ဇာတ်ထဲကဇာတ်

သဘင်နဲ့ ပတ်သက်လို့ ၁၉၉၀ ​ခုနှစ် ဖွားတွေလောက်အထိသာ ပွဲတွေ့ ရင်းနှီးခဲ့ကြပေမယ့် ၂၀၀၀ ပြည့်နှစ် ပတ်လည်ဖွားတွေကတော့ သဘင်နဲ့ အတော်လေးကို အလှမ်းကွာနေကြမယ် ထင်ပါတယ်။ မီခဲ့ကြမယ် ဆိုရင်တောင် သဘင် မပီတော့တဲ့ ဒိန်းဂျပ်ဂျပ်တွေပဲ ဖြစ်နေမှာ သေချာပါတယ်။ အခုဆိုရင် သဘင်လောကဟာ တိမ်မြုပ်ပျောက်ကွယ်လုနီးနီး။

ဒီစာအုပ်လေးမှာတော့ သဘင်နဲ့ ပတ်သက်တဲ့ ပွဲပြင်၊ ပွဲတွင်း၊ စင်ပေါ်၊ စင်နောက်ကွယ်က ဝတ္ထုလေးတွေကို စုစည်းထားပါတယ်။

ထူးခြားတာက ဒီဝတ္ထုလေးတွေကို အစဥ်လိုက် ဖတ်မယ် ဆိုရင် သဘင်နောက်ခံ လုံးချင်းဝတ္ထုရှည်ကြီးကို ဖတ်ရသလို ခံစားရမှာ ဖြစ်ပါတယ်။

သဘင်ကို ပွဲတွေ့ ကောင်းကောင်း မီခဲ့တဲ့ စာဖတ်သူတွေအတွက် ပြန်လည်တမ်းတ အလွမ်းဖြေစရာ ဖြစ်စေသလို၊ သဘင့်အရသာကို ပွဲတွေ့ ကောင်းကောင်း မခံစားခဲ့ရတဲ့ စာဖတ်သူတွေအတွက်လည်း သဘင်နဲ့ ပတ်သက်တဲ့ သုတ၊ ရသကို လှပစွာ ဂုဏ်ယူခံစားနိုင်ကြလိမ့်မယ်လို့ မျှော်လင့်ယုံကြည်မိပါတယ်။

ဒီစာအုပ်လေးထဲမှာ…
ခင်ဆွေဦးရဲ့ နေမဝင်တေး၊ ခင်မောင်ကျော်(မန္တလေး)ရဲ့ ဇာတ်ဓါး၊ နေဝင်းမြင့်ရဲ့ ကိုခေါက်ချိုးနဲ့ သဒ္ဒယုဝတီ၊ ခင်ခင်ထူးရဲ့ ပွဲကတော်၊ မောင်သစ်လှိုင်းရဲ့ ဇာတ်ပို့၊ အိမ်မွန်ရဲ့ ဇာတ်ထဲက ဇာတ် ၁+၂ တို့ ပါဝင်ပါတယ်။