စီးပွားရေးအတိုင်ပင်ခံလျှို့ဝှက်လက်စွဲ

ဤစာအုပ်သည် မြန်မာနိုင်ငံရှိ စီးပွားရေးအတိုင်ပင်ခံများ၊ အကြံပေးပုဂ္ဂိုလ်များ (Consultants)၊ နည်းပြများ (Coaches) နှင့် စီနီယာမန်နေဂျာများအတွက် ရည်ရွယ်၍ ရေးသားထားသော လက်တွေ့ ကျသည့် လမ်းညွှန်စာအုပ် ဖြစ်သည်။ အတိုင်ပင်ခံလုပ်ငန်းနယ်ပယ်တွင် သမရိုးကျနည်းလမ်းများမှ ရုန်းထွက်ကာ ပြောက်ကျားဈေးကွက်ရှာဖွေရေး (Guerrilla Marketing) နည်းဗျူဟာများဖြင့် တန်ဖိုးမြင့်ပရောဂျက်များကို မည်သို့ရယူနိုင်မည်ကို အဆင့်ဆင့် လမ်းပြထားသော မြန်မာနိုင်ငံရှိ အတိုင်ပင်ခံလုပ်ငန်း နယ်ပယ်မှ ပထမဦးဆုံး ထွက်ရှိသော စာအုပ်ဖြစ်သည်။

အဓိကပါဝင်သော အချက်အလက်များ
===
စာအုပ်ကို အဓိက အပိုင်း (၄) ပိုင်းဖြင့် ဖွဲ့စည်းထားပြီး အောက်ပါအချက်များကို အလေးပေး ဖော်ပြထားပါသည်။

(၁)ပြောက်ကျားဈေးကွက်ရှာဖွေရေး (Guerrilla Marketing) အချိန်၊ အင်အား၊ တီထွင်ဉာဏ်နှင့် အသိပညာကို အသုံးချကာ အနည်းဆုံးသော ကုန်ကျစရိတ်ဖြင့် အကျိုးအမြတ် အများဆုံးရအောင် လုပ်ဆောင်ခြင်း ။
(၂)ဈေးကွက်ရှာဖွေရေး လျှို့ဝှက်ချက် (၁၃) ချက်၊ အတိုင်ပင်ခံတစ်ဦးအနေဖြင့် မိမိကိုယ်ကိုယ် အရင်ရောင်းရန်၊ ဖောက်သည်၏ ယုံကြည်မှုကို ရယူရန်နှင့် ထိရောက်သော ဆက်သွယ်မှုပြုရန် လိုအပ်သည့် လျှို့ဝှက်ချက်များ။
(၃)လက်တွေ့အသုံးချမှုများကတော့ ဝက်ဘ်ဆိုက်တည်ဆောက်ခြင်း၊ ဆောင်းပါးနှင့် စာအုပ်ထုတ်ဝေခြင်း၊ မိန့်ခွန်းပြောခြင်းနှင့် စစ်တမ်းများကို အကျိုးရှိအောင် အသုံးချနည်းများ။
(၄)အရောင်းနှင့် ဈေးနှုန်းသတ်မှတ်ခြင်းတွင် အောင်မြင်သော အဆိုပြုလွှာ (Proposal) ဖန်တီးနည်း၊ မှန်ကန် သော ဈေးနှုန်းသတ်မှတ်နည်းနှင့် ပြိုင်ဆိုင်မှုအသာစီးရယူနည်းများ ။

စာအုပ်၏ အားသာချက်များနှင့် ထူးခြားချက်များ
===

၁။ ဤစာအုပ်သည် သီအိုရီသက်သက်မဟုတ်ဘဲ စာရေးသူ၏ (၁၈) နှစ်ကျော် အတွေ့အကြုံများကို အခြေခံကာ လက်တွေ့နယ်ပယ်မှ စိန်ခေါ်မှုများကို ဖြေရှင်းနည်းများ ဖော်ပြထားခြင်း ။
၂။ အတိုင်ပင်ခံတစ်ဦး၏ တန်ဖိုးသည် လှပသောစကားလုံးများထက် သူပေးအပ်သော “ရလဒ်” အပေါ်တွင်သာ မူတည်ကြောင်း အခိုင်အမာ ဖော်ပြထားခြင်း။
၃။ ဈေးကွက်ရှာဖွေရေး အစီအစဉ်တစ်ခုကို စာကြောင်း (၇) ကြောင်းဖြင့် ရိုးရှင်းစွာ တည်ဆောက် နည်းနှင့် လမ်းပြမြေပုံ ရေးဆွဲနည်းများကို နမူနာများနှင့်တကွ ရှင်းပြထားခြင်း။
၄။ ကျွမ်းကျင်မှုထက် စိတ်ဓာတ်နှင့် ကျင့်ဝတ်မှန်ကန်ရန်၊ ဖောက်သည်အပေါ် စစ်မှန်သော ဂရုစိုက်မှုဖြင့် ကူညီရန် အမြဲဦးစားပေးထားခြင်း။

ဤစာအုပ်သည် မြန်မာနိုင်ငံရှိ အတိုင်ပင်ခံလုပ်ငန်းကဏ္ဍအတွက် ပထမဆုံးသော ပြောက်ကျားဗျူဟာ လမ်းညွှန်စာအုပ် ဖြစ်ပါသည်။ စာရေးသူသည် “လုပ်ငန်းတိုင်းတွင် အဖြေရှိသည်” ဟူသော ခံယူချက်ဖြင့် အတိုင်ပင်ခံတစ်ဦး၏ အခက်ခဲဆုံးသော အပိုင်းဖြစ်သည့် “ဈေးကွက်ရှာဖွေခြင်း” ကို စနစ်တကျ မည်သို့ လုပ်ဆောင်ရမည်ကို ရှင်းလင်းစွာ တင်ပြထားပါသည် ။

အထူးသဖြင့် အတိုင်ပင်ခံလောကသို့ စတင်ခြေချသူများအတွက်သာမက လက်ရှိလုပ်ကိုင်နေသည့် ဝါရင့်ပညာရှင်များအတွက်ပါ မိမိတို့၏ ဝန်ဆောင်မှုတန်ဖိုးကို မြှင့်တင်ရန်နှင့် ရေရှည်တည်တံ့သော ဖောက်သည်ဆက်ဆံရေး တည်ဆောက်ရန်အတွက် “မဖတ်မဖြစ် ဖတ်ရှုသင့်သော စာအုပ်ကောင်း (Must-Read Guide)” တစ်အုပ် ဖြစ်ပါသည်။

“စီးပွားရေးအတိုင်ပင်ခံ လျှို့ဝှက်လက်စွဲ” သည် မိမိ၏ အသိပညာနှင့် တီထွင်ဉာဏ်ကို အသုံးချကာ အောင်မြင်သော အတိုင်ပင်ခံလုပ်ငန်းတစ်ခု တည်ထောင်လိုသူတိုင်းအတွက် အစွမ်းထက်သော လက်နက်တစ်ခု ဖြစ်ကြောင်း ညွှန်းဆိုလိုပါသည်။ ။