေတို့တွေ့ဖူးတယ်။ စာရေးဆရာတစ်ယောက်၊ပညာရှင်တစ်ယောက် စင်မြင့်ပေါ်ကနေ ဟောပြောနေတုန်းမှာ အလကားပါကွာ ဆိုတဲ့ မျက်နှာပေးနဲ့ ဝုန်းဝုန်းဒိုင်းဒိုင်း ထထွက်သွားသူတွေကိုဖေဖေတို့တွေ့ဖူးတယ်။စင်မြင့်ပေါ်မှာ အဆိုတော်တစ်ယောက်က ကြိုးစားသီဆိုနေတုန်း တော်ပါတော့ဗျို့လို့ အော်ထွက်သူတွေကို ဖေဖေတို့တွေ့ဖူးတယ်။ခြေရင်းအိမ်က အမြတ်တနိုးချက်ပို့လာတဲ့ အုန်းနို့ခေါက်ဆွဲကို မအီမသာလက်ခံရင်း ကျွန်မတို့က အဆီအဆိမ့် ကြောက်တယ်လို့ ပြောထွက်သူ အိမ်နီးချင်းတွေကို ဖေဖေတို့ တွေ့ဖူးတယ်။
သမီးရေ
လောကမှာကိုယ်ခံတွင်းမတွေ့နိုင်တာတွေက အများကြီးပါ။ငြင်းချင်စရာတွေကလည်းအများကြီးပါပဲ။ဒါပေမယ့် တစ်ဖက်လူရင်ထဲမှာ အမာရွတ်ကြီးတွေ ထင်တဲ့အထိတော့ ဖေဖေတို့မျက်နှာပြောင် မတိုက်သင့်ကြဘူး။
#တောင်ကြီးမြို့သူရဲ့နောက်ကွယ်ကမုန့်ဟင်းခါးတစ်ပွဲ ဆောင်းပါးမှ . . .