ဘုရားကြိုက်တဲ့သားမိုက်

သူ့ကဗျာတွေ ဖတ်ရတာတော့ သဘာဝတရားကြီးရဲ့ အပြောနဲ့အပြ အသံသွား အသံလာက သစ်ရွက်အသေများပေါ်မှ ရက်စက်သောဂီတကို ကြားနေရ၊ အဖွဲ့အနွဲ့က အရွယ်နဲ့မမျှ ခေတ်ပေါ်ကဗျာခေတ်ဦးကို ပြန်ရောက်သွားသလိုပဲ။ ( ဆရာစိုင်းဝင်းမြင့်၏ ဘုရားကြိုက်တဲ့ကဗျာ မှ )

သူ၏ ထူးခြားသော ကဗျာဘာသာစကား၊ ကဗျာအတွေးအခေါ်၊ ကြွယ်ဝသော နိမိတ်ပုံရိပ်များဖြင့် ဤခေတ်သစ်ကဗျာ၏ အလှတရားကို ဖော်ထုတ်ပြနိုင်ပါသည်။ ကဗျာဆရာ မြင့်မြတ်သာကီ၏ ကဗျာစကားလုံးများသည် ခေတ်သစ်၏ လေပြင်းများကြားမှ တောက်ပသော ကြယ်တစ်ပွင့် ဖြစ်လိမ့်မည်ဟု ယုံကြည်ပါသည်။ ( ဆရာကန္တာရမိုးစက်၏ မော်ဒန်ငှက်များ ပျံသန်းလာပြန်ပြီ မှ )

ယခုစာအုပ်တွင် ကဗျာအပုဒ်ရေ (၃၉) ပုဒ် ပါဝင်ပြီး ကဗျာဆရာ မြင့်မြတ်သာကီ၏ ထက်မြက်သော အမြင်နှင့် အနုပညာ လက်ရာဖြင့် လူသား၏ ဝိညာဉ်နှင့် အသစ်ဖြစ်တည်လာသော ခေတ်သစ်တို့ အကြား တိတ်ဆိတ်သော စိတ်တွင်းနဲ့ သဘာဝတိုက်ပွဲကို ဖော်ကျူးပေးစေပါသည်။ သူ၏ ထပ်တလဲလဲ မေးနေဆဲ အသက်ရှင်ခြင်း၏မေးခွန်းများ၊ အပြာရောင် ကောင်းကင်သည် သံမဏိအတောင်ပံများ၏ အရိပ်အောက်၌ မည်သို့ ရောက်ရှိနေပြီလဲ၊ စိတ်ကူးစိတ်သန်းများသည် ဒစ်ဂျစ်တယ် ကွင်းပြင်များထဲ၌ မည်သို့ ပျောက်ဆုံးသွားသည်ကို သူ့ကဗျာဖြင့် အသက်သွင်းပေးထားတယ်။