မြို့ပြဆိုင်ရာ အိမ်ရှင်အိမ်ငှားမှုခင်းပြဿနာများ

မြန်မာနိုင်ငံသည် စတုရန်းမိုင် (၂၆၁၂၂၇) အကျယ်အဝန်းရှိသည်။ ၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းအရ လူဦးရေ စုစုပေါင်း (၅၁၄၈၆၂၅၃) ရှိပြီး လူဦးရေအများဆုံးများ ရန်ကုန်၊ ဧရာဝတီ နှင့် မန္တလေးတို့ဖြစ်သည်။

လူမှုအခြေခံအဆောက်အအုံမှာ အိမ်ထောင်စု အများစုသည် အိုးအိမ်ပိုင်ဆိုင်ကြသည်။ မြို့ပြတွင် မိမိပိုင်ဆိုင်သော အိမ်၊ မြေ၊ အဆောက်အအုံများကို ပိုင်ရှင်များက ငှားရမ်းလိုသူများထံ စာချုပ်ချုပ်ဆို ငှားရမ်းခြင်း၊ အလွယ်တကူ ငှားရမ်းခြင်းများ ပြုလုပ်ကြရာမှ မြို့ပြဆိုင်ရာ အိမ်ရှင် အိမ်ငှား မှုခင်းပြဿနာများ ဖြစ်ပေါ်လာခဲ့သည်။

ယခုစာအုပ်တွင် မြို့ပြဆိုင်ရာ ငှားရမ်းခ ကြီးကြပ်ရေး အက်ဥပဒေပါ အိမ်ရှင်၊ အိမ်ငှား၊ ဥပစာ စသည့် အဓိပ္ပာယ် ပြဋ္ဌာန်းချက်များနှင့် ဗဟိုတရားရုံး၊ တရားရုံးချုပ်နှင့် ပြည်ထောင်စုတရားလွှတ်တော်ချုပ် တို့မှ ထုတ်ဝေခဲ့သည့် စီရင်ထုံးများပါ အနှစ်ချုပ် သုံးသပ်ချက်များကို ၁၉၆၆ ခုနှစ် မှ ၂၀၁၁ ခုနှစ်ထိ စုစည်းထုတ်ဝေထားပါသည်။