အလွင့်

ဆရာစေပိုင်ထွဋ်ရဲ့ ကဗျာကောင်းလေးတွေကို တဝကြီးဖတ်ရှုလို့ရမယ့် စာအုပ်ငယ်လေး ‘အလွင့်’….

ခပ်ပါးပါးစာအုပ်လေးထဲမှာ လေးလေးနက်နက် ခံစားချက်တွေနဲ့ တငြိမ့်ငြိမ့်ဖတ်လို့ကောင်းမယ့် ကဗျာတွေ အများကြီး ပါဝင်ပါတယ်။ အချိန်ရတဲ့ခဏလေးမှာ သစ်ရွက်တွေလို ကြွေလွှင့်တော့မယ့် ကဗျာစာသားငယ်လေးတွေကို ဖတ်လို့ရအောင် ရွေးချယ်ဖော်ပြပေးလိုက်ပါတယ်။

“ကိုယ်က မျက်ရည်မချူတတ်ဘူး
ဒဏ်ရာကိုကြိတ်ခံဖို့ ပါရမီပါတဲ့အခါ
အမြဲတမ်း လူမိုက်ဖြစ်ရတယ်”

” ငါသေပြီးတဲ့နောက်…
နောက်ဘဝမှာ ပန်းခင်းဖြစ်ချင်တယ်
ကိုယ့်ကိုကြည့်ပြီး စိတ်ချမ်းသာစေချင်တယ်
ကိုယ့်ကိုကြည့်ပြီး လန်းဆန်းစေချင်တယ်
အကြည်ဓာတ်နဲ့ ခွန်အားကိုလှူသမျှ
စိတ်ရောကိုယ်ပါ အနားယူပါ
အနိမ့်ဆုံးတော့
ကိုယ့်အနားရှိသူတိုင်းကို မွှေးခွင့်ရတာပေါ့။”