ညဉ့်ဦးယံဒီပြန်တက်ပါလိမ့်
5000 (ကျပ်)
ဒီဝတ္ထု က * ဆရာ နွမ်ဂျာသိုင်း * ရဲ့အောင်မြင်လှတဲ့ စာပေလက်ရာများစွာထဲကတစ်ခုပါ ။ ဒီစာအုပ်က ဆရာဇော်ဂျီရဲ့ * ဗေဒါလမ်း *ကဗျာ ကို အခြေခံပြီး ဖွဲ့သီထားတဲ့ ဝတ္ထု တစ်ပုဒ်လို့ ဆိုရပါမယ်။မန္တလေးတက္ကသိုလ်မှာ တာဝန်ကျတဲ့ နည်းပြဆရာ၊ ဧရာဝတီတိုင်းသားလေးကိုထွန်းလွင် နဲ့ပတ်ဝန်းကျင်က လူအများရဲ့ အထင်အမြင်လွဲမှားမှု ခံရလို့ စိတ်ဓာတ်ကျနေရှာတဲ့မန္တလေးသူ၊ မန္တလေးတက္ကသိုလ် မဟာတန်းကျောင်းသူလေးဝေဝေငြိမ်း တို့ရဲ့ ဆွတ်ပျံ့ ကြည်နူးဖွယ်ဇာတ်လမ်းတစ်ပုဒ်ပါ ။အားလျော့နေတဲ့ ချစ်သူကို ဘဝခွန်အားတွေ ရရှိအောင် ဗေဒါလမ်း ကဗျာလေးထဲက မဗေဒါရဲ့ ဘဝလောကဓံ ကို ပမာပြု ပြီး ဘယ်လို လမ်းပြ တည့်မတ်ပေးသလဲဆိုတာကိုတော့ဒီဝတ္ထု လေးထဲမှာသာ ဖတ်ကြည့်လိုက်ပါ။မကြာမီအချိန်မှာလည်းရုပ်သံဇာတ်လမ်းအဖြစ် မြင်တွေ့ရမဲ့ဝတ္ထု တစ်ပုဒ်ပါ။
| စာမျက်နှာ | 262 |
|---|---|
| စာအုပ်အရွယ်အစား | 5.3 x 0.5 x 8.3 inches |
| ပုံနှိပ်မှတ်တမ်း | ကောင်းဆုသာစာပေ၊ 2022 ဖေဖော်ဝါရီလ (တတိယအကြိမ်) |
4 in stock
နွမ်ဂျာသိုင်း စာအုပ်များ
-
နွမ်ဂျာသိုင်းဒေါင်းယာဉ်ပျံဘုံနံဘေးမှာစာရေးလို့ထားချင်တယ်
5500 (ကျပ်) -
နွမ်ဂျာသိုင်း
တစ်ပင်တည်းရင်ထဲကနွယ်
7000 (ကျပ်) -
နွမ်ဂျာသိုင်း
တစ်ခါတုန်းကတက္ကသိုလ်မှာ
7000 (ကျပ်) -
နွမ်ဂျာသိုင်း
ညဉ့်ဦးယံဒီပြန်တက်ပါလိမ့်
5000 (ကျပ်) -
နွမ်ဂျာသိုင်း
ခပ်ညံ့ညံ့ပဲကောင်းပါတယ်
6000 (ကျပ်) -
နွမ်ဂျာသိုင်း
အိပ်မက်ထဲကတက္ကသိုလ်
6000 (ကျပ်)
Sébastien Jorre (verified owner) –
မိသားစုကအသင့်အတင့်ချမ်းသာသော်ငြား အတွင်းရေးပြဿနာလေးတွေရှိနေတဲ့ အိမ်မှာနေထိုင်နေရပေမဲ့ ကိုယ့်ကိုယ်ကို ထိန်းကျောင်းတတ်ပြီး စာကြိုးစားတာကိုလည်း မပျက်စေတဲ့ ကောင်မလေးတစ်ယောက်။ ရင်ခုန်သံတွေစတင်လှုပ်ရှားစ ဆယ်ကျော်သက်အရွယ်မှာ သူငယ်ချင်းသံယောဇဉ်ကနေ တဆင့်ထပ်တိုးပြီး တွယ်တာအားကိုးရတဲ့သူတစ်ယောက်ရှိလာခဲ့လို့ ကြည်နူးဖွယ်ဘဝလေးကို ပိုင်ဆိုင်ရပြီလို့ ယုံမှတ်နေစဉ်ခဏမှာပဲ ပထွေးဖြစ်သူရဲ့ ရည်ရွယ်ချက်ရှိရှိယုတ်မာမှု၊ ဒါကို အထင်အမြင်လွဲမှားပြီး အယုံကြည်ရဆုံးချစ်ဦးသူဆီကပါ ဘယ်လိုမှ မမျှော်လင့်ထားတဲ့ ပက်စက်တဲ့အကြံအစည်တွေနဲ့ ကြုံတွေလိုက်ရတဲ့အခါ လောကကြီးကိုရော ပတ်ဝန်းကျင်ကိုပါ အကြီးအကျယ်စိတ်နာသွားကာ အရွဲ့တိုက် ဇွတ်တရွတ်နိုင်လာခဲ့တဲ့ အဲဒီကောင်မလေး။ တစ်ဖက်မှာက ရုန်းကန်လှုပ်ရှားလာခဲ့ရတဲ့ဖခင်ဖြစ်သူကတက်စေချင်တဲ့ ဆေးကျောင်းကို အတိုက်အခံလုပ်ငြင်းဆန်ပြီး ကိုယ်ဝါသနာပါရာ စာပေတွေ ကဗျာတွေနဲ့ မွေ့လျော်ချင်လွန်းလို့ မြန်မာစာအဓိကနဲ့ မဟာတန်း၊ ပါရဂူတန်းတွေအထိ သင်ယူလေ့လာချင်တဲ့ တက္ကသိုလ်နည်းပြဆရာပေါက်စလေးတစ်ယောက်။ လွမ်းဆွေးတမ်းတစရာ ဇာတ်လမ်းလေးတစ်ပုဒ်ရှိခဲ့ပေမဲ့လည်း ဆရာဇော်ဂျီရဲ့ “ဗေဒါလမ်း” ကဗျာလေးတွေကို ချစ်တတ်ပြီး လောကရဲ့ ဖြစ်တတ်ပျက်တတ်ပုံတွေကို ဒီကဗျာလေးတွေနဲ့ အမြဲချိန်ထိုးသုံးသပ်လေ့ရှိတဲ့ ဆရာပေါက်စလေးနဲ့ စာတော်ပြီး ရုပ်ရည်လေးက ချောမောပေမဲ့ ဒီအချက်တွေနဲ့ဆန့်ကျင်ဘက် ဂုဏ်ထူးဝိသေသတွေနဲ့သာ ပတ်ဝန်းကျင်က ဝိုင်းဝန်းသမုတ်ကြခြင်းကိုသာခံရရှာတဲ့ မဟာတန်းတက္ကသိုလ်ကျောင်းသူလေးတစ်ယောက်တို့ရဲ့ ဆွတ်ပျံ့ကြည်နူးဖွယ်ဇာတ်လမ်းလေးတစ်ပုဒ် မည်သို့မည်ပုံ အဆုံးသတ်သွားမလဲဆိုတာကတော့ …