ရေပြာအိုင်မှဇာတ်လမ်းများ

စာရေးသူသည် ယခုဇာတ်လမ်းများကို ရေးသားရာမှာ စိတ်ကူးယဉ်သက်သက် ဇာတ်လမ်းများမဟုတ်ပါ။ သက်ကြီး ဝါကြီး လူကြီးများက ပြောပြခဲ့သည့် ရှေးဟောင်းနှောင်းဖြစ် တကယ့်အဖြစ်များ၊ စာရေးသူ ကိုယ်တွေ့အဖြစ်များ၊ ၁၉၄၄ ခုနှစ်မှ စပြီး ၁၉၆၅ခုနှစ်အထိ နှစ်ပေါင်း ၂၀ကျော်အချိန်အတွင်းမှာ ဗမာပြည်မထဲက နေရာဒေသ အနှံ့အပြားမှလည်းကောင်း၊ ရခိုင်တိုင်းမှာ သုံးနှစ်ကျော်နေထိုင်ခဲ့၍လည်းကောင်း၊ ရှမ်းပြည်မြောက်ပိုင်းမှာ နှစ်နှစ်ကျော်နေထိုင်ခဲ့၍လည်းကောင်း ၊ ကရင်ပြည်နယ် ဘားအံဘက်တွင် သုံးနှစ်မျှလည်းကောင်း၊ ကော့ကရိတ်ဘက်တွင် နှစ်နှစ်ကျော်မျှလည်းကောင်း နေထိုင်ခဲ့ရစဉ်က ထူးထူးဆန်းဆန်း တွေ့ကြုံခဲ့ရ၊ မှတ်ခဲ့ရ၊ ကြားခဲ့ရသည့် အဖြစ်များကို ပြန်လည်ရေးသားခြင်းဖြစ်ပါသည်။