ကျွန်မချစ်သော လူငယ်များအတွက် ကျွန်မဘဝ ကျွန်မစာ

Modern Publishion  House က စီစဥ် ပုံဖော်ပြီး ခေတ်မျက်၀န်းစာပေရဲ့ ပွဲဦးထွက်အဖြစ်  သတင်းထောက်၊စာရေးဆရာမ၊အစီအစဥ်တင်ဆက်သူ သူဇာနွယ်(ဖျာပုံ)က သူမရဲ့ ဘဝသက်တမ်း ၂၅ နှစ်မှာ တွေ့ကြုံ ဖြတ်သန်းရင်ဆိုင်ခဲ့ရတဲ့ အတွေ့အကြုံတွေကို အခြေခံလို့ ဖြစ်ပေါ်လာတဲ့  စိတ်ဓာတ်ခွန်အား စကားလုံးတွေကို စာအုပ်အဖြစ် ပုံဖော်ပြီး  “ကျွန်မဘ၀ ကျွန်မစာ  စိတ်ခွန်အားပေးစာစုများ ” ဆိုတဲ့ အမည်နှင့်ထုတ်ဝေထားခြင်းဖြစ်ပါတယ်။

ဒီစာအုပ်မှာ အနာဂတ်ရဲ့ခေတ်လူငယ်တွေ အနေနဲ့ ဘက်စုံလောကမှာ စိတ်ဓာတ် ခွန်အားနဲ့ ကိုယ်ကျင့်တရားတွေကို အရင်းခံလို့ ကျင်လည်ရတဲ့အချိန်မှာ အမှားနဲ့အမှန်၊အသိတရားနဲ့ သတိတရား၊အခြေအနေနဲ့ အချိန်အခါ၊ဆောင်ရန်နဲ့ ရှောင်ရန် စတာတွေကို ထုံးနှလုံးမူ လိုက်နာ ကျင့်ကြံ အားထုတ်နိုင်စေဖို့အတွက် စာရေးသူက သူ့တွေ့ကြုံ ကြိုးစား ရုန်းကန် ဖြတ်သန်းခဲ့ရတဲ့ စိတ်ဓာတ် ခွန်အားတွေကို လက်တွေ့ ကျင့်ကြံ လုပ်ဆောင်နေရင်း ဤ စာစု ၁ဝဝ ကျော်ကို စုစည်းတင်ပြထားခြင်း ဖြစ်တယ်လို့ဆိုထားပါတယ်။

ဒါ့ကြောင့် အနာဂတ်မျိုးဆက်သစ် လူငယ်တွေ အနေနဲ့ သာယာ လှပတဲ့ မိမိရဲ့ ဘဝနဲ့ လောကပတ်ဝန်းကျင်ကို အလှဆင်နိုင်ဖို့အတွက် ဒီစိတ်ခွန်အားပေးစာစုများ ဆိုတဲ့ စာအုပ်လေးက  ရှေ့ဆောင် လမ်းပြ လမ်းကြောင်း တည့်မတ်ပေးမှာ  ဖြစ်တဲ့အတွက် လက်မလွှတ်တမ်း ဝယ်ယူဖတ်သင့်တဲ့ စာအုပ်ဖြစ်ပါတယ်။