တိဘက်တောင်တန်းများမှသည်

စိမ်းလန်းတဲ့ တောင်တန်းတွေနဲ့ သာယာလှပ အေးချမ်းလှသည့်
တိဘက်ဒေသနှင့် တိဘက်လူမျိုးတို့၏ ရိုးရှင်းသော ဘဝနေထိုင်မှု

ကွန်မြူနစ်တရုတ်တပ်များ၏ ရန်မှ လွတ်မြောက်ရန်
ဟိမဝန္တာတောင်တန်းကြီးကို ဖြတ်ကျော်၍ အိန္ဒိယထိ ရှစ်လကြာ
ခြေလျင်လျှောက်ခဲ့ရသော ခရီးကြမ်းကြီး။

မတည်မြဲခြင်းနှင့် မေတ္တာတရားဆိုသည့် ဗုဒ္ဓတရားကို လက်ကိုင်ထားပြီး
မိသားစု ယဉ်ကျေးမှု၊ ဇာတိမြေ ဆုံးရှုံးမှုတွေကြားမှ
ဘ​ဝတွင် ရှင်သန်ခဲ့ရသူ။

အရက်၊ မူးယစ်ဆေး၊ ကာမဂုဏ်နှင့် ယုံကြည်ကိုးကွယ်မှု လမ်းသစ်ရှာဖွေသူ
ကိုယ်ပိုင်လွတ်လပ်မှုလိုလားသူ အနောက်နိုင်ငံသားများနှင့်
တိဘက်မဟာယာနဗုဒ္ဓဘာသာ။

လားမား၊ ရင်ပိုချေး၊ တူလ်ကူ စသော တိဘက်ဘုန်းတော်ကြီးများ၏လျှို့ဝှက်ဆန်းကြယ်သော
လူဝင်စားမှုဆိုင်ရာ တန္တရ၊ မန္တရ လျှို့ဝှက်ခက်ခဲသော ကျင့်စဉ်များအကြောင်း။

ဘာသာတရားတစ်ခုခုကို ယုံကြည်ကိုးကွယ်သူဖြစ်စေ ဒါမှမဟုတ် ဘာသာမဲ့သူဖြစ်စေ ဤစာအုပ်က ယုံကြည်ကိုးကွယ်မှုနှင့် ဘဝနေထိုင်မှုစနစ်ကို မျှော်လင့်ချက်အပြည့်အဝနှင့် လမ်းညွှန်ချက်ပေးပါလိမ့်မယ်။

စိမ်းလန်းလှပသော တိဘက်ဒေသ၏ သဘာဝအလှများနှင့် လူနေမှုဘဝများ၊ မဟာယာနရဟန်းတော်များ၏ ကျင့်စဉ်များ၊ ကွန်မြူနစ်များ၏ရန်မှ လွတ်မြောက်ရန် ဟိမဝန္တာတောင်တန်းကြီးများကို ဖြတ်ကျော်ခဲ့ရသည့် တိဘက်ဘုန်းတော်ကြီး၏ စွန့်စားခန်းနှင့် ဘဝခရီးကြမ်းကို ရေးသားထားသည့် စာအုပ်ကောင်းတစ်အုပ်ဖြစ်ပါတယ်။